týsdagur 24. september 2019síða 38

Mikudagur 25. september 2019 · Nr. 110 38 Sosialurin Hugskot og viðmerkingar – send sms til 225000 Tróndur Arge Tveir teir seinastu dystirnir í 23. umfari verða í kvøld. Tað eru dystirnir hjá steypa­final­ ist­unum. EB/Streymur tekur móti steypavinnarunum úr HB, meðan Skála tekur móti Víkingi. Felags fyri øll liðið er, at tey eru langt frá vanda og fram­stigi. HB er steypavinnari og hevur vunnið sær pláss í Ev­ ropa til komandi kapp­ingar­ár, Víkingur hevur langt upp til Evropa, Skála liggur í onga­ mannalandi og tað skal ganga EB/Streymi illa, um teir niður­ flytingarvandin verður størri, enn hann hevur verið í alt ár. EB/Streymur-HB Mikukvøldið klokkan 19 DÓMARI: PETUR REINERT Sundalagsmenn vunnu týdningarmiklasta sigurin í hesum kappingarárinum í farna umfari. Við 3-2 sigri á ÍF hava sundalagsmenn slitið seg leysar av aftasta plássinum í Betri deildini. Í løtuni er ivasamt um nakrar uppflytari verður, men tað er enn ein møguleiki fyri at 07 Vestur ger eitt hál. Verri er at ímynda sær, at B68 og 07 Vestur klára at koma millum trý tey fremstu í næstbestu deildini. Gestirnir eru steypavinnarar og tað kemur óiva at ávirka dystin. Tó er murran í HB púra greið. Liðið skal vinna sínar dystir og spælt verður fyri FM, so leingi tað er ein møguleiki. -Vit hava framvegis møguleika at endurvinna FM, og tí avbjóðingini fara vit nú at hava fokus á. Vit eru níggju stig frá toppinum, og tað eru fimtan stig eftir at spæla um, so møguleikin er ikki burtur, og vit fara at stríðast fyri at vinna so stóra úrtøku, sum tað ber til, sigur Heimir Guðjónsson, venjari hjá HB. Stríðsmaðurin á miðjuni, íslendski Binni Hlöðversson, er bersøgin, tá hann fær spurningin um hvat er á skránni restina av landskappingini, nú HB hevur tryggjað sær pláss í Evropa til komandi kappingarár. - Hatta er ein býttur spurningur, tí sjálvandi skulu vit koyra á hvønn dyst, tí tað er tað HB ger. Vit spæla fyri at vinna hvønn tann einasta dyst, tí hetta er ikki liðugt enn, sigur Binni Hlöðversson við FM1 eftir steypasigurin. HB er uttan Trónd Jensen og Hørð Askham, sum báðir hava slitið krossbandið, meðan Bartal Wardum og Magnus Egilsson eru ivasamir. Báðir fingu ein snudd í steypafinaluni og blivu skiftir út. Ein annar s p u r n i n g u r i n , sum fleiri í HB seta sær er um Heimir Guðjónsson heldur fram sum venjari. Íslendskir miðlar senda hann til Kaj Leo í Bartalsstovu og Val, men tað ljóðar úr HB, at tað heldur verður til HB og Kaj Leo H. Johannesen, ið ætlar at halda fram sum formaður, hóast hann er blivin landsstýrismaður í heilsumálum. -Sum eg segði, so miðja vit nú eftir at vinna FM. Hvussu tað verður við framtíðini er ikki greitt enn. HB og eg samráðast um nýggjan sáttmála, sigur Heimir Guðjónsson, sum í fjør vann FM saman við HB, og sum er fyrsti HB venjari í 15 ár, sum hevur verið við til at vinna finaluna um løgmanssteypið. Um hetta mundi í fjør avgjørdi Ari Mohr Olsen FM í Klaksvík, men støðan er ikki eins góð fyri HB í ár. Spurningurin er so hvat munurin er. -Munurin frá í fjør til í ár er stong inn og stong út. Tað er besta lýsingin eg kann geva tær upp á munin. Vit skapa eisini møguleikar í ár, men munurin er at í fjør fer bólturin í málið. Eg haldi tað er munurin, sigur Ari Mohr Olsen. Ungi áleyparin er sloppin inn á skúla frá feburar komandi ári. Tí er ein stórur møguleiki fyri, at sandoyingurin ikki verður at síggja í føroyskum fótbólti til komandi kappingarár. Hóast HB hevur timburmenn frá finaluni um Løgmannsteypið, so er HB favorittur at vinna. SOSIALURIN TIPPAR: 2-4 Skála-Víkingur Mikukvøldið klokkan 19 DÓMARI: ALEX TROLEIS Eitt av málunum hjá Skála undan kapp­ingar­byrjan var at bjóða av um fimta plássið. Í fjør var tað Víkingur og munurin var tíggju stig. Eftir 22 umfør er munurin heili 17 stig. Tó er vert at nevna, at Skála fekk 29 stig í fjør. Higartil hevur liðið fingið 25 stig. Tað sigur eisini eina søgu um, at fimm tey stóru fáa enn fleiri stig í ár. Skála verður eftir øllum at døma nummar seks aftur í ár. Um teir vinna ella tapa mikukvøldið. Gestirnir úr Víkingi hava bara ein lítlan møguleikan røkka Evropa. Níggju stig eru upp til NSÍ, ið hevur spælt ein dyst fleiri. Eftir steypafinaluna var lagið einki serligt á Sølva Vatnhamar. -Eg veit ikki hvat vit skulu gera restina av kappingini. Vit hava einki at spæla fyri, segði ein sjónliga vónbrotin Sølvi Vatnhamar við FM1 eftir ósigurin í steypafinaluni. Upptakt 23.umfar: Tað er eitt sindur ivasamt hvussu stórt motivatiónin er til teir báðar dystirnar mikukvøldið í 23.umfari, tá steypafinalistarnir skulu spæla sínar dystir BINNI: VIT MUGU VINNA HVØNN DYST FÓTBÓLTUR