mánadagur 7. oktober 2019síða 13

13 Mánadagur 6. januar 2014 · Nr. 2 Sosialurin Mánadagur 7. oktober 2019 · Nr. 115 Hugskot og viðmerkingar – send sms til 225000 STUTTSØGD Pætur Albinus BADMINTON Føroyska U19-landsliðið hevur sein­astu vikuna luttikið í HM fyri lið í Russlandi. Eftir eitt stórtap og nakrar teprar ósigr­ar, so vunnu Føroyar á Armenia og skuldu spæla ímóti Kasakstan um 37. plássið í kappingini. Føroyar taptu dystin 3-1 og blivu harvið numm­ar 38. Føroyar vóru styrkis­mettar sum nummar 42 av 43 londum, so úrslitið var betri enn væntað. Tey, sum mannaðu føroyska liðið, vóru Alma Kentsdóttir Mohr Peder­sen, Sissal Thomsen, Lena Maria Joensen, Árant á Mýrini, Jónas Djurhuus og Ari M. Jacobsen. Venjari var Sune Gavnholt. E-SPORT Heimsins besta lið í teldu­ spæli­num CS:GO, Astralis við hálv­føroyska Lukasi Egholm Ross­ander sum liðskipara, tapti leygar­dagin sína hálvfinalu Dream­Hack Masters í Malmö 2-0 ímóti Fnatic. Lukas, ið er so­kallaður in-game leiðari á heims­kenda danska liðnum, sigur í samrøðu við TV2, at teir vórðu órógvaðir av at tað var ov nógvur larmur í salinum, og at hetta náddi í oyramikrofonir teirra og órógvaði teirra sam­ skifti. Hann sigur tó, at tað var galdandi fyri bæði liðini. Astralis spælir aftur um eina viku í ESL Pro League. FÓTBÓLTUR Viljormur Davidsen og teir úr Vejle eru framvegis oddalið í næstbestu donsku deildini, har teir við 1-0-sigri ímóti Vend­ syssel FF um vikuskiftið. Vilj­ ormur fær ikki nógva spælitíð undir rumenska venjaranum, Constantin Galca, og hesaferð varð hann innskiftur í tíðini, sum dómarin hevði lagt aftur­ at. Hálvføroyski Mads B. Mikkelsen sat á bonkinum hjá Vendsyssel FF. Heini Vatnsdal fekk fulla leiktíð í 2-2-javnleikinum hjá Fremad Amager ímóti Ny­køb­ ing FC, meðan Finnur Justinus­ sen fekk síðsta korterið á vøllinum fyri FC Roskilde í 2-0-tapi ímóti Viborg. Fremad Amager er nummar fimm, meðan FC Roskilde er aftast. Danska fótbóltsfelagið, FC Midt­jylland, hevur kunngjørt eitt yvirskot áljóðandi 66,4 milliónir krónur fyri rokn­ skapar­árið 2018. Yvirskotið fyri síðstu tvey árini er nú oman­ fyri 130 milliónir krónur. Tað er serliga søla av spælarum, sum hevur skapt eitt so gott úrs­lit í danska felagnum, sum hevur nakrar føroyskar spælar­ar í ungdómsdeildini. Tey eru Hanus Sørensen, Heini F. Sørensen og Jóhanna F. Sørensen. HONDBÓLTUR Jóhan á Plógv Hansen var toppskjútti við seks málum tá ið Bjerringbro-Silkeborg fríggja­ kvøldið vann greiðan 30-21-sig­ ur á heimavølli ímóti Mors-Thy. Støðan í hálvleikssteðginum var 18-10. Bjerringbro-Silke­ borg er nú nummar tvey í Primo Tours Ligaen, tvey stig aftan­fyri oddaliðið, Aalborg Hånd­bold. Jóhan á Plógv Han­ sen, sum næsta ár skiftir til Hannover-Burgdorf í týsku Bundes­liguni, er nummar fýra á toppskjúttalistanum í Dan­ mark. Hann hevur skotið 36 mál fyrstu seks dystirnar. Áki Egilsnes skeyt seks av mál­unum og Allan Norðberg eitt, tá ið KA av Akureyri í gjár vann 28-24 á útivølli ímóti HK. Støðan í hálvleikssteðginum var 16-12 til KA, sum er nummar seks í bestu íslendsku deildini við fýra stigum eftir fimm teir fyrstu dystirnar. Áki Egilsnes er toppskjútti hjá KA við 26 mál­um. Allan Norðberg hevur skotið 13. Jónas G. Djurhuus og Rói Berg Hansen átti leygar­dagin sín lut í at FIF vann 25-24-heima­ sigur ímóti Odder. Jónas skeyt trý mál og Rói skeyt tvey mál. Triði føroyingurin á liðnum, Eirikur J. Simonsen, var ikki við hendan dystin. FIF, sum er upp­flytari til næstbestu deild­ina, hevur nú seks stig fyri fyrstu seks dystirnar og er numm­ar níggju av teimum 16 lið­unum í deildini. Áki Egilsnes hevur fingið góða byrjan upp á kappingarárið í Íslandi, har hann er toppskjútti hjá KA. Bæði hann og Allan Norðberg vóru á máltalvuni, nú KA í gjár vann søtan sigur ÁKI ER TOPP­ SKJÚTTI HJÁ KA Gleði í KA eftir sigurin í gjár. Áki Egilsnes aftast triðuttast frá høgru og Allan Norðberg fremst uttast til høgru