mánadagur 14. oktober 2019síða 19

19 Mánadagur 6. januar 2014 · Nr. 2 Sosialurin Mánadagur 14. oktober 2019 · Nr. 118 Hugskot og viðmerkingar – send sms til 225000 STÓÐU KLÁRIR VIÐ ØKSINI Jóannes Hansen Í rumenska ferðalagnum, sum var í Føroyum í sambandi við landsdystin leygarkvøldið, var tað fylgt væl við í, hvussu tað gekk í Oslo, har Noreg í evstu løtu javnaði við brotssparki til 1-1 ímóti Spania, og tað var eisini fylgt við í, hvussu tað spældi av, tá ið Svøríki vann 4-0 á útivølli ímóti Malta. -Eg vónaði, at Spania fór at vinna í Oslo, tí tað hevði styrkt um okkara møguleika at vinna næstfremsta plássið. Eingin ivi er um, at Spania fer at vinna bólkin. Spenningurin er um, hvat hitt liðið verður, sum fer at spæla seg í EM endaspælið næsta summar. Vit kappast fyrst og fremst við Svøríki, og tað er framvegis lítil møguleiki fyri, at Noreg fer at blanda seg í kappingina. Týskvøldið eiga vit heimavøll ímóti Noreg, og samstundis eigur Svøríki heimavøll ímóti Spania. Tað er neyðugt hjá okkum at vinna, og so vóna vit, at Spania vinnur ímóti Svøríki, sigur rumenski venjarin Cosmin Contra. Heima í Rumenia prutlaði tað av álvara undir lokinum leygar­kvøldið, tá ið tað leingi sá út til, at Føroyar fóru at megna at halda tørn um málleysa javn­ leikin. Ein av teimum, sum helt lítið um rumenska avrikið, var Gabi Balint, sum var í álopinum á góða Steua Bukarest liðnum í áttati árunum, og sum spældi fýra dystir og skoraði tvey mál, tá ið Rumenia luttók í HM enda­spælinum í 1990. Hann heldur í rumenskum fjøl­miðlum, at rumenska spælið á Tórsvølli leygarkvøldið ikki var nóg skilagott, og hann sigur seg ikki skilja, hví tað ikki varð lagt meiri fyri við høg­um sendingum í føroyska brots­ teigin. Venjarin verjir seg við, at spælararnir hjá honum eru ikki so stinnir í høvuðspælinum, og at spælið eigur at leggjast til rættis eftir spælarunum, sum eru tøkir. Tað lætti hjá Mitrita Ein av rumensku spælarunum umboðar New York City. Tað er Ionut Mitritja, sum varð út­ skiftur eftir fyrra hálvleik í 2-1 tapinum á útivølli í Svøríki 23. mars, og sum ikki hevur verið á rumenska liðnum aftur fyrr enn leygarkvøldið. Tá varð hann skiftur inn 21 minuttir undan dystarenda, og hann átti stóran leiklut, tí hann bæði legði upp til mál og skoraði til 2-0. -Orsøkin til at eg ikki hava verið við síðani dystin ímóti Svøríki var hugburðurin, sum eg vísti í tí dystinum, og tá eg varð skiftur út. Allir spælar­ar ynskja at vera við í EM enda­ spælinum, og vit hava fram­ vegis møguleika at vinna okkum í endaspælið, sigur Ionut Mitritja við rumenskar miðl­ar. Tað verður roknað við, at hann verður millum teir fyrstu ellivu ímóti Noregi týs­ kvøldið. Jóannes Hansen Hann man vera ein av bestu ítróttarfólkunum yvirhøvur í Før­oyum. Eitt er, at hann hevur sett fleiri met og framvegis setir met sum málskjútti í heim­ligu landskappingini. Eitt annað er, at hann altíð er fúsur at luttaka á lands­ liðnum. Tað eru sjey ár síðani, at hann fyrstu ferð var á A-landsliðnum. Tað var í HM undankappingardystinum ímóti Týsklandi (0-3) 7. sep­tem­ber 2012. Týskland átti hetta kvøldið heimavøll í Hannover, og Klæ­ mint varð skiftur inn, tá ið tað restaðu fimm minuttir. Hann avloysti Jóan Símun Edmunds­ son. Í nógv teimum flestu 24 dystunum hevur Klæmint verið skiftur inn ella skiftur út. Heilt ofta hevur hann sitið á beinkinum alla tíðina. Tað eru fleiri dømi um spælarar, sum hava givið skarvin yvir, tí teir ikki eru slopnir upp í part, men soleiðis er tað ikki hjá Klæminti. Talan er um liðformannin hjá NSÍ og toppskjúttan í før­ oysku kappingini, 29 ára gamla Klæmint A. Olsen. Tað verður sagt, at tolin trívst, og soleiðis er tað hjá Klæminti. Hann hevur verið á landsliðnum í seks av sjey dyst­ um higartil í ár. Leygar­kvøld­ið var hann millum teir fyrstu ellivu, og tað eigur at vera so upplagt, at maðurin við størsta máltevinum av øllum í heim­ ligu kappingini verður á lið­ num á heimavølli ímóti Malta. -Eg eri klárur, men tað er upp til venjaran at gera av, hvørjir skulu á vøllin, sigur Klæmint A. Olsen. Hann harmast um, at úrslitið ikki var betri leygarkvøldið, enn tað var. Klæmint hevði fína roynd við høvdinum eftir innlegg úr vinstru frá Jóannesi Bjartalíð, men málverjin vardi til horna. Longu í 19. minutti var Klæmint í støðu, sum kundi havt stóran týdning fyri dystargongdina. -Eg vann bóltin av mið­ verja­num Ionut Nedel­ cearu, sum var aftasti maður. Hann tók í meg, og dómarin bríkslaði fyri frísparki og vísti honum gula kortið. Hann var aftasti maður, men dómarin metti ikki, at talan var um reytt kort. Hann segði, at vongverjin í vinstru hevði rokkið aftur at verja fyri, sigur Klæmint A. Olsen. Higartil hevur Klæmint A. Olsen skorað eitt mál á lands­ liðnum. Tað var 7. juni í ár, tá ið Før­oyar taptu 4-1 á heimavølli ímóti Spania, og Klæmint minkaði um munin til 1-2. Rumenski venjarin fekk av at vita frá sínum egnu fyri ikki at vera nóg skilagóður í síni spælætlan ímóti Føroyum Klæmint hevur silvurbrúdleyp Í sjey ár hevur toppskjúttin í heimligu landskappingini verið tolin, og í morgin verður hann á landsliðnum fyri 25. ferð FÓTBÓLTUR