mánadagur 14. oktober 2019síða 16

Mánadagur 14. oktober 2019 · Nr. 118 16 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Tórsvøllur Gunnar Nielsen: 6 Kann illa lastast fyri málini hjá Rumenia. Serliga prísgivin er hann við málunum til 2-0 og 3-0, meðan hann fær fingarnar á skotið til 1-0, tá hann kemur úr málium og ger seg stóran. Fekk góða hjálp frá verjuni og talan er í fleiri førum um skot útifrá, sum málverjin ikki hevur trupulleikar av. Hevur spælt seg upp eftir skaðan. Atli Gregersen: 5.5 Trívist væl mitt í miðverjuni við trimum. Her er hann serliga sterkur sum stýrimaður, men útmerkar seg eisini, tá hann skal spæla sær av við bóltin. Í 70 minuttir megnar hann at rudda vekk, tá innleggini koma og bróta úr miðvejruni og órógva. Hann er sum ein leiðari við tveimum sjefarahundum við hvør sína lið. Men samskiftið riggar ikki optimalt, tá nýggjur sjefari verður skiftur inn, og missur eisini mannin til 3-0, men tá er heldur ongin hjálp frá hinum. Heini Vatnsdal: 6.5 Millum bestu spælararnar á liðnum. Spælir sum høgri miðverji av trimum og har trívist hann væl. Vinnur flestu luftdystirnar, og er skjótur og grammur í tvídystunum á vøllinum. Er róligur á bóltinum, tá hann skal dribbla, men hevur hug at gúppa vekk, tá hann er kroystur. Eigur lut í 3-0 málinum, men er kanska einasta hálva mistakið hann ger í verjustøðu. Í álopsstøðu riggar illa at vinna frísparksinnleggini, men tað er ikki bara hansara feilur. Rógvi Baldvinsson: 5.5 (78.min) Spældi sum vinstri av trimum í miðverjuni og kom væl frá uppgávuni. Einki mál kemur ígjøgnum meðan hann er í miðverjuni, men fær eitt sindur lægri meting, tí hann verður skiftur út, áðrenn torførasta partin av dystinum. Hetta er kanska besta plássið hjá Rógva á lands­lið­num í løtuni. Passaliga stinn­ur í tvídystunum og hevur roynd­irnar, sum skulu til. Hevur tó hug at sparka bólt­ arnar ov nógv vekk, heldur enn at leita eftir avleveringini. Gilli Rólantsson: 5 Er ein av okkara týdningar­ miklastu spælarum, tí hann er so skjótur. Rennur millum annað rumenskt mótálop upp, eftir at vit hava havt deyðbólt í álopsstøðu. Hevur tvær avbera vandamiklar avleveringar fyrsta hálva tíman, sum kundu havt kostað. Rumenar sleppa ikki fram­ við Brann-spælaranum, men hann slapp heldur ikki fram­við teimum. Tá hann fekk møgu­ leikan at smekka til, so rakti hann ikki bóltin. Skal trúgva meiri upp á síni eginleikar. Fekk eitt gult kort fyri drál, sum Gunnar Nielsen helst átti og er ikki við móti Malta. Verð­ ur saknaður. Viljormur Davidsen: 5 Tykist trívast væl á vong­bakki­ num, men onkar av teim­um mest spennandi støðun­um verða ikki til nakað, tí av­leveringar til hann ikki sita sum tær skulu. Ger tað hann skal í verju­ støðu og hesa ferð avstemmaði væl millum hann, Rógva og Jóan­nes Bjartalíð, sum ráddu í vinstru síðu. Brandur Hendriksson Olsen: 6.5 (Út 71.min) Er aftur á toppinum, har hann var at byrja við í síni yrkisleið á landsliðnum. Spældi við nógvari orku og var nógv á bólti­num. Spældi hann væl frá sær og tók í flestu førum skila­ góðar avgerðir. Stríddist eisini væl í verjustøðu, har serliga ein glíð­andi takling, sum steðgaði ein­um skjótálopið stendur eftir. Tvey ting telja tó niður í meting­ini. Tað avstemmar ikki millum deyðbóltsskjúttan og móttakaran, meðan hitt er at hann ikki er á vøllinum torførastu løtuna. Hallur Hansson: 6 Spælir við eini rúgvu av orku á miðjuni. Er íblandaður í bæði álopsstøðu og í verjustøðu. Hesa ferð stendur hann sterk­ ari í verjupartinum, har hann er í nógvum tvídystum og órógvar rumenar hvørja ferð teir hava bóltin. Rennur nógvar metr­ar í høgari ferð og tað gevur restini av liðnum orku. Hinvegin hevur hann óvanliga nógvar feil­av­lever­ing­ar í vanligum spæli. Ikki tí, tað eru fleiri góðar avleveringar, men einar fýra ella fimm av teim­um einføldu ikki komu veg­in fram. Sølvi Vatnhamar: 5 Millum teir slaku dystirnar hjá Sølva í álopspartinum, men hann er garantur fyri hørðum ar­beiði í verjupartinum, har hann eisini tekur nógvar skila­ góð­ar avgerðir. Hann stendur rætt í verjustøðu og dugur væl at fáa sum mest burturúr, tá hann er kroystur á egnari hálvu, men í álopspartinum restaði nógv í. Hann skapar ov fáar málmøguleikar og tað av­stemmaði ikki altíð millum hann og Gilla. Skal hava rós fyri bæði at leggja innlegg og søkja inn­ leggini í seinna hálvleiki, tá vit høvdu ov góðan hug bara at flyta bóltin runt, heldur enn at hótta. Jóannes Bjartalíð: 7 Verður kosin til dagsins Spælarametingar: BJARTALÍÐ ER NÝGGJA STJØRNUSKOTIÐ Í 75 minuttir kenna vit føroyska landsliðið aftur. Teir stríðast og berjast fyri at halda málið reint. Tað telur upp í spælara­ metingunum, men tíverri restar enn nógv í álops­spæli­num. Her eru spælarametingarnar frá EM-dystinum móti Rumenia