hósdagur 10. oktober 2019síða 6

FRÍGGJADAGUR 11. OKTOBER 2019 SOSIALURIN 117 6 Osvald Hansen úr Hoyvík er føddur við klumpfóti. Hann var skurðviðgjørdur, men gongulagið gjørdist ongantíð sum hjá øðrum. Hann var illa happaður barnaárini á stovni og í fólkaskúlanum. Tá ið hann kom á Tekniska Skúla varð funnið út av, at hann varð orðblindur. Í dag hjálpir hann øðrum, sum hava tað trupult, millum annað sum samarittur FRANTS JENSEN FRANTS@SOSIALURIN.FO – Eg varð happaður á ymiskan hátt. Millum annað tá ið vit runnu í barnagarðinum ella í skúlanum. Beinini hjá mær vóru ikki sum hjá øðrum, og eg megnaði ikki at renna so skjótt sum hini. Tað hendi tí ofta, at onkur av hinum bakkaðu frammanfyri mær, með­ an eg royndi at renna aftaná. Tey flestu av hinum stóðu og flentu, greiðir Osvald Hansen frá. Tann nú 27 ára gamli hoy­vík­ ing­urin er eitt sindur hugtungur, tá ið hann greiðir frá, hvat hann hev­ur upplivað í barnaárunum. Men hann hevur tó uppreista pannu. – Eg havi fyrigivið teimum, ið gjørdu hetta móti mær. Tey vistu kanska ikki betri, sigur Osvald Hansen. Føddur við klumpfóti Tá ið Osvald Hansen kom í heimin, var hann føddur við klumpfóti. Báðir føturnir vendu meir enn 90 stig skeivt, so at teir peikaðu móti hvørjum øðrum, ístaðin sum hjá øðrum at vera javnfjarar. Hann varð eisini føddur seks vikur ov tíðliga, og var tí í kuvøsu fyrstu tíðina. Sum seks vikur gamal varð hann skurðviðgjørdur í Dan­mark. Halssinan varð longd og annað varð gjørt fyri at rætta upp á føt­ urnar. Eftir hetta vóru nógv­ar venj­ingar og vitjan hjá fysio­tera­ peuti. – Eg hevði skinnarar fyri at rætta upp á føturnar. Eg gekk ikki sum onnur, og hetta løgdu onn­ur merki til, og so varð flent eft­ir mær. Eg minnist ikki so nógv til tey fyrstu barnaárini, men eg minn­ist, at tað varð sæð niður á meg. Eg kendi meg ikki sum hini, og tað varð tungt at uppliva, sigur Os­vald Hansen. Skurðviðgerð Millum fyrsta og annan flokk varð Osvald Hansen skurðviðgjørdur aftur. – Hendan skurðviðgerðin hjálpti nógv upp á gongulagið, men tað sást tó enn, at tað ikki var sum hjá øðrum. Eg skuldi fram­vegis gera nógvar venjingar og ganga til fysioterapeut, sigur hoyvík­ ingurin. Happingin helt tó fram flestu árini í skúlanum. Tá ið hann fór í skúla, vóru nógv av teimum somu børnunum, sum hann hevði gingið í barnagarð saman við í flokkinum. – Tey, ið mintust meg frá barna­ garðinum og hvussu eg gekk tá, hildu á at happa. Møguliga hevði støð­an verið ein onnur, um eg hevði komið í ein annað flokk, har børn ikki kendu meg frá fyrr, sigur Osvald Hansen. Kókaði yvir Hann upplivdi happingina á ym­iskan hátt. Millum annað at dreingirnir komu við inn á vesi og flentu eftir honum, tá ið hann pissaði. Hann upplivdi tað eisini, tá ið rennast skuldi, og at hann van­liga varð valdur síðst, tá ið ítrótt­ur ella spæl var á skránni. – Eg fann skjótt út av , at tað nytt­aði ikki hjá mær, at gera nakað við tey, ið happaðu meg. Tey vóru sterkari enn eg, so eg for­ máddi mær ikki nakað móti teim­ um. Eg varð eisini lærdur at vera fólkaligur og ikki at sláa. Onk­ur segði við meg, at eg skuldi geva aftur av somu skuffu, sum onn­ur gjørdu móti mær. Men tað dugdi eg ikki, og tað loysti seg ikki. Eg hevði tað ístaðin inni í mær sjálv­ um, sigur Osvald Hansen. Men einaferð fleyt yvir. – Vit gingu í triðja ella fjórða flokki. Vit spældu rundbólt, og eg kláraði ikki at renna so skjótt sum hini. Tað var ein, ið bakkaði hjá undan mær. Tá kókað yvir hjá mær. Eg royni at tuska eftir við­ komandi, men kláraði ikki at fáa fatur í honum. Tá er tað, at lær­ ar­arnir royna at gera nakað. Vit báðir verða settir yvir av hvørjum øðrum og skuldu taka í hondina á hvørjum øðrum og siga umskylda. Tað hendi ofta, at onkur av hinum bakkaðu frammanfyri mær, meðan eg royndi at renna aftaná. Tey flestu av hinum stóðu og flentu PERSÓNSØGA Osvald Hansen ILLA HAPPAÐUR – HJÁLPIR NÚ Ø Osvald Hansen varð føddur við klumpfóti. Báðir føturnir vendu meir enn 90 stig skeivt – beint ímóti hvørjum øðrum. Mynd: Privat