hósdagur 3. oktober 2019síða 9

FRÍGGJADAGUR 4. OKTOBER 2019 SOSIALURIN 114 9 Hava góðan útróður inni á Fuglafirði - Vit hava tikið ímóti fiski frá bátum, sum hava fiskað á Fuglafirðri, og seinastu dagarnar hevur hetta verið góður fiskur, sigur Kaj Otto Frederiksberg hjá Norðfra í Leirvík, sum heldur, at útróðrarfiskurin sum heild er vorðin heldur feitari VILMUND JACOBSEN S einastu dagarnar hava vit sæð sjaldsom fyribrigdi ymsa­staðni kring landið, har nógvur toskur hevði staðið næstan í klettin ella bryggjuna. Slík fyribrigdi hava verið at sæð inni á Sørvági, og tey hava eis­ini verið at sæð eitt nú inni á Vestmanna og Fuglafirði, har bátar hava gjørt góðar dagar. Tað var í endanum av seinastu viku, at menn byrjaðu at fáa tosk stutt út fyri Pelagos-bryggjuni í Fuglafirði, og seinni hevur eisini verið toskur at fingið nakað long­ ur úti á fjørðinum. Vit mugu gita, at fiskurin leitar eftir føði. Somuleiðis mugu vit gita, at fisk­urin, sum teir innaru bátarnir á Fuglafirði hava fingið, leitar eftir føði. Sosialurin skilir, at frárensl við fiskaslógvi og vatni frá Pelagos- virkinum liggur í røri nakrar hundrað metrar úr landi og á ein­um dýpi, sum er einar 25-30 metrar. Vit hava eisini skilt, at frárensl, sum kemur frá framleiðsluni hjá Havsbrún, verður leitt út um Ennið, tey rópa í Fuglafirði – og út á streymasjógv. Eisini her úti hava bátar fingið tosk, sum hevur leitað sær undir land. Soleiðis, sum viðheftu myndir vísa, ið eru tiknar hósmorgunin, liggja hesa løtu einir 10-12 bátar og fiska innari og ytri á Fuglafirði. Avreiða í Leirvík Kaj Otto Frederiksberg, sum starv­ ast hjá Norðfra í Leirvík, sigur, at tað eru dagar, har teir taka ímóti nógvum útróðrarfiski. - Vit hava eisini tikið ímóti fiski, sum bátar á Fuglafirði hava fingið hesar seinastu dagarnar. Í byrj­ anini var fiskurin smærri, og her var fiskur ímillum, sum var rak. Men, seinnu dagarnar hevur fisk­ urin verið størri, og hann hevur eisini verið betri. Hetta er fiskur, sum fyri tað mesta liggur um eini 3-5 kilo. At síggja til er fiskurin, sum bát­arnir hava fingið hesar seinnu dag­arnar, ein heilt annar, tí hann hevur eisini verið fullur í livur. Kaj Otto Frederiksberg sigur, at eini 23 tons av útróðrarfiski komu upp á land í Leirvík seinasta leygardag, og tá er hetta eisini fisk­ur, sum er veiddur aðrastaðni – umleið helmingurin veiddur við snellu og hin helmingurin við línu. - Av teimum, sum hava fiskað á Fuglafirði, hava onkrir bátar siglt til Leirvíkar at leggja fiskin upp, og aðrir hava koyrt fiskin til Leir­víkar. Bestu bátar á Fuglafirði hava hesa vikuna ligið upp í eini 1200-1500 pund um dagin. So, hetta er púrasta óhoyrt, og tað verð­ur spenn­andi at vita, sum tíð­in gong­ ur, hvat hetta sjaldsama fyri­brigdi merk­ir, heldur hann fyri. Tað er nógv til Kaj Otto Frederiksberg heldur tað vera trupult at meta um tað, sum í havinum livir. - Men, eftir øllum sólarmerkjum at døma er nógvur fiskur til. Fisk­ ur­in roynir at fara har, sum føðin er, og útróðrarmaðurin fer har, sum fiskurin er, leggur Kaj Otto Fred­eriksberg aftrat. Á Havnaskrivstovuni í Fugla­ firði veit Rólant Højsted at siga, at tað eru menn, sum seinastu dag­ ar­nar hava fiskað eini 3000-4000 pund tilsamans inni á Fuglafirði í nakr­ar løtur. Nærkast nú 800 skipum á Fuglafirði Hetta verður helst triðja árið á rað, at talið av skipum á Fuglafirði verður størri enn túsund VILMUND JACOBSEN Tað var í 2017, at Fuglafjarðar havn náddi magiska talinum á 1000 skip í einum ári. Hetta árið gjørdist skipatalið nevniliga 1051, áðrenn árið var úti. Árið eftir – í 2018 – fór talið eis­ ini upp um tey 1000, tí tá komu og fóru tilsamans 1006 skip í Fugla­ firði. Aftur í ár er líkt til, at magiska talið verður rokkið, tá vit koma long­ur út á árið. Rólant Højsted, havnameistari, sigur, at í løtuni nærkast tey tal­in­ um 800, tó at næstan tríggir mán­ aðir eru eftir av árinum. - Jú, tað bendir alt á, at 2019 eisini verður eitt ár við fleiri enn túsund skipum. Seinnu árini er bruttotonsatalið eisini vaksið á hvørjum ári. Tað merkir, at skipini, sum koma á Fuglafjørð, eru vorðin størri og størri. - Ein orsøkin er, at fleiri stór skip koma á Fuglafjørð at bunkra nú enn áður, og haraftrat hev­ur meira verið avskipað um bryggju­ kant­in, og í báðum førum er talan gjarna um stór skip, sigur Rólant Højsted. Her liggja fimm bátar innari – og fimm bátar ytri á Fuglafirði. Myndin er tikin hósmorgunin So nær Pelagos-bryggjuni lógu hesir tríggir bátarnir hósmorgunin