hósdagur 17. oktober 2019síða 15

FRÍGGJADAGUR 18. OKTOBER 2019 SOSIALURIN 120 15 STEINAR PATURSSON S amstundis sum ferða­ vinn­an í Føroyum er voks­in nógv seinastu árini, er talið á leigubilum eisini eksploderað. Sambært hag­tølum frá Akstovuni, er talið á leigu­bilum nærum fýrfaldað síðan 2010. Í 2010 var talið á leigubilum 267, og við ársbyrjan í ár var talið 669. Í summar var tað tó kom­ið upp 1004. Talan hevur eisini verið um vøkstur hvørt ár, undantikið í 2017, tá talið á leigu­ bilum var minni enn árið fyri. Tað ber ikki til at siga, hvussu stórur partur av leigubilunum verða leigaðir av ferðafólki, men uttan iva er talan um megin­ partin. Onkuntíð merkist eisini á ferðsluni ymsastaðni í landi­ num, at nógvir útlendskir bil­ før­ar­ar eru á vegnum. Tunnilsferðslan norður um Fjall ein avbjóðing Sambært løgregluni er tað ser­ liga tunnilsferðslan norður um Fjall, sum merkist av, at bil­ førarar, ið eru óroyndir við før­ oysk ferðsluviðurskifti, eru á vegn­um. Nógvir útlendskir bil­ førar­ar føla seg ótryggar í myrku, trongu og vátu tunlunum, og tí koyra teir við sera lágari ferð gjøgnum tunlarnar. Hetta kann skapa órógv á ferðsluni, og proppur kann koma í tunlarnar, um ein bilur koyrir við ov lágari ferð. - Vit merkja tað mest norðan­ fyri. Tað er í tunlunum, har tey ofta ikki duga. Vit hava smalar vegir í Føroyum, og tey eru kanska von við at koyra við tvey­sporaðum vegum. Tað er heldur ikki bara útlendingar, har eru eisini føroyingar, sum ikki dámar at koyra gjøgnum tunl­arnar. sigur Jan Fossaberg hjá løgregluni. Eisini kann tað elva til trupul­ leikar í tunlunum, um ein førari verður noyddur at bakka, og hann ikki er vanur við tað. Tann trupulleikin gerst enn størri, um ein ella fleiri bilar eru aftanfyri, og teir ikki blenda niður í parkeringsljós. Lyktirnar lýsa beint í bilin frammanfyri, og skinið í bakspeglinum kann verða so bjart, at fremri førarin ikki sær einki. - Um tú stendur við nærljósum og lýsir, so er rættiliga leingi, fyrr enn bilin framman fyri kann bakka, tí tey síggja ikki hvar, tey skulu bakka. Og tað sær út sum, at nógv fólk hava avbjóðingar við tí. Tey lokalu eru von við tað, og hava ikki somu trupulleikar við at koyra gjøgnum tunlarnar. Jan Fossaberg sigur, at reak­ tiónin hjá summum er at nýta fløjtuna fyri at fáa onnur at seta ferðina upp, men hetta ger bara ilt verri, tí panikkur kemur í bil­ førararnar ístaðin. - Vit fáa fleiri køir, og alt tekur longri tíð. Tað mugu vit bara venja okkum við, og veruleikin er, at har eru ikki nógvir minutt­ ir, sum verða mistir, sigur Jan Fossaberg. Sunnudagskoyring og myndatøkur Ein annar trupulleiki, ið ger seg gald­andi, er at bilførarar antin seta ferðina ov nógv niður ella steðga bilinum fyri at taka myndir. - Vit hava eitt vakurt land, og her er nógv at taka myndir av. Men tað er kanska ikki so skila­ gott at gera tað, meðan tú koyrir í bili. Um tú setir ferðina niður í 50 kilometrar um tíman eftir lands­vegnum, so ert tú bara til ampa fyri hinar bilarnar, sigur Jan Fossaberg. Onkuntíð verður løgreglan, tá hon er á patrulju, noydd at fara yvir til bilførarar, ið hava sett bilin, og biðja tey flyta bilin onkra aðrastaðni. Tað hendir seg, at fólk steðga bilinum, antin fyri at taka myndir ella bara fyri at hyggja eftir náttúruni, og hugsa seg ikki um, hvar bilurin stendur. - So má eg siga tað við tey, at tey mugu hugsa seg um, hvar tey steðga. Kanska mugu tey koyra eitt sindur víðari og ikki seta bilin mitt í einum svingi, bara tí at tað er lætt at taka mynd har. Jan Fossaberg ger tó greitt, at hesir er tó ikki trupulleikar, sum bert gera seg galdandi fyri ferða­fólk, og stundum gera før­ oy­ingar tað eisini. Men nú talið á ferðafólkum er økt so nógv í Føroyum, so varn­ ast mann tað oftari, sigur Jan Fossaberg. LØGREGLAN ÚTLENDSKIR BIL­ FØRAR­AR IKKI VANIR VIÐ FØROYSKAR VEGIR Tað ber ikki til at tveita alla skyldina á ferðafólk, men tað merkist, at nógvir útlendskir bilførarar eru á føroysku vegunum Leiguakfør í Føroyum 0 275 550 825 1100 2010 2011 2012 2013 2014 2015 2016 2017 2018 2019 jul. 2019 KELDA: AKSTOVAN