mánadagur 14. oktober 2019síða 14

Mánadagur 14. oktober 2019 · Nr. 118 14 Sosialurin Hugskot og viðmerkingar – send sms til 225000 Sjúrður Hildarson Hoydal – Hølli á Hálsi Hetta var eitt stórt vikuskiftið fyri føroyskan felagshondbólt. Fyri fyrstu ferð í trý ár var eitt føroyskt felag aftur við í Evropa Cup í hondbólti. Mans­ liðið hjá H71 hevði meldað seg til Challenge Cup kappingina, og hoyvíkingar kendu seg kanska óhepnar tá ið mót­støð­ an gjørdist slovenska felagið, RK Maribor Branik. Maribor var millum hægst styrkismettu feløgini í fyrsta umfari, men um ikki annað, so fór hetta at vera góður læripeningi hjá Føroya­ meistarunum. Tað eydnaðist H71 at sann­ føra slovenar um at spæla báð­ ar dystirnar í Føroyum. H71 flutti heimavøllin úr Hoyvík niðan í Høllina á Hálsi, ið varð skrýdd til altjóða hondbólt. Eitt korter í dreymi Tað var veitslulag á H71-fjepp­ ar­um og teimum 500 áskoðar­ unum við dystarbyrjan fríggja­ kvøldið, og gangurin var øgiligur allan dystin. Bæði hoyvíkingar og slovenar tóktust at skula venja seg við karmarnar fyrstu løtuna, har bæði liðini framdu fitt fleiri mistøk enn tey høvdu ætlað. Verjurnar sluppu at bresta hart í áleypararnar, og hetta fór at hóva hoyvíkingum, ið byrjaðu seinna hálvleik við at vera aftanfyri 12-11. Tí við eitt vóru H71 í dreymi. Peter Krogh stóð á odda fyri eini verju, ið var væl fyri í bæði rá­styrki og kvikleika og verjan vant burtur úr slovenum. H71 revsaði eirindaleyst í skjót­ álopum, og brádliga vóru Føroya­meistararnir framman­ fyri. Og teir øktu. Maribor- venjar­in var í øðini og tók time- out við støðuni 15-13 til H71. Sjey minuttir seinni var Marko Sibila sansaleysur og tók sítt sein­asta time-out. Eitt korter inni í seinna hálvleiki hevði H71 økt upp í 23-16, men so byrjaði marran. Maribor skeyt fimm mál á rað, og tað eydnaðist at enda slovenum at minka um munin niður í úrslitið, 25-24 til H71. Marran gekk út sunnukvøldið Til seinna dystin kundu hoy­ vík­ingar ugga seg við, at hava eina leiðslu upp á eitt mál áðrenn dystin, men dysturin var ikki meira enn byrjaður, so vóru slovenar á odda við tveim­um samanlagt. Serliga var kviki spælskiparin, Luka Kljun, ein stórur gloypubiti, tá ið hann flutti verjuna hjá H71 júst hvar hann vildi hava hana. Við 17-10 í hálvleikinum stóð skriftin á vegginum, og hóast tað eydnaðist H71 at minka um munin niður í 18-14, so bar ikki til at halda Mari­bor henda dagin. Slovenar tóku kvørkratak um dystin, mun­ urin øktist upp í níggju mál, áðrenn hann staðfesti seg við úrs­ litinum 31-24 til Maribor. Maribor hevði megnað at loyst verjuna hjá H71, ið einki aftursvar hevði. Hetta var dýr­ goldin læripeningi hjá Føroya­ meistarunum, ið vóru alt annað enn nøgdir við seg sjálvar. Eina løtu í seinna hálvleiki fríggjakvøldið var H71 á veg í nýtt umfar í Evropa, men Maribor kravdi dýran læripening HONDBÓLTUR H71-DREYMURIN ENDAÐI Í MARRU