mánadagur 30. september 2019síða 13

13 Mánadagur 6. januar 2014 · Nr. 2 Sosialurin Mánadagur 30. september 2019 · Nr. 112 Hugskot og viðmerkingar – send sms til 225000 STUTTSØGD KURVABÓLTUR Sunnudagin bleiv ársins Trygd-kapping skotin í gongd millum Hamar 2 og Háv. Talan bleiv um ein fantastiskan dyst í høllini á Argjahamri, har Hávur vann 72-70, eftir tvær longdar leiktíðir. Tað er heldur sjálvsamt, at kurvabóltsdystur endar við javnleiki og tað kemur næstan ikki fyri, at ein dystur fer í heili tvær longdar leiktíðir. Tað er soleiðis, at kurvabóltsdystir skulu altíð avgerast, tað vil siga, at tað er ikki møguligt við javnleiki, skrivar kurvabóltssambandið í tíðindaskrivi. Tað var sermerkt fyri dystin, at við endan á hvørjum fjórðingi vóru ongantíð fleiri enn trý stig á muni. Liðini skiftust allan dystin at stríðast um leiðsluna og tað stóð nógv á móti endanum av dystinum hjá báðum pørtum. Við bert tveimum sekundum eftir av dystinum megnaði leikandi venjarin hjá Hávi, Rainer Latupeirissa, at javna dystin við tveimum brotskastum. Eftir hetta var farið til longda leiktíð og enn einaferð endaði við javnleiki. Í seinnu longdu leiktíðini megnaði Hávur at draga longra stráðið og vunnu ársins fyrsta dyst 72-70. Toppskjúttar í dystinum vóru fyri Hamar 2, Janus Jakobsen við 29 stigum og fyri Háv, Rainer Latupeirissa við 26 stigum. Hetta var ein sera lovandi byrjan uppá Trygd-kappingina í ár. Komandi leygardag er næsti dystur í kappingini, tá finalistarnir frá tveimum teimum síðstu árunum hittast á Argjahamri, nevnliga Sporðdrekin og Ravnur. FÓTBÓLTUR: Fyri fyrstu ferð í næstan fýra vikur var Gilli Rólantsson aftur á vøllinum fyri besta liðið hjá Brann Bergen í dysti í bestu norsku fótbóltsdeildini. Brann vitjaði í dag torføra útivøllin, Lerkendal í Tróndheimi fyri at spæla móti Rosenborg. Gilli Rólantsson sum fekk 86 minuttir á vøllinum og liðfelagarnir sluppu væl frá dystinum, og megnaðu góðan 0-0 javnleik á torføra útivøllinum. Odmar Færø er so smátt komin fyri seg aftaná skaða, og hann var á beinkinum hjá Ham- Kam allan dystin tá Ham-Kam á útivølli í Sandefjord tapti 0-2 móti Sandefjord í næstbestu norsku fótbóltsdeildini. Ári Mohr Jónsson spældi allan dystin tá lið hansara, Sandnes ULF ígjár tapti 2-3 móti Start suðuri í Kristiansand. Kent Eriksen legði annars Sandnes ULF á odda 1-0 beint undan steðginum. Men í seinna hálvleiki skoraði Martin Ramsland reint hattrick fyri Start Kristiansand áðrenn Kent Eriksen minkaði um munin til 2-3 við einum brotssparki móti dystarenda. Komandi sunnudag tekur Ham-Kam móti Skeid. Sandnes tekur ímóti Sogndal sama dag. Bæði Sandnes og Ham-Kam hava 32 stig, og hava bæði 12 stig niður til niðurflytingarstrikuna. MISJAVNT Í ÍSLANDI Tað hevur verið eitt misjavnt ár hjá føroyingafelagnum, FH í íslendsku kappingini í ár. Serliga steypafinalutapið 0-1 móti Víkingi Reykjavík kom dátt við hjá hafnfirðingum, men tað endaði væl tá samanum kom. FH vann í dag í seinasta leikumfarinum á heimavølli á Kaplakrika leikvøllinum tryggan 3-0 sigur á gamla liðnum hjá René Shaki Joensen, Grindavík sum longu er flutt niður í næstbestu fótbóltsdeildina. Steven Lennon legði FH á odda longu tá eitt korter var farið. Stutt inn í seinna hálvleik økti hann til 2-0. Talan var um 13. málið hjá Steven Lennon í pepsideildini hetta kappingarárið. Brandur H. Olsen legði upp til triðja málið. Danski Morten Beck tók av hegnisligu sendingini frá Brandi, og stútaði bóltin í netið til 3-0. Tá var ein tími farin av dystinum. Sigurin merkir, at FH endar á triðja plássinum í pepsideildini, og umframt bronsukrónur hava hafnfirðingar tryggjað sær pláss í Europa League undankappingini komandi kappingarár. Gunnar Nielsen sat aftur á beinkinum hjá FH í dag, og hansara dagar í FH tykjast at verða taldir. Kaj Leo í Bartalsstovu slapp ikki á vøllin tá lið hansara, Valur á heimavølli vann 2-0 á HK í seinasta leikumfarinum. Valur endaði á einum ta plássið, og sleppa ikki út í Evropa komandi kappingarár. Borðtennis: Føroyska ungdómslandsliðið hevur luttikið í altóða ungdómskapping á Malta KURVABÓLTURIN ER BYRJAÐUR AFTUR