hósdagur 10. oktober 2019síða 15

FRÍGGJADAGUR 11. OKTOBER 2019 SOSIALURIN 117 15 FLEIRI VENDA SÆR TIL TÚ&EG RÁÐGEVINGINA VIÐ SJÁLVMORÐSTONKUM - Vit tosa um eina vøkstur á eini 8-10 prosent hetta tíðarskeiðið í ár samanborið við alt árið í fjør, sigur Djóni Eidesgaard, aðalskrivari í Barnabati HALLUR AV RANA S einastu árini hava al­ samt fleiri børn og ung upp til 18 ár vent sær til Tú&Eg ráðgevingina hjá Barna­bata fyri at fáa hjálp í sam­band við sjálvmorðstankar. Tað staðfestir Djóni Eides­ gaard, aðalskrivari í Barnabata, í samband við at Altjóði Sálar­ heilsudagurnin setur sjóneyka á fyribyrging av sjálvmorð og sálar­liga heilsufremjan. - Vit tosa um eina vøkstur á eini 8-10 prosent hetta tíðar­ skeiðið í ár samanborið við alt árið í fjør, sigur Djóni Eidesgaard, og vísir á, at talan er um 5-6 fleiri fráboðanir higartil í ár. Veitir ein møguleika Tað er serliga gjøgnum tele­fon­ nummarið 116 111, ið er ein ano­ nym ráðgeving, at fleiri børn og ung venda sær fyri møguleikan at tosa við onkran um tað, ið ligg­ur teimum tungt á hjarta. - Í seinastu hava vit havt sam­ røð­ur við ung, ið sita við akutt­ um sjálvmorðstonkum, har tað er tað, ið hevur fylt mest. Tey vita ikki hvat tey skulu gera, og eitt man situr eftir við, er at tey ynskja ikki at seta seg í samband við nakran, ið harvið fær nakað at vita um teirra trupulleikar. Men tey ringja eisini um aðrar avbjóðingar, so sum einsemi, angist og tunglyndi, sigur Djóni Eides­gaard. Aðalskrivarin í Barnabata vís­ir á, at tað serliga eru gentur í aldri­num 14 til 18 ár, ið ringja til Tú&Eg Ráðgevingina í samband við sjálvmorðstankar. Hóast tey eru fleiri, ið venda sær til ráðgevingina við slík­ um evnum nú, so ynskir aðal­ skrivarin ikki at gera nakra niður­støðu um, at talan er um ein vaksandi trupulleika. - Tað kann væl vera, at fleiri bara kenna til Tú&Eg Ráð­gev­ ing­ina nú, og tí kenna til møgu­ leik­arnar og eru raskari at biðja um hjálp. Sostatt nýtist tað ikki vera, at fleiri hava tað truplari enn áður. Uppbyggja álit Tað er altíð torført at meta um hvussu ráðgevingin eydnast, tá ið talan er um eina anonyma ráð­ gev­ing, men tá ið ein persónur ring­ir til ráðgevingina við sjálv­ morðstonkum verður roynt at upp­byggja teirra sjálvsálit. - Endamálið er at uppbyggja teirra sjálvsálit, soleiðis tey síggja trupulleikan og eru klár at taka móti veruligari hjálp. Tí Tú&Eg Ráðgevingin er ikki eitt viðgerðarstað men ein bráð­ feingis­móttøka, har man roynir at hjálpa teimum at koma í sam­ band við røttu hjálpina, sigur Djóni Eidesgaard og leggur aftur­at. - Ein liður í samrøðunum er at upp­byggja eitt álit í samrøðuni, so man lurtar eftir viðkomandi og roynir at skilja støðuna. Síðan er tað ein tummilfingurregla, at man leitar eftir resussum í nær­ um­hvørvinum hjá við­komandi, ið kunnu hjálpa. Mett verður eisini um hvussu akutt støðan er, og ger man vanliga avtalur, um at hoyrast aftur í seinni. Og vit upp­liva, at tey eru fleiri, ið ringja aftur. HALLUR@SOSIALURIN.FO 116 111 116 111 er anonyma telefonráðgevingin hjá Tú&Eg Ráðgevingini. Til ber at ringja til ráðgevingina ímillum 10:00 og 15:00 gerandisdagar. Ráðgevingin sær ikki hvør tað er, ið ringir á nummarið, og er tað viðkomandi sum ringir, ið avgerð hvat tosað verður um. VIT AVVÍSA ONGAN Hóast Tú&Eg Ráðgevingin er ætlað børnum og ungum upp til 18 ár, so hendir tað meira enn so, at fólk yvir 18 ár venda sær til ráðgevingina, tí teimum tørvar onkran at tosa við. Serliga eru tað ungar mammur, ið brúka hendan møguleika, vísir Djóni Eidesgaard á. - Vit tosa við nógvar ungar mammur, ið hava tað øgiliga tungt. Gott nokk er Tú&Eg Ráðgevingin ætlað børnum og ungum, men vit avvísa onga samrøðu. Og tað er uttan mun til aldur ella kyn. Vit taka hesar samrøðurnar í djúpasta álvara og hjálpa teimum eftir førimuni. Tað eru mangan ungar mammur, ið føla seg øgiliga sperdar og meta, at tey ikki megna at geva børnunum eitt gott lív, tí tey liva undir sperdum umstøðum, sigur aðalskrivarin í Barnabata.