mánadagur 30. september 2019síða 14

Mánadagur 30. september 2019 · Nr. 112 14 Sosialurin Hugskot og viðmerkingar – send sms til 225000 Sjúrður Hildarson Hoydal – Høllin á Hálsi Turið: Nógv frægari, men... Vit kunnu vera stoltar av av­ rikinum í dag. Vit gjørdu tað munandi betri enn seinast, men tíverri koma vit aftur ov illa út í seinna hálvleik, sigur Turið Arge Samuelsen, ið eisini fýltist á júst hetta eftir 28-16 tapið ímóti Póllandi mikukvøldið. Tað er einki at ivast í at hetta tennir vinstra vongin, sum hóast hon enn ikki er fylt 25 ár, er vorðin ein hin størsta ímyndin av føroyska landsliðnum. - Fyrstu løtuna av seinna hálvleiki er støðan 4-0 til tær, so tað er kanska akkurát hetta tíðarskeiði, sum ger avgerandi munin, sigur kviki vongur, ið kortini viðurkennir at ein eigur ikki at vera so ónøgd við at tapa 25-20 ímóti Rumenia. Vit eru á rættari leið Spurd um hon kennir at landsliðið er á rættari leið, er Turið Arge Samuelsen avgjørd: - Púrasta. Vit hava ein landsliðsvenjara, sum leggur øgiliga nógv í sítt arbeiði, trýr upp á okkum og syrgir fyri at vit eru disiplineraðar. Eg kenni avgjørt at vit fara rætta vegin, sigur vinstri vongurin, ið kanska var nakað óheppin í dag. Tað gjørdist til eitt mál umframt tveir fríir møguleikar, ið fóru fáar sentimetrar ov nær við yvirleggjara ella málverja, og tað sæst á eygnabránum at hetta er hon ikki nøgd við. Kortini fegnast hon um, at viðleikararnir fingu bóltin oftari í málið, og so kundi vongurin rinda aftur við at renna væl heim og ofra seg mest møguligt. Tekur pínuna við Stutt fyri hálvleik seldi Turið Arge Samuelsen seg eisini dýrt. Í Kyndli var Marianna Geirsdóttir Eystberg von við at lumpa verjuna og spæla vinstra vongin ígjøgnum ímillum bakk og vong. Hetta lá eisini væl fyri ímóti Rumenia. Sum so ofta fyrr, gjørdist Turið frí í júst hesi støðu, og so fekk hon rumensku Cristinu Laslo – ið mundi vera ørkymlað av at verða so illa lumpað – beint í síðuna og Turið brast í gólvið. Føroysku fjeppararnir hildu ondini, meðan Turið fekk sína aftur. Hon kom tíbetur fyri seg og Føroyar avgreiddu brotskasti í mál. - Eg eri nøgd við at vit fingu mál, og tær fingu eina útvísing. Um eg fái ein snudd ella tveir ger einki, staðfestir vongurin. Brendu kjansirnir kostaðu stigini - Vit hava tosað eftir dystin um, at tað ikki eru teknisku villurnar hjá okkum, sum gera munin. Tað er meira at vit brenna nógvar møguleikar, sigur Turið Arge Samuelsen og heldur fram: - Tað er sjálvandi ikki gott at vit brenna so nógv, men at vit koma til møguleikarnar er gott. Vit skulu bara vera meira kyniskar, tí tað eru teir lítlu marginalarnir, sum gera at tað endar 25-20 í dag, staðfestir Turið Arge Samuelsen at enda. Hlynur: Annika verður enn betri - Eg eri sera glaður fyri avrikið hjá Anniku í dag, sigur Hlynur Morthens, ið er málverjuvenjari á føroyska landsliðnum. Hlynur Morthens hevur verið drúgvur málverji og vunnið fleiri Íslands­ meistaraheiti áðrenn hann tók við venjaraleiklutinum í Vali, og í fjør eisini á føroyska landsliðnum. Tá arbeiddi royndi íslendingurin fyrst og fremst við Ragnhild á Heygum og Viviann Petersen. Tær halda í løtuni báðar steðg frá hondbólti vegna barnsburð, og avloysararnir eru ungar. - Tað var avbjóðandi at skula skifta tveir so góðar málverjar, sigur venjarin, ið ikki vísir aftur at hesar ungu nú kunnu halda plássið. -Annika er sera ung og ein ótrúliga lovandi málverji, sigur venjarin, ið tykist nøgdur við arbeiðslagið hjá teimum báðum 20 ára gomlu málverjunum, Anniku Fríðheim Petersen og Margit Weihe Fríðmundsdóttir. - Vit hava hugt nógv eftir video, og tær hava verið sera fokuseraðar. Við Anniku hava vit arbeitt nógv við at standa í røttu støðu frá vonginum, og tað gongur framá, sigur royndi íslendski málverjin. Annika Fríðheim Petersen hevur fingið rós úr nógvum ættum eftir avrikið ímóti Rumenia, og Hlynur Morthens heldur at 20 ára gamli málverjin kann gerast upp aftur betri. -Hon hevur alt sum ein góður málverji skal hava, ger Hlynur Morthens púra greitt. Royndur rumenskur venjari: Føroyar høvdu góðsku, men eg var ongantíð stúrin -Eg eri ikki nøgdur við fyrra hálvleik. Vit eru ov bjartskygdar í verjuni og renna okkum út í mistøk. Í øðrum hálvleiki standa vit tættari í verjuni, fáa góð skjótálop og størri íblástur í álopið hjá okkum, sigur Tomas Ryde, venjari hjá Rumenia. Sviin, Tomas Ryde hevur júst tikið við aftur sum rumenskur landsliðsvenjari. Hetta starvið HONDBÓLTUR 25-20 stendur á máltalvuni eftir dystin ímillum Føroyar og Rumenia í Høllini á Hálsi sunnudagin. Rumensku heimsstjørnurnar hava fingið væntaða sigurin, men flotta føroyska avrikið er alt í stendur eftir ØGILIGT FØROYSKT VERJUAVRIK ÍMÓTI HEIMSSTJØRNUM Marianna Geirsdóttir Eystberg gjørdi væl um seg í føroyska álopinum