hósdagur 3. oktober 2019síða 16

FRÍGGJADAGUR 4. OKTOBER 2019 SOSIALURIN 114 16 TEMA: Bíðilisti til vardar íbúðir Neyðugt við fleiri byggi­ verkætlanum í senn Tað er ein trupulleiki, at tað eru ov fáir vardir bústaðir til teirra, ið hava tørv á teimum. Neyðugt er at projektera og byggja fleiri bústovnar í senn, heldur Tóra við Keldu, forkvinna í MEGD, sum samstundis vísir á, at bústovnarnir skulu taka atlit til tørv og rættindi hjá teimum, ið skulu búgva har STEINAR PATURSSON Y virhøvur saknar MEGD, at tað al­menna arbeiðir við fleiri bústað­ar­verk­ ætl­anum í senn. Tóra við Keldu vísir á, at seinastu fýra árini eru 62 búpláss komin aftrat, men at sjálvt tilgongdin til bú­ pláss­ini ofta er longri enn fýra ár­ini. Tilgongdin frá hugskoti til projektering og til búfólkini sleppa inn tekur ofta langa tíð, heldur Tóra við Keldu. - Meðan 62 búpláss eru komin seinastu fýra árini, so er arbeiðið við teimum búplássunum helst byrjað áðrenn. Tað er eitt stórt ar­beiðið, sum liggur í at byggja bústovnarnar, so tað tekur tíð. Men samstundis sum vit hava fingið 62 búpláss aftrat, so er bíði­ list­in voksin, og 62 pláss nøkta ikki tørv­inum. Hetta sæst greitt aftur í tøl­un­ um, sum Sosialurin hevur fingið frá Almannaverkinum, ið vísa, at frá fjórða kvartali í 2017 til í dag er bíðilistin á búplássum vaksin við einari helvt - úr 104 búplássum upp í 152. Fleiri løgd aftrat Tað er ilt at siga nágreiniliga, hví tørvurin á búplássum er voksin so nógv upp á tvey ár, heldur Tóra við Keldu. Hon sigur tó, at talan er ivaleyst um, hvørji verða tald uppí, og hvørji gera vart við teirra tørv á bústaði. - Eg trúgvi ikki, at talið á fólki, sum hava tørv á búplássi knapp­ liga er voksið. Tað man heldur vera, at har eru onkur, sum áður ikki eru roknað uppí, men sum nú eru farin at gera vart við seg og sum eru komin á bíðilistan eisini. Her sakna vit almenn hagtøl um, hvussu tørvurin sær út. Umstøðurnar skulu vera virðiligar - Tað, sum er mest umráðandi, er at øll hava virðiligar búumstøður. Borgarin skal vera í miðdepli, og umstøðurnar skulu vera til fyri­ mun hjá tí einstaka, sigur Tóra við Keldu. - Um vit hyggja eftir ST-sátt­ mál­anum, so sigur grein 19 um at liva sjálvstøðugt og verða tik­in upp í samfelagið, at Føroya Lands­ stýri skal tryggja, at fólk, ið bera brek, eins og onnur, hava møgu­ leika at velja, hvar og saman við hvørj­um tey vilja búgva. Her hava Bú­staðir verið við, har 5. hvør íbúð, teir byggja, er rørsluvinarlig. Men hetta nøktar á ongan hátt tørvin hjá øllum. Tóra við Keldu vísir á, at tal­an má ikki vera um at byggja stór­ar stovnar ella at miðsavna bú­stovn­ ar­nar í stórum økjunum. Hetta er ikki í samsvari við ST-sáttmálan fyri teirra, ið bera brek, og Tóra við Keldu vísir á depilin til børn og ung við autismu sum ein góða loysn. - Depilin til børn og ung við aut­ismu, sum verður farið undir við í næstum, er eitt rættiliga gott dømi um, hvussu bú- og um­lætt­ ingarplássini skulu byggjast. Tað er góð staðseting, tað er í set­húsa­ umhvørvi, og tað eru ikki ov nógv búpláss kroyst saman undir sama tak og somu eind, sigur Tóra við Keldu Eisini byggja í ringum tíðum Ein partur av trupulleikanum við búplássum er eisini, at tað ikki verður bygt miðvíst. Í dag eru góðar tíðir og trýstið á byggi­ vinn­una er stórt, og tað verð­ur trup­ult at fáa til vega neyð­ugu ar­beiðs­megina til at seta bygg­ing­ ina í verk. Haraftrat verður kostn­ aðurin hægri, og hetta er óneyð­ ugt, heldur Tóra við Keldu, ið sókn­ast eftir, at ein miðvís ætlan verð­ur løgd, soleiðis at búpláss eis­ ini verða bygd í verri tíðum. Fíggingin er alt ov lítil Í sambandi við játtanarkarmarnar, ið Kristina Háfoss, táverandi lands­stýriskvinna í fíggjarmálum, legði fram í 2017, hevði táverandi samgongu í huga at seta av 200 milli­ónir krónur fram til 2022 til at bøta um bústaðarmøguleikarnar hjá fólki við serligum tørvi í Suð­ ur­streymoy. Ítøkiliga var talan um at byggja nýtt barnaheim, autismudepil og tveir bústovnar við 36 búplássum samanlagt. Allur bati bøtir, men neyðugt er at seta upphæddirnar í saman­ hang, heldur Tóra við Keldu. - Fíggingin til vardar bústaðir er ov lítil og má uppraðfestast. Um vit hyggja eftir ætlanunum hjá undanfarnu samgongu at seta 200 milliónir krónur av til ymsar bú­staðir, so ljóðar tað kanska av nógv­um. Men bíðilistin er nú 150 fólk, og tá røkka 200 milliónir ikki langt. Um tú sammetir tað við set­ húsa­prísin