hósdagur 3. oktober 2019síða 14

FRÍGGJADAGUR 4. OKTOBER 2019 SOSIALURIN 114 14 TEMA: Bíðilisti til vardar íbúðir Bíðilistin til vardar bústaðir nærum tvífaldaður upp á tvey ár Fleiri enn 150 fólk við serligum tørvi standa á bíðilista til bústað frá Almennaverkinum í løtuni - og tað sær út til, at tað bara legst aftrat langa listanum PÆTUR HJALMAR EVENSSON PATURE@SOSIALURIN.FO U m tú hevur serligar lik­ am­ligar, sálarligar ella sosialar avbjóðingar og tørvar bústað, eru góð ráð dýr. Bíðilistin til vardan bú­stað er nevniliga metlangur í ár, og tí mást tú bara finna teg í at vera í bíðistøðu, sum kann vera upp til fleiri ár. Í løtuni standa 152 fólk á bíðilista til vardan bústað í Føroyum, vísa tøl frá Almanneverkinum, sum Sosialurin hevur fingið innlit í. Hetta er næstan tvífalt so nógv sam­anborið við hesa tíðina (3. kvar­tal) fyri tveimum árum síð­ ani - tá stóðu 84 á bíðilistanum. Síð­an fyrst í 2017 er talið av fólki á bíðilista næstan bara verið vaks­ andi fyri hvørt kvartal, vísa tølini frá Almannaverkinum. 22 av teimum 152 fólkunum á nú­verandi bíðilista eru í skipanini og hava búpláss frammanundan, men skulu flytast, millum annað tí núverandi búpláss ikki er nøkt­ andi. Hini 130 eru í løtuni uttan fyri skipanina. Tað eru serliga tveir høv­uðs­ bólk­ar, sum dominera bíðilistan. Nógv hin størsti parturin eru fólk við menningartarni og sálar­sjúku. 56 á bíðilistanum hava menn­ing­ artarn, Down syndrom ella fjøl­ brek, og 52 hava okkurt slag av sál­arheilsuligum avbjóðingum. Aftr­at hesum eru 35, sum hava ant­in Aspergers syndrom ella autismu, og so eru tað níggju fólk við seinheilaskaða. Um varda bústaðin Endamálið við varda bústaðnum er at skapa eitt heim, har borgarin við neyðugari hjálp og stuðli kann búleikast og liva eitt fyri hann sjálv­støðugt, støðugt, inni­halds­ ríkt og virkið lív. Soleiðis lýsir Al­ manna­málaráðið hetta slagið av bú­staði. Vardir bústaðir eru at meta sum bústaðir, sum er heim borg­ ar­ans ein stóran part av lívinum. Or­søkin til, at heitið longur var­ andi bústaður verður nýtt, er, at persónar á vardum bústaði, kunnu, eins og onnur fólk, fáa ein so mikið stóran tørv, at hesin ikki long­ur er hóskiligur, og tørv­ur verð­ur á at flyta til annan meira hóski­ligan bústað, ið t.d. er út­ gjørd­ur at veita neyðuga røkt. Vardir bústaðir, ið eru meira varandi bútilboð verða skipaði við heimild í § 32 í forsorgarlógini og kunnu skipast sum búfelagsskapir, sambýli og røktarbústaðir. Bíðilistin til vardan bústað hjá Almennaverkinum síðan 2017 (býtt á kvartal): 1. kvt 2017 81 2. kvt 2017 82 3. kvt 2017 84 4. kvt 2017 104 1. kvt 2018 108 2. kvt 2018 124 3. kvt 2018 124 4. kvt 2018 139 1. kvt 2019 151 2. kvt 2019 150 Í summar: 152 Nýgjastu tølini býtt á diagnosur: Menningartarn, Down syndrom, fjølbrek: 56 fólk Sálarsjúka, ADHD, umsorganrasvík, tilknýtistrupulleikar: 52 fólk Autisma, Asperger: 35 fólk Seinheilaskaði: 9 fólk