hósdagur 17. oktober 2019síða 17

FRÍGGJADAGUR 18. OKTOBER 2019 SOSIALURIN 120 17 PÆTUR HJALMAR EVENSSON Í vár settu Føroya Óðals­ felag og Bóndafelag Føroya nýggja smápartafelagið Jarðir á stovn. Endamálið var at menna og samskipa ferða­ vinnu­tilboð og samstundis fáa nøkur viðurskifti skipað í sam­bandi við skjótt vaksandi vinnuna. Men enn er einki ítøkiligt komið burtur úr hondum frá hesum nýggja felagnum. Sigert Paturs­son er stjóri í Jarðum, og hann viðurkennir, at teir ikki eru komnir á mál enn. - Tað hevur ikki gingið so skjótt, sum vit vónaðu. Tað er ringt at manerera um summarið, tí so nógv virksemi hevur verið. Men vit vóna at fáa skil uppá tað nú sum skjótast, so tað verður allarhelst einaferð seinni í heyst, sigur hann. Eina talgilda skipan Sigert Patursson fortelur, at teir í løtuni arbeiða við at finna eina loysn til ein marknað, har bøndur og óðalsmenn kunnu selja ymsar tænastur á, væl at merkja, um teir hava eina ætlan innan ferðavinnu. Hetta skal vera møguligt gjøgn­um eina heimasíðu, har til ber hjá ferðafólki og øðrum aktør­um í ferðavinnuni at fáa greitt yvirlit yvir tey samlaðu til­boð­ini frá Jarðum. Tað veri seg eitt nú gongutúrar í haga­num, bæði við og uttan ferða­leiðara, og annað, sum ferðafólk eru áhugað í. Hetta kunnu ferða­ fólkini so gjalda fyri á nýggju heimasíðuni, og uppá hendan mátan forvinna tey, ið bjóða tænasturnar út, sær eitt oyra. Eftirspurningurin veksur Hóast Sigert Patursson ikki sjálvur er aktivur í ferðavinnuni sum bóndi, meinar hann, at hesin marknaðurin er alneyðugur, tí hann hevur ein varhuga av tørvinum. - Sum eg skilji á lagnum, so veksur eftirspurningurin, tí tað eru jú alsamt fleiri ferðafólk, sum koma til Føroya. Eg veit, at trýstið frá ferðafólkum er bliv­ið størri á nøkrum støðum, har mann fyrr ikki hevur sæð so nógv ferðafólk. Hetta ger, at summi, sum eiga jørð, eru eitt sindur ørkymlað, sigur hann. Gongd í haga Seinasta árið hevur kjakið annars verið heitt um, hvørt tað skal vera frítt at ganga í haganum ella ikki. Um tað verð­ ur frítt at ganga, so ber av góðum grundum ikki til hjá bóndum og óðalsmonnum at skipa fyri hesum marknaðinum, tí so er einki at selja. - Um mann frá politiskari síðu lóggevur fyri, at øll skulu sleppa at ganga allastaðni, so fer mann inn á nøkur grund­ leggj­andi rættindi, sum liggja í nøkrum lógum. Men um tað ikki verður blandað uppí politiskt, so fungerar tað eftir ver­andi skipan. Og tey, sum ynskja at veita eina tænastu til ferða­ vinnuna, kunnu gera tað við teim­um rættindum, tey hava í sam­bandi við jørðina, sigur Sigert Patursson og leggur dent á, at hetta eru tvey ymisk kjak. - Kann ikki vera rætt Sigert Patursson vísir á eitt, sum hann og hinir bøndurinir hava sagt ofta áður: - Vit hava ongantíð havt nakra ætlan um at nokta tí einstaka føroyinginum at fara ein túr burtur í haga. Tað er meiri hin vinnuligi parturin, sigur hann. - Í ferðavinnuni hevur mann sæð, at aktørar taka nógvar pengar frá fólki til at fara í hagan, meðan tann, sum eigur jørðina, ikki fær nakað burturúr. Tað kann ikki vera rætt, sigur Sigert Patursson og samanber við annað vinnuligt øki. - Tað svarar til, at eg biði eitt skip koma á Havnina og sigi, at tey eru vælkomin at leggja at, tí Tórshavnar Havn er almenn ogn, men eg taki pengar fyri, at skipið skal liggja har, uttan at Tórshavnar Havn fær nakað av pengunum. Tað rokni eg ikki við, at hevði gingið so leingi. - Fólk koma til Føroya fyri at síggja náttúruna Felagið Jarðir sær nógvar møgu­leikar í ferðavinnuni, tí hetta kann blíva ein eyka inn­ tøka hjá teimum, ið eiga jørð og vara av haga, í staðin fyri at lata øll ferðafólkini ganga frítt alla­ staðni. - Tey allar flestu síggja hetta sum ein góðan møguleika aftrat tí, tey hava frammanundan, sum eitt nú seyðahald. Tá kann tað skjótt blíva soleiðis, at mann kann liva av tí. Tað er hugsandi, at tað kann skapa nøkur arbeiðs­ pláss aftrat til onnur í øki­num, sum kunnu vera eitt nú ferða­ leiðar­ar ella hjálpa til við øðrum virk­semi, sigur Sigert Patursson og vísir aftur á, hvør avleiðingin kann vera av, um øll sleppa at ganga frítt í haganum. - So verður inn­tøku­grundar­ lag­ið hjá teimum í eitt nú Myki­ nesi, Tjørnuvík, Kalsoynni ella Fugl­oy, burtur. Og so fara fólk at ganga og mala allastaðni uttan at leggja nakað eftir seg. Tí er tað so sera umráðandi, at tey, sum hava jørðina har, avgera, hvør kann fara í hagan, og hvat mann tekur fyri tað, sigur hann. - Ferðavinnan skal vera væl­ kom­in. Hon kann koyra pengar út um alt landið í mun til aðrar vinn­ur, sum hava ein tendens til at savnast á fáum støðum. Vit vita, at høvuðsstaðurin verður tann stóri krummtappurin hjá ferða­vinnuni við øllum gist­ingar­ støð­unum og matstovunum. Men fólk koma til Føroya fyri at síggja náttúruna. Og við hesum í huga eru absolutt møguleikar at skapa virksemi og arbeiði alla­ staðni í landinum, sigur Sigert Patursson. PATURE@SOSIALURIN.FO BØNDUR OG ÓÐALSMENN FARA AT SELJA TÆNASTUR TIL FERÐAFÓLK - Trýstið frá ferðafólkum er blivið størri á nøkrum støðum, har mann fyrr ikki hevur sæð so nógv ferðafólk. Hetta ger, at summi, sum eiga jørð, eru eitt sindur ørkymlað, sigur Sigert Patursson, stjóri í felagnum Jarðum, sum síðan apríl hevur arbeitt við at skipa ein marknað til ferðafólk, sum bøndur og óðalsmenn kunnu fáa gagn av Millum Skæling og Norðradal MYND: PÓL SUNDSSKARÐ / HIKING.FO