týsdagur 8. oktober 2019síða 13

13 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 9. oktober 2019 · Nr. 116 TÍÐINDI GRETHA ER FAVORITTUR AT FÁA HEIÐURSLØN Ungi svenski umhvørvisaktivisturin Gretha Thunberg er favorittur at fáa Nobel Friðarheiðurslønina 2019 Norska Nobel-nevnin fer fríggjadagin at kunngera, hvør fær kendu heiðurs­ lønina, og viðmerkjarar og vedd­ing­ar­ fyritøkur hava Grethu Thunberg sum stórfavoritt at vinna heiðurslønina. 16 ára gamla Gretha Thunberg er sein­astu vikurnar vorðin heimskend, eftir at hon hevur skipað fyri veður­ lags­verkfalli og hevur hildið umstrídda røðu í ST. Sera nógv kjak hevur verið um sjónarmiðini hjá Gretu Thunberg og um hennara persón. Veddingarfyritøkurnar Ladbrokes, Betfair og Unibet hava allar Grethu Thunberg sum favoritt at vinna Nobel Friðarheiðurslønina í ár, og sambært teimum hevur svenska gentan serliga ein kappingarneyta. Tað er Abiy Ah­ med, sum er forsætisráðharri í Etiopia. Hann hevur virkað fyri politiskum nýskipanum og hevur arbeitt við at minka um vápnaða stríðið í landinum. Nobel-nevndin kunnger vinnaran fríggjadagin, og heiðurslønin verður latin á stórfingnum tiltaki í Oslo seinni í ár. Nýggjar bøkur til børn og ung Nýggjastu bøkurnar til børn og ung, sum Bókadeild Føroya Lærarafelags hevur givið út, fevna bæði um óhugna og spenning, skemt og inniligar søgur. Prumpiljóð Ein stuttlig søga um lítlubjørn og stóru­bjørn, sum ganga í skógini. Djórini í skógini koma av óvart til at prumpa, og lítlabjørn heldur tað vera so flovis­ ligt. Á hvørjari opnu kanst tú trýsta á ein knøtt og hoyra, hvussu tað ljóðar, tá djórini prumpa. Sam Taplin hevur skrivað, og Matt Durber hevur mynd­ prýtt. Bókin er til tey umleið 0-3 ára gomlu, hon er ein pappbók við ljóði og 10 síður.   Loftar tú mær?  Nýggja bókin eftir Rakel Helmsdal hev­ur bæði vakrar myndir og eina vakra søgu. Bókin er ein blíð søga um deyð­an, sum er góð hjá børnum og vaksn­um at lesa saman. Søgan lýsir sjónarhornini hjá trim­ um systkjum, sum hava mist lan­ommu sína. Umframt at skriva søguna hevur Rakel Helmsdal eisini gjørt allar mynd­ irnar í bókini. Hon hevur gjørt figurarnar, lutirnar og alla pallmyndina á myndunum, og so hevur hon tikið myndir av tí. Bókin er innbundin og 36 síður. Skrímslið og menniskjuni  Bókin er triðja og seinasta bókin í spenn­andi røðini eftir Mats Strandberg um Frank, sum viðhvørt er ein vanligur drong­ur og viðhvørt umskapast til eitt skrímsl. Sum skrímsl fær Frank endiliga vinir, og teir eru eisini skrímsl. Skrímsl­ ini eru í vanda, tí menniskjuni halda, at skrímsl­ini eru vandamikil, hóast tað ikki passar. Sigrið Jógvansdóttir Hansen týddi. Bók­in er til tey umleið 8-10 ára gomlu, inn­bundin og 166 síður.   Vafluhjørtu Í hesi bókini eftir Mariu Parr fylgja vit Trilla og Lenu gjøgnum lív og vaflu­ deiggj í eitt heilt ár. Mangan gongur tað vilt fyri seg í lítlu víkini, har tey búgva. Tey gera rennistrong millum húsini, spæla annan veraldarbardaga og fram­ føra tónleik á gøtuni. Tá er gott, at tey hava sovorðin sum abban og tey at fáa skil á øllum aftur. Men hvat nú, um okkurt er, sum ongin fær skil á aftur? Ása H. Ellefsen týddi. Bókin er til tey umleið 9-13 ára gomlu, heft og 196 síður.   Norð Forna norðurlendska gudalæran og gloymdar náttúruverur fáa lív, tá ið 14 ára gamla Norð fer at leita eftir mamm­ uni, sum er horvin, í hesi ungdóms­ skald­søguni eftir Camillu Hübbe og Ras­mus Meisler. Á vegnum hittir hon tríggjar lívs­ klókar lagnugudinnur og íkorna­ dreing­in, Ratatosk, sum vísa henni veg nið­ur í undirverðina Nivlheim. Her, djúpt inni í kjarnuni á jørðini, er tann óndi drekin Niðhøggur í ferð við at gnaga lívsins træ, Yggdrasil, sundur.  So við og við fatar Norð, at jørðin er við at ganga undir, og at hon er tann ein­asta, sum kann bjarga henni. Rannvá Næs Hoydal týddi. Bókin er heft við klaffum og 193 síður.