mánadagur 21. oktober 2019síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. oktober · Nr. 121 TÍÐINDI Ætlanin um broyting í fiskivinnulógini elvt til hvassar viðmerkingar Landsstýrismaðurin við fiskivinnumálum hevur ætlanir um at broyta lógina um fyrisiting av sjófeingi við rullandi 10-ára loyvum Árni Gregersen GREINING: Tað var sjálvandi væntandi, at kom ein borgarlig samgonga framat eftir valið 31.august, so fóru broytingar at henda í lógini um sjófeingi. Hesum var als ikki dult fyri í valstríðnum, men útmeld­ing­ ar­nar vóru fyrst og fremst, at so at siga øll uppboðssøla skuldi takaast úr skipanini. Kortini helt Sam­bands­flokk­ urin fast um, at er talan um nýggj rættindi, so skulu hesi selj­ast á uppboðssølu. Men undir samgongu­sam­ ráð­ingunum fall tað soleiðis út, at tað er Fólkaflokkurin, sum bæði umsitur fiskivinnu- og fíggjarmál. Landsstýrismennirnir við hes­ ­um málsøkjum eru teir báð­ir, sum umsótu somu máls­øk­ir í sam­gonguni, sum var næst­ sein­ast. Í tí samgonguni vóru somu flokkar, sum nú sita, nevniliga Fólkaflokkurin, Sambands­ flokk­urin og Miðflokkurin. So sjálvt um tað ikki kom óvart á nakran, at ætlanin er at broyta ta lóg, sum undan­ farna samgonga samtykti, so kemur tað, sum lands­stýris­ mað­urin leggur upp til, næstan sum ein bumba. Finnast at Tað er ikki óvæntað, at flokk­ arnir sum mannaðu undan­ farnu samgongu, finnast at upp­skotinum, sum lands­stýris­ maðurin arbeiir við. Men at fleiri viðmerkjarar úr politisku skipanini og aðra­ staðni finnast so hvasslig at upp­skotinum, kemur meira óvart á. Royndi løgfrøðingurin, Jógv­ ­an Páll Lassen, var í Degi og Viku og gjørdi vart við, at hetta var eitt ómetaliga stórt aft­ur­ stig fyri føroyska sam­felagið. Hetta var at fara langt afturum tíðina beint áðrenn vit fingu lógina um sjófeingi. Ein onnur hvøss atfinning er komin frá fyrrvernadi sam­ bands­tingmanninum, Eivind Jacob­sen. Sambandsmaðurin skrivar, at vónandi vaknar onkur í sam­gonguni og fer at síggja katastrofalu avleiðinganar av at lata Fólkaflokkin umsita bæði fíggjarmál og fiski­vinnu­ mál. Hann sigur, at fiski­vinnu­ lóg­gávan verður førd aftur til 1994/96 við uppskotinum, sum landsstýrismaðurin við fiski­ vinnu­málum fer at leggja fram. - Eftir at hava hugt sam­ gongu­skjalið í gjøgnum um fiski­vinnumál og hoyrt, hvat er komið fram alment í fjøl­ miðl­unum, so eru ein røð av týdn­ingarmiklum viður­skift­ um, sum als ikki eru við ella sum eru sera ógreið í einari kom­andi fiskivinnulóggávu., skriv­ar Eivind Jacobsen mill­ um annað. Hann sigur, at sami takt­ikk­ ur verður brúktur nú, sum tá ið flatskattaskipanin bleiv skundað ígjøgnum. Hetta verð­ur gjørt, so ongin í veru­ leik­anum veit hvat fer at henda og tí ber eisini illa til at seta spurningar til sjálva ætl­ an­ina. Long loyvir Ein tann størsta broytingin í lóg­ini er, at eftir uppskotinum, so ætlar landsstýrismaðurin, at loyvini skulu verða rullandi 10-áraloyvir. Tað vil siga, at hevur tú fyrst fingið eitt slíkt loyvi, so skal tað sigast upp frá tí almenna í góðari tíð – og tað væntar ongin fer at henda. Tí verður tosað um loyvir, sum í veruleikanum eru galdandi “for­ever”. Hann nevnir eisini, at hetta uppskotið fer at forða fyri, at nak­ar nýggjur yvirhøvur slepp­ ur framat høvuðs­vinn­uni. Stutt hoyringsfreist Uppskotið er ikki lagt fyri tingið enn, men tað hevur verið sent til ymisk feløg til um­mælis áðrenn lands­stýris­ mað­urin ger tær endaligu orð­ ing­arnar í lógaruppskotinum. Millum annað hevur Føroya Arbeiðsgevarfelag havt upp­ skotið til ummælis. Felagið hevur funnist at, at tíðin at gera viðmerkingar hev­ ur verið alt ov stutt. Marita Ras­mussen, sum er stjóri í Vinnuhúsinum, hevur sagt, at felagið bert hevði fýra arbeiðs­ dagar at gera viðmerkingar til uppskotið. - Tað halda vit, er alt ov stutt, tí talan er um eitt upp­ skot, sum fer at broyta treyt­ir­ nar hjá høvuðsvinnuni eina­ ferð afturat innanfyri heilt stutta tíð, sigur Marita Ras­ mus­sen. Hoyringsfreistin til ætlaða uppskotið er farin í hesum um­farinum og nú verður so ar­ beitt við at gera uppskotið klárt at leggja fyri Løgtingið. Tá skal tað sjálvandi við­ger­ ast í vinnunevndini og tá verða feløg kallað innaftur til við­gerðina í nevndini at gera við­merkingar. Politiskt skal upopskotið hav a minst 17 atkvøður í Løg­ tinginum fyri at verða sam­ tykt. Um tað fer at eydnast hongur neyvt saman við um Sambandsflokkurin tekur fult undir við uppskotinum - ella tað eru einir tveir limir, sum ikki halda at hetta er rætta leiðin at ganga – og so eisini hvørja støðu Bill Justinusen, Miðflokkurin, fer at taka. Hann hevur alment funnist at uppskotinum og teimum ógvusligu broytingum, tað hevur fyri fiskivinnuna. Jacob Vestergaard, landsstýrismaður, arbeiðir nú við at gera uppskotið klárt at leggja fyri Løgtingiåð Eivin Jacobsen, fyrrverandi tingmaður fyri Sambandsflokkin, finst hvassliga at uppskotinum um fiskivinnuna Eisini Jógvan Páll Lassen, advokatur, heldur at broytingarnar eru eitt afturstig fyri samfelagið Marita Rasmussen, stjóri í Vinnuhúsinum, heldur at tíðin at gera viðmerkingar var alt ov stutt