hósdagur 17. oktober 2019síða 18

FRÍGGJADAGUR 18. OKTOBER 2019 SOSIALURIN 120 18 Tjóðveldi vil hava politiskar fangar leyslætnar Tjóðveldi heitir á stjórnina í Spania um at loysa kreppuna í Katalonia við samrøðum og fólkaræði ÁKI BERTHOLDSEN AKI@SOSIALURIN.FO T jóðveldi hevur nú sponsku stjórnini, og til spanska tinginum, eina áheitan um at lata polit­isku fangarnar úr Katalonia, leys­ar aftur, og at loysa kreppuna í Katalonia við samrøðu og fólka­ ræði. Samstundis mótmælir Tjóð­ veldi, at politikarar og leiðarar eru fongsl­aðir fyri eina fólkaræðisliga fólkaatkvøðu. –  Síðan 2010, tá ið spanski stjórn­arskipanardómstólurin koll­dømdi uppskotið til nýggja stjórn­arskipan fyri Katalonia, ið varð samtykt á fólkaatkvøðu, og sum eisini varð samtykt bæði í spanska og katalanska parla­ment­ un­um, hevur støðan í Katalonia verið alsamt meira spent. ­– Eftir fólkaatkvøðuna í 2017 er støðan hartil støðugt versnað. Politikarar og leiðarar í Katalonia hava verið varðhaldsfonglsaðir og í útlegd í næstan tvey ár. Tann 14. okt­obur 2019 endaði rættarsakin við, at níggju av teimum ákærdu fingu dómimillum 9-13 ára fongs­ uls­revsing, umframt at spanskir myndug­leikar vildu havsa enn fleiri fólk handtikin  – Hetta loysir ikki kreppuna í Katalonia, tvørturímóti, sigur Tjóð­veldi. – Samstundis er talan um eitt álop á fólkaræðið og grund­leggj­ andi mannarættindi, tá fólk verða beind í fongsul, bara tí tey skipa fyri eini fólkaatkvøðu. Í áheitanini á sponsku stjórnina sigur Tjóðveldi: Vit vilja øll hava eitt Evropa, har sterkt fólkaræði, talufrælsi og rætturin til at savnast og mót­ mæla, eru galdandi.  – Vit vilja eisini øll, at kreppur verða loystar við samrøðu. Tí alt­ erna­tivið kenna vit - og tað vilja vit ikki hava. – Vit løgtingsfólk, leiðsla og um­ boð fyri politiska flokkin Tjóðveldi í Føroyum, vilja hervið heita á tykk­um í sponsku stjórnini um at taka stig til at loysa kreppuna í Kata­l­onia skjótast til ber. –  Neyðugt er við politiskum loysn­um á politiskum avbjóð­ing­ um. – At nýta dómstólar til at seta pol­itisk mótstøðufólk í fongsul loys­ir ongar trupulleikar. Hetta ger trupulleikarnar størri. – Vit mótmæla staðiliga fongsl­ ing av fólkum, ið við fólka­ræðis­ lig­um amboðum stríðast fyri sjálvs­avgerðarrætti, samrøðu og fólka­ræði. – Eins og “UN Group on Arbi­ tr­ary Detention” og “Amnesty Int­ernational” fara vit at heita á tykkum at leyslata katalansku pol­itisku fangarnar beinanvegin. Tjóðveldi sigur, at einasti veg­ ur­in fram –og vegurin til loysn á kreppuni í Katalonia – eru sam­ røða og fólkaræði. – Vit vilja tí heita á tykkum um sum skjótast at fara undir veru­ liga samrøðu um loysnir, ið eru grund­aðar á javnbjóðis virðing og fólka­ræði – til gagns fyri alt fólkið í Katal­onia og Spania - og Evropa sum heild, sigur Tjóðveldi. KAPPINGIN UM FLÚGVINGINA TIL FØROYA HERÐIST ÁKI BERTHOLDSEN AKI@SOSIALURIN.FO Í vetur fer danska flogfelagið, SAS, at flúgva til Føroyar seks dagar um vikuna - og tað er 41 pro­sent meiri enn tey flugu sein­ asta vetur. Farna vetur flugu tey til Føroya fýra dagar um vikuna. SAS sigur í einum tíðindaskrivi í morgun, at tey leggja framvegis stóran dent á føroyaflúgvingina og hóast tey flúgva seks ferðir um dagin í vetur, fara tey fram­ vegis at flúgva níggju ferðir um summ­arið. Tey siga, at føroyingar hava tikið væl undir við flúgvingini hjá SAS og tað er orsøkin til, at tey fara at flúgva meiri í vetur enn seinasta vetur. Flogførini hjá SAS er eisini far­in at brúka framkomnu RNP tøkn­ina, sum ger, at flogørini kunnu seta seg í verri sýni enn ann­ars, og tey siga, at 11 ferðir í summ­ar, høvdu tey ikki kunna lent í Føroyum, høvdu tey ikki havt hesa tøknina.