mánadagur 7. oktober 2019síða 14

Mánadagur 7. oktober 2019 · Nr. 115 14 Sosialurin Hugskot og viðmerkingar – send sms til 225000 Sjúrður Hildarson Hoydal Kyndil fekk fína byrjan eftir at liðið segði farvæl við Tom Jensen eftir bert bert tríggjar dystir, og setti fyrrverandi stórleikaran, Høgna Klein, sum venjara. Nýggi venjarin hevði á pappírinum góð útlit fyri at vinna Kyndli ársins fyrstu stig, tá ið hitt botnliðið, Team Klaksvík tók ímóti. Kyndilsmenn høvdu als ongar trupulleikar av klaksvíkingum, lótu bert 14 mál inn og skoraðu sjálvir 31. Tað er trupult at gera niðurstøður um Kyndil út frá hesum dysti, men tað verður spennandi at síggja um Kyndil heldur fram at reisa seg næstu vikurnar. Málverjarnir dystaðust í Vestmanna Í Vestmanna tók VÍF ímóti Neistanum. VÍF hevði sigurin í hondum og var fýra mál á odda við einum átta minuttum eftir at leika. Ein lykil til leiðsluna var Mladen Mjerimacka í málinum, ið kortini kundi síggja kappingarneytan í neistamálinum, Nicholas Satchwell, gera sítt ítasta at koppa dystinum. Landsliðsmálverjin, Nicholas Satchwell og Neistin loyvdu ikki fleiri málum inn sunnudagin, og tá ið tíðin fór var støðan 24-24 og Neistin hevði brotskast. Men tað var næstan væntað, at ein málverji fór at fáa síðsta orðið í Vestmanna sunnudagin, og tað fekk Mladen Mjerimacka tá ið hann við bjarging syrgdi fyri at dysturin endaði 24-24. Málverjarnir tóku favorittarnar á bóli í Kollafirði Í Kollafirði sunnudagin skuldi KÍF prógva at teir skulu takast í álvara sum FM-biðlar, og tað gjørdu kollfirðingar, tá ið teir sendu H71 heim við 31-27 tapi. Tað var einki sum bendi á at KÍF skuldi vinna so tryggan sigur, tí í fyrra hálvleiki spældu Føroyameistararnir og favorittarnir úr H71 góðan álopshondbólt. Peter Krogh vísti aftur at hann er í toppformi, tá ið hann høgdi øll síni skot inn í málhornini, og var tað ikki fyri misnýttum møguleikum úr fríum støðum, var H71 langt á odda við steðgin. Men so var ikki. H71 brendu og brendu ímóti málverjunum hjá KÍF, og tíðliga í seinna hálvleiki var dysturin í roynd og veru avgjørdur. H71 fer nú at fyrireika seg til at spæla Challenge Cup ímóti slovenska RK Maribor, og tá skal ein heilt annar neyvleiki finnast fram í skotunum. SMS-deildin: VÍF hevði ikki trupulleikar av Neistanum VÍF hevði ikki teir stóru trupulleikarnar av neistakvinnum sunnudagin. VÍF-verjan tykist rættiliga at hava funnið stevið og Fríða Petersen í málinum gerst betri fyri hvønn dag. Nakað tað sama kundi ein sagt um neistaverjuna, men tær bláu hava framvegis nógv at arbeiða við í álopinum – og við nýggja leikaranum Ana Blagojevic, sum vísti ávísar dygdir. Men neistaálopið fekk rætt og slætt ikki givið Fríðu Petersen nóg stórar trupulleikar, og VÍF vann 25-20. Næstu vikurnar fara at greiða okkum frá um VÍF av álvara skal roknast sum FM-kandidatur. Stjørnan tók Kyndil og øll á bóli Onkuntíð gerst ein ovfarin av at hoyra eitt úrslit av einum dysti. Blaðmaðurin ringdi til Klaksvíkar at frætta um úrslitið av dystinum ímillum Stjørnuna og Kyndil sunnudagin. Svarið var 18-17. -Tað kundi ikki passa, segði blaðmaðurin. Hevði Kyndil bert fingið 18 mál í Klaksvík? - Nei, var svarið. Kyndil hevði fingið 17 og Stjørnan hevði fingið 18, og vunnið fyrsta sigurin í ár. Kyndil var skýrt av øllum uttanveltaðum at vera stórfavorittur at endurvinna Føroyameistaraheitið, men nú verða spurningar reistir um kyndilskvinnur veruliga eru so væl fyri. Kanska órættvíst, og vit skuldu heldur spurt um ikki Stjørnan kann halda fram at fáa úrslit hetta kappingarárið. Dysturin sunnudagin er í øllum førum eitt stórt tekin um at klakvíkskvinnur kunnu. sjurdur@sosialurin.fo Stjørnuvenjarin: KÍF vann sunnudagin á H71, sum skal hava nógv størri neyvleika ímóti slovenska felagnum, RK Maribor, næsta vikuskiftið - Heilt stóri skelkurin kom í SMS-deildini, tá ið Stjørnan vann á Kyndli FØROYAMEISTARARNIR FINGU EIN FÓT Í RASSIN HONDBÓLTUR - Eg eri altíð ein glaður mað­ur, sigur Per Klarup, venjari hjá Stjørnuni, eftir dystin sunnu­ dagin. Kortini við­gongur hann, at hann kann gerast eyka glaður, tá ið spælið eydnast og úrs­litini fylgja við. - Eg havi altíð sagt bæði miðl­um og leikarunum, at tá ið vit standa saman og spæla tað spæli vit duga, so kun­nu vit alt, sigur venjarin, ið vísti Hondbóltsføroyum, at Stjørn­ an kann nógv, hóast trupla byrjan á kappingarárið. - Sjálvandi var tað eitt stórt vónbrot at vit taptu fyrs­ta dystin ímóti StÍF. Tá brendu vit illa og vantaðu neyv­leika. Vit sóu stórar batar í sein­na hálvleiki ímóti VÍF, og í dag hava vit neyvleikan, greið­ir venjarin frá. - Og “fandeni­ voldsk­hed” tekur hann til á donsk­um. Lykilin til stjørnusigurin sunnu­dagin var sum vera man í verjuni. Blaðmaðurin er ser­ liga ovfarin av, at tað eydnast at bert skjóta 18 mál, og so ikki verða revsað av skjót­ álops­maskinuni hjá Kynd­li. At steðga hesari eydn­að­ist eisi­ni serliga væl, greiðir Per Kla­rup frá. - Eg haldi tær fáa tvey mál í skjótálopi. Ikki tí at vit endiliga renna skjótari enn tær, men vit verja sera skila­gott. Tað eydnaðist at forða uppspælinum og vit trýsta tær til skeivar spælingar í skjót­álopinum allan dystin, sigur venjarin, ið eisini kann fegnast um umráðandi bjargingar, tá ið Kyndil kom til sínar mál­møgu­ leikar. Spurdur um vit nú skulu rokna við at Stjørnan fer at basa hinum av væntaðu topp­ lið­unum, svarar Per Klarup ein­falt: - Vit taka tað róligt og byggja víðari. Vit standa saman og spæla við skili