mánadagur 16. september 2019síða 16

Mánadagur 16. september 2019 · Nr. 106 16 Sosialurin Hugskot og viðmerkingar – send sms til 225000 STUTT SØGD Sjúrður Hildarson Hoydal KURVABÓLTUR Spania er heimsmeistari í kurva­bólti. HM í kurvabólti í Beijing var avgjørt sunnudagin, tá ið Spania og Argentina hittust í finaluni. Spanski NBA- leikarin úr Phoenix Suns, Ricky Rubio var stóra stjørnan, tá ið Spania vann finaluna 95-75. Sermerkt er, at nógvar stjørnur úr amerikansku kurva­bólts­ deild­ini, NBA, skaraðu framúr í heimsmeistaraskapinum, men at tað var fyri onnur lond enn USA, ið hevði vunnið tvey tey seinastu Heimsmeistaraheitini. Allir leikararnir á amerikanska liðnum spæla í NBA, men tað var synd at siga at tað vóru tær stóru stjørnurnar sum vóru við. Broytingar í sáttmálareglunum í Amerika førdu til at leikarar sum LeBron James, Stephen Curry, Russel Westbrook, James Harden, Kevin Durant og nógvir aðrir takkaðu nei til at spæla HM. Millum annað av ótta fyri at gerast skaddir uttan nóg stóra trygging í sáttmálanum hjá sær. Amerikanskir miðlar siga eisini, at ein orsøk er at leikararnir vilja ikki bæði spæla HM hetta summarið og so OL næsta summar uttan steðg. HM endaði við ringasta amerikanska úrslitinum nakrantíð, tí USA endaði á sjeynda plássið eftir at hava tapt ímóti bæði Fraklandi og Serbia. Kortini kundu amerikumenn fegnast um at hava spælt seg til luttøku í OL í Tokyo. Tvey tey bestu liðini úr Norður- og Suðuramerika vunnu luttøku, og her var USA næst eftir Argentina. Spanska heims­meistara­ heit­ið hevur sjálvsagt elvt til stóra frægd í Spania, har eitt nú forsetin í Real Madrid, Floren­ tino Perez, sunnudagin boðaði frá, at hann er farin at royna at fáa kurvabóltsliðið hjá Real Madrid at spæla í NBA. SÚKKLING Tann seinasta av teimum trim­ um sonevndu ”grand tours” var avgjørd um vikuskiftið. Tað var slovenski Primoz Roglic, ið vann reyðu troyggjuna í Vuelta a España. Ein annar sloveni, Tadej Podagacar, gjørdist nummar trý, meðan spanski super­veteranurin, Alejandro Val­verde gjørdist nummar 2. Primoz Roglic var ein av størstu favorittunum und­an kappingini og fekk fatur á reyðu troyggjuni á einstaklingastartinum á tíggj­ unda teini. Slovenska stjørnan varð­veitti oddasessin allan vegin til Madrid á 21. teininum sunnu­dagin, og kundi tí fegnast um størstu sigurin higartil. Primoz Roglic er seinastu árini vorðin ein stór stjørna í súkkluheiminum, og hevur eisini fingið nógv upp­merk­ semi fyri sína øðrvísi leið inn í yrkissúkkling. 18 ára gamal vann slovenin HM fyri ung í skílhoppi, men trý ár seinni datt hann øgiliga illa í einari kapping og gavst sum skí­ hoppari. Sum 23 ára gamal byrjaði hann at súkkla, eitt ár senni livdi hann av at súkkla burturav og seinastu tvey árini hevur hann prógvað seg sum ein av heimsins bestu. Primoz Roglic er 29 ár í dag. FRÆLSUR ÍTROTTUR Kenya er tiltikið at vera eina­ ráðandi á langteinum í renning, og hetta var hildið fast um, tá ið 26 ára gamli Geoffrey Kam­ woror setti heimsmet í hálv­ maraton sunnudagin. Tað var í Keypmannahavn at stór kapp­ing var í hálvmaraton og Kamworor úr Kenya rann teinin upp á 58 minuttir og eitt sekund. Hetta er 17 sekund skjótari enn eitt ára gamla heimsmetið. Fyri einari viku síðani rann Brigid Kosgei úr Kenya seg til heimsmetið hjá kvinnum við tíðini 1 tími, fýra minuttir og 58 sekund. SPANSKUR FÓTBÓLTUR Ansu Fati er nýggja stjørnan í Barcelona. Leysasøgurnar um at FC Barcelona fór at keypa Neymar aftur úr PSG vístu seg at vera ósannar, og fjepparar vóru í døpurhuga at teir tríggir Barcelona-áleypararnir, Lionel Messi, Luis Suarez og Ousmane Dembelé allir hava verið skaddir tær fyrstu vikurnar av kappingarárinum. Tí hev­ ur brádliga verið neyðugt hjá Barcelona at leita sær til ungdómsleikararnar, og nú tykist felagið hava funnið sær eina nýggja størnu. 16 ára gamli Ansu Fati úr Guinea- Bissau var skiftur inn fyri fyrstu ferð ímóti Osasuna fyri trimum vikum síðani og skoraði eisini. Sostatt gjørdist hann yngsti Barcelona-leikarin at skora mál í skrásettum dysti. Frammanundan hava Lionel Messi og Bojan Krkic átt tað metið. Leygardagin vísti Ansu Fati so, at málið ímóti Osasuna ikki bara var av hepnið.Við bæði at skora til 1-0 og leggja upp til 2-0 teir fyrstu sjey minuttirnar av dystinum ímóti Valencia leygardagin sleyg vinstri vongurin navnið hjá sær fast í altjóða ítrottarheiminum. Barcelona vann eisini henda dystin 5-2. Eftir fýra dystir hevur Barcelona sjey stig og er á fimta plássið í sponsku landskappingini aftanfyri Sevilla, Atlético Madrid, Real Madrid og Athletic Club. ÓVANTAÐAR ALTJÓÐA STJØRNUR Vikan í altjóða ítrotti hevur prógvað, at óvantaðar stjørnur sigra oftari og oftari á siðbundnum feløgum og tjóðum