mánadagur 7. oktober 2019síða 16

Mánadagur 7. oktober 2019 · Nr. 115 16 Sosialurin Hugskot og viðmerkingar – send sms til 225000 Pætur Albinus Tað var ein stórur dagur í føroyskum flogbólti, tá ið Flog­ bólts­samband Føroya fríggja­ dagin læt dyrnar upp í høllini á Hálsi í Havn fyri einari EM- smálandakapping. Hetta var nevniliga fyrstuferð í 30 ár, at Føroyar vóru vertir fyri einari altjóða kapping í mans­ flogbólti. Seinast var á oyggja­ leikum í Føroyum í 1989. Mótstøðulondini í hesi EM- smá­landakappingini vóru Grønland, Ísland og Skotland. Tað glapp Eingin kendi nógv til grøn­ lendska liðið, men tað var greitt, at tað helst var veikasta land­ið í kappingini, og tað var tí eisini ein kravsigur, tá ið Før­ oyar í fyrsta dystinum fríggja­ kvøldið vunnu 3-0 á teimum. Hetta var ein dystur, har sigur­ in ongantíð var í vanda, og flest allur føroyski hópurin slapp at royna seg. Leygardagin stóð Skotland hinumegin netið. Skotland hevði tapt 3-1 ímóti Íslandi dagin fyri, men hóast góðar før­oyskar vónir, so bleiv tað til eitt vónbrot og 3-1-sigur til Skot­land. Føroyar høvdu tískil knívin á barkanum undan seinasta dystinum ímóti Íslandi. Fyri at vinna kappingina skuldu Før­oyar vinna 3-0 á Íslandi, ella í øðrum føri 3-1 við sera stórum bóltamuni í teimum vunnu settunum. Hetta hendi ikki. Føroyar spældi betur enn í teimum báð­um fyrstu dystunum og var á odda 1-0 í settum. Føroyar vóru eisini á odda 21-17 í øðrum setti, men tá skrædnaði fullkomiliga og Ísland vann næstu átta bóltarnar og harvið settið 25-17. Við hesum glapp gullið Føroyum av hondum, um ikki ein sensatión hendi og Føroyar vann óvanliga stórt síðstu tvey settini. Hetta hendi ikki, men Føroyar vunnu tó bæði sett­ini 25-22 og harvið dystin 3-1. Hetta var ikki nóg mikið til at vinna gull í kappingini, men hetta var tó júst nóg mikið til at vinna silvur í einum tøttum enda­ spurti, har Skotland, Føroyar og Ísland øll endaðu á sama stiga­tali. Skotland endaði ovast, væl hjálpt av føroyska 3-1-sigrinum, meðan tapið hjá Íslandi gjørd­ist dýrt - teir fóru frá at liggja væl til at vinna gull til at fáa bronsu. FLOGBÓLTUR EM-smálandakapping: Føroyar vóru um vikuskiftið vertir fyri altjóða kapping fyri manslandslið fyri fyrstuferð í 30 ár. Føroyar snávaðu ímóti Skotlandi, men við sigri á Íslandi í síðsta dystinum kom silvurið tó í hús. - Vit spæla væl, men vit mangla simpelthen tá tað skal avgerast. Tað mugu vit læra, sigur landsliðsvenjarin Gullið glapp: - MUGU LÆRA AV HESUM