hósdagur 19. september 2019síða 7

FRÍGGJADAGUR 20. SEPTEMBER 2019 SOSIALURIN 108 7 hjá honum. Men onkuntíð stendur hon á ljóðleyst. Vit hava ikki nakran politikki heima á hesum øki, men vit royna at hava frið fyri telefonunum, tá ið vit eta, og tá ið vit eru saman sum familja. Eg haldi, at Bárður er raskur at siga, at hann kann ringja aftur seinni, sigur Rakul Niel­sen. Uttanlandsferðir Tað krevur sítt at vera løg­mans­ frú. Tær fyrstu uttan­lands­ ferðirnar eru longu lagdar til rættis. Millum annað skal Rakul vera við, tá ið danska fólkatingið verður sett 1. oktober. Eg haldi, at okkurt var eisini 29. oktober, sigur Rakul Nielsen. – Eg arbeiði hálva tíð, so eg havi møguleika at fara við. Eg havi góða avtalu við arbeiðs­ plássið og kann leggja arbeiðið til rættis sum tað passar, sigur hon. Sjálvt um børnini nú eru vaksin, so hevur hon ikki ætlanir um at fara at arbeiða fulla tíð. – Teimum dámar væl, at har er onkur, tá ið tey koma heim, sigur Rakul Nielsen. Sjálvt um tey bæði fara til Havn­ar til arbeiðis, so er tað bara av og á, at tey koyra saman. – Tað er ikki so ofta, at tað passar í arbeiðstíðirnar, at vit kun­nu koyra saman til Havnar, sigur Rakul Nielsen. Hon fekk boðini um samgonguna, áðrenn miðlarnir vistu av tí Tá ið nógv hendir politiskt, so er tað ikki altíð, at hon fær tíðindini at vita frá manninum, men gjøgnum miðlarnar. – Nú tá ið samráðingarnar vóru, segði eg við hann, at hann kundi væl ringja til mín og siga mær frá, áðrenn eg frætti í miðlun­um, um ein samgonga fór at vera skipað ella ikki. Tann dagin, tá ið samgongan varð skipað, ringdi hann fyrst og segði, at hann fekk ikki semju, og at hann tí fór oman á Gamla Apotek at tosa við hinar flokk­ ar­nar. So sá eg hann fara niðan­ aft­ur, men áðrenn hann fór inn til løgtingsformannin, Páll á Reynatúgvu, ringdi hann og segði, at nú hevði hann fingið semju, og at tað fór at vera henda sam­gongan, sum nú er vorð­in veru­leiki, sigur Rakul Niel­sen. Tey, sum fylgdu við, vita, at tað gekk rættiliga hektiskt fyri seg henda fríggjadagin, meðan samráðingarnar gingu upp á tað harðast, og at sam­ ráð­ingarleiðarin, Bárður á Steig Niel­sen, hevði úr at gera. Kortini rað­festi hann at siga konuni frá. – Tað var jú stórt, um hetta bleiv til nakað, og eg visti eisini, at tað kundi enda við, at hann gjørd­ist løgmaður. Tí var tað gott at fáa boðini frá honum, sigur Rakul Nielsen. Tá ið atfinningar koma Men tað var ikki bara gleði henda dagin. – Tað kom ymiskt fram aftan­á, um at Bárður skuldi havt logið. Eg gjørdist eitt sind­ ur ørg, tí eg visti, at støðan var ein onnur. Tað var í hvussu er tað, sum Bárður hevði sagt mær. Eg sløkti fyri facebook og tele­ fonina. Eg fór ikki inn aftur fyrr enn morgunin eftir, sigur Rakul Niel­sen. Hon sigur seg ikki hava upp­ livað nógv av atfinningum, tá ið Bárður var landsstýrismaður. Tað var tó eitt sindur, tá ið hann fór úr politikki eina tíð og seinni kom inn aftur. Tá var ymiskt skriv­að. – Kanska eg veri eitt sindur kedd og ørg, tá ið eg síggi ella hoyri, at tað kemur ymiskt keði­ ligt í miðlarnar. Eg hugsi kanska, hví skulu teir skriva hatta um hann og ikki um onkran annan, sigur Rakul Nielsen. Liggur til høgrabeinið Tað er Rakul Nielsen, ið syrgir fyri, at løgmaður er væl klædd­ ur, tá ið hann er í almenna rúmi­ num. Og tað er meira enn bara at strúka skjúrtur. – Eg keypi klæðini til hansara. Tá ið tað er klædningur, er hann sjálv­andi við. Eg hugsi eitt sindur um, at nú hevur hann verið í has­um settinum og hasum slipsi­num, so skal hann ikki í tað sama til næstu sending. Eg keypti honum eitt nýtt slips til for­mans­umfarið fyri at tryggja mær, at hann ikki hevði verið í tí, sigur Rakul Nielsen. Um tað er slipsið og klæðini, ið hava givið úrslitið, at Bárður á Steig Nielsen er løgmaður í dag, er tó óvist. – Hann vil vera væl klæddur, men júst hvat riggar saman, hugs­ar hann ikki so nógv um. Tað liggur til høgrabeinið hjá mær at orðna hetta. Tað er ikki nakað stress fyri meg at gera tað, sigur Rakul Nielsen. Besta vinkona eisini løgmanskona Ein av bestu vinkonunum hjá nýggju løgmansfrúuni er Jórun Johannesen, ið er gift við Kaj Leo Holm Johannesen. Hon hevur áður verið løg­mans­kona og er nú kona ein av lands­stýris­ monn­unum. – Vit vóru grannar, javngamlar og bestu vinkonur. Eg veit, hvussu nógv hon hevði at gera, tá ið Kaj Leo var løgmaður. Vit eru framvegis vinkonur og ganga í bindiklubb saman, so eg kenni frá henni, hvat tað krevur, sigur Rakul Nielsen. Tær eru 10-12 í bindi­klubba­ num, men hon avvísir, at talan er um ein sambandsbindiklubb. – Vit eru ungdómsvinkonur úr Havn, ið eru í bindiklubbanum. Vit tosa um alt møguligt, ikki so nógv um politikk. Tá ið tær koma til Vestmanna, møta tær væl upp og fylla bilarnar, sigur Rakul Nielsen. Hon hevur nógv samskifti við vinkonuna og væntar nú eisini at síggja hana oftari til mót­ tøkur og annað í framtíðini. Valdi Atla Dam Rakul Nielsen hevur ikki altíð verið sambandskvinna. Fyrstu ferð hon var á vali, valdi hon Javn­aðarflokkin. – Eg fekk góð ráð og lurtaði eftir teimum. Eg setti krossin við Atla Dam, og hann gjørdist løg­ maður. Nú havi eg sett krossin við Bárður, og nú er hann vorðin løgmaður, sigur Rakul Nielsen og flennir. Fimleikavenjari Bárður á Steig Nielsen verður ofta kallaður vestmenningur við stórum V. Hondbóltur, kapp­ róður og bátastevna er nakað av tí, sum hevur fylgt nógv hjá hon­ um. Rakul Nielsen hevur eisini stuðlað honum á ymiskan hátt í hesum virkseminum. Hon hevur tó eisini onnur áhuga­mál, sum fara við hennara frítíð. Hon íðkaði fimleik í Havnini sum barn og ung, og nú hevur hon í ellivu ár skipað fyri fimleiki í Vestmanna. Talan er um eitt lið hjá Havnar Fim­ leikara­felag. – Eg eri bæði samskipari og venjari. Tað hava verið umleið 70 til 80 íðkarar, men í ár eru tey umleið 50. Eg kenni tey flestu í Havn­ar Fimleikarafelag, og eg helt tað vera lættari at byggja upp við at skipa alt undir teim­ um. Tað eru ikki øll børn, ið hava hug at spæla hondbólt, men eg royni at siga við tey, at fim­leikurin er góður fyri hond­ bóltin. Vestmenningar hava tik­ ið sera væl ímóti fimleikinum, sigur Rakul Nielsen. Hondbólturin fyllir eisini nógv hjá núverandi løg­mans­ hjúnunum. – Børnini spæla hondbólt, so tað fyllir nokk so fitt, sigur Rakul Nielsen. FRANTS@SOSIALURIN.FO Tvær løgmanskonur, sum eru bestu vinkonur og ganga í bindiklubb saman. Frá vinstru Jórun Johannesen (kona Kaj Leo Holm Johannesen), Rakul Nielsen og Bárður á Steig Nielsen MYND: ÁLVUR HARALDSEN Rakul Nielsen er gift við Bárði á Steig Nielsen, løgmanni. Hon er 46 ár, úr Havn, men hevur seinastu 22 árini búð í Vestmanna. Hon er útbúgvin vøruavgreiðslufólk og lærdi hjá Eimskip. Síðstu 11 árini hevur hon arbeitt sum bókhaldari á Búsetri. Síðani hon átti yngstu dóttrina, hevur hon arbeitt hálva tíð. Rakul og Bárður eiga fýra børn. Tey eru Súna (24) Bjørg (19) Djóni (17) og Gunnvá (14). Tvey tey elstu lesa í Århus, meðan tey yngru børnini búgva heima. FAKTA