mánadagur 14. oktober 2019síða 18

Mánadagur 14. oktober 2019 · Nr. 118 18 Sosialurin Hugskot og viðmerkingar – send sms til 225000 FÓTBÓLTS­ VENJARAR ÓNØGDIR VIÐ ÚTSKIFTING OG TAKTIKKIN Føroyar taptu enn einaferð móti Rumenia, tá ið vit leygar­ kvøldið spældu næstseinasta heima­dystin í hesi EM-undan­ kapp­ingini. Rumenia vann 3-0 eftir at støðan í hálvleikinum var 0-0. -Men eg haldi ikki, at taktikk­ urin hjá okkum eydnaðist. Vit spældu við trimum í mið­ verjuni og harvið sjey í verju­ parti­num, men kortini fekk rumenska liðið alt ov nógvar av­slutnignar, sigur Jens Martin Knudsen, fyrrverandi lands­ liðs­málmaður og hjálparvenjari hjá NSÍ. Hann heldur ikki, at rumenska liðið eigur at sleppa at skjóta so ofta, sum teir sluppu leygarkvøldið. -Tá ið vit seta liðið so kom­ pakt har afturi, so eiga teir ikki at sleppa til so nógv skot. Tosa vit um altjóða fótbólt, so eru 10 skot uppá mál nógv, men í hes­ um dystinum høvdu okkara mót­støðumenn eini 22 skot, sigur Jens Martin Knudsen. Hann sigur, at tað er gamaní, at mótstøðuliðið sleppur fram í síðunum og kann gera innlegg, men har er okkara verja bæði stór og sterk, men vit eiga við einum so defensivum út­gangs­ støði at forða fyri skotum framman­fyri málið. -So at tosa um, at taktikkurin eydnaðist? Tað eri eg als ikki samdur í, sigur Jens Martin Knudsen. Útskifting Føroyar hildu javnt til 75 minuttir vóru leiktir av dyst­ inum, men so skrædnaði. Fyrsta málið kom eftir at Brandur Heindriksson var skift­ur út og Andrias Eriksen kom inn í staðin fyri hann. Hetta halda venjararnir var eitt mistak, tí Andrias Eriksen kom inn í verjuna, sum annars hevði virkað til tá og so var Rógvi Baldwinson fluttur long­ ur fram á plássið hjá Brandi Heindriksson. -Sum venjari veist tú, at slíkt eigur ein ongantíð at gera. Hevur tí eina verju og eina organisa­tión, sum virkar, so mást tú ongatíð broyta har, uttan so at tað er neyðugt, sigur Heðin Askham, fótbóltsvenjari. Hann heldur eisini at landsliðsvenjarin hevði fleiri aðrar møguleikar, enn at gera tað sum hann gjørdi. -Til dømis kundi hann sett Eli Falkvard inn á plássið hjá Brandi – ella hann kundi flutt Sølva inn á tað plássið og sett ein nýggjan man á kantin, sigur Heðin Askham. Jens Martin Knudsen er samd­ur í eygleiðingini hjá Heðin Askham. -Ein verja sum virkar, skal ikki broytast. So einfalt er tað, sigur hann. Tað var ikki útselt til dystin leygar­kvøldið. Slakir 2400 áskoðarar vóru til dystin, sjálvt um pláss er fyri á leið 3400 áskoðar­um. -Sjálvandi hongur hetta saman við teimum vánaligu úrslit­unum vit hava fingið í seinastuni, men eg haldi heldur ikki FSF ger nakað serligt fyri at fáa fólk at koma til landsdystirnar, sigur Heðin Ask­ham. Dysturin kl. 19.45 í annað­ kvøld móti Malta er seinasti heimadysturin hjá landsliðnum við Lars Olsen við stýrisvølin. Lars Olsen hevur verið venjari í átta ár, men tá ið vit hava spælt móti Noreg og Svøríki í novem­ber, er hann ikki longur før­oyskur landsliðsvenjari. Til næstu undankapping hevur FSF funnið ein nýggjan lands­liðsvenjara. Hvørki Heðin Askham ella Jens Martin Knudsen halda, at Føroyar valdu rætta loysn móti Rumenia FÓTBÓLTUR Tað vóru eini 1000 tóm setur, tá ið Føroyar spældu móti Rumenia Seinasti landsdysturin á heimavølli við Lars Olsen á odda, verður móti Malta í annaðkvøld Jens Martin Knudsen helt ikki, at taktikkurin eydnaðist