hósdagur 24. oktober 2019síða 5

FRÍGGJADAGUR 25. OKTOBER 2019 SOSIALURIN 123 5 Møta fólki har tey eru við gleðiboðskapinum – Stórmøtini er helst størsta einstaka tiltakið, sum Heimamissiónin skipar fyri – tá ið vit ikki taka summarlegurnar við. Endamálið er at møta fólki, har tey eru, við gleðiboðskapinum um Jesus, sigur Andrias Magnussen, aðalskrivari í Heimamissiónini FRANTS JENSEN FRANTS@SOSIALURIN.FO U m vikuskiftið verður Høllin á Hálsi í Havn karmur um árligu stór­ møtini, sum Kirkju­liga Heimamissiónin skipar fyri. – Tað eru veitsludagar, har nógv fólk koma saman, og nógv verður gjørt burturúr. Vit leggja eisini upp til, at øll familjan kann koma, sigur Andrias Magnussen, aðalskrivari hjá Heimamissiónini. Stórmøtini eru upp á skift ymsa­staðni í landinum. Í fjør vóru tey í Klaksvík og í fyrraárið í Runavík. – Vit ynskja at røkka út kring landið. Men triðja hvørt ár hava vit stórmøtini í Havnini, tí at her býr størsti parturin av fólkinum. Tað ber sjálvandi til at spyrja, um tað er nógv mikið at hava eitt tiltak triðja hvørt ár í høvuðsstaðnum. Men her vilja vit ístaðin vísa til tey staðbundnu arbeiðini, sum hava tilknýti til Heimamissiónina og tað dagliga arbeiði, tey gera í høvuðsstaðnum, sigur Andrias Magnussen. Føroyskir talarar – umsett til enskt Møtini byrja fríggjakvøld og hildið verður á til sunnukvøldið, tá ið møtini enda. Í ár vera bara føroyskir talarar. Teir eru Torleif Johannesen, Símun P. Jacobsen, Ovi Brim, Bergur Debes Joensen, Kristian Martin Petersen, Ann Mari E. Kjølbro og Alfred Petersen. Meðan møtini eru, verður skipað fyri barnaansing. Umframt van­lig møti eru tiltøk eisini fyri børn, juniorar og tey ungu. Øll møtini verða stroymað á netinum, og Lindin sendir eisini bein­leiðis. Tulkað verður eisini til enskt. – Tað eru nógvir útlendingar í Føroyum. Bæði tey, ið eru gift við einum føroyingi, og tey, ið eru her í arbeiðsørindum. Vit ynskja eisini at røkka út til teirra, og hjá teim­um ber til at fáa headsett í høllini, og tey fáa alt umsett til enskt, sigur aðalskrivarin. Nýmótans sangur og tónleikur Nógv verður eisini gjørt burturúr sangi og tónleiki hetta vikuskifti. Bókurin TOS, gospelkór Vox, kvinnubólkurin Tabitha, Tummas Eivind J. Hansen og stóra kórið frá sangfagnaðinum í Nesvík síðsta vikuskifti syngja. Nógv verður eisini gjørt burturúr felagssangi við forsangarum og nógvum dugna­ligum tónleikarum, ið spæla undir. – Vit royna við hesum tiltak­in­ um at røkka út til onnur fólk ella tey, ið vanliga ganga á møti. Tí verða tað ikki siðbundin streingja­ kór hesaferð, sum okkara omm­ur og abbar kanska eru meira von at hoyra. Ístaðin vera tað meira ella minni kendir bólkar við meir nýmótans tónleiki. Fram­ førslurnar hjá TOS er væl kend­ ar, og Vox fer at framføra am­erik­ ansk­an gospeltónleik. Tabitha fer hin­vegin at framføra nakað meira av tí siðbundna, sigur Andrias Magn­ussen. Framsýningar Matur og drekkamuður er til øll tiltøkini. Leygarkvøldið er Expo á skránni. Tað er ein løta, har arbeiðsgreinar hjá Heima­missión­ ini og aðrir felagsskapir sýna fram og greiða frá sínum arbeiði. Eisini verður hesa løtuna og øll kvøldini stórt bókaborð, har møguleiki er at keypa eina ella fleiri spennandi og viðkomandi bøkur. Vónar nógv fólk – Vit royna við hesum tiltakinum at røkka øllum aldursbólkum, tí vit ynskja, at vit øll kunnu vera sam­an. Samstundis royna vit eisini at náa út til teir ymisku aldur­sbólkarnar, sigur Andrias Magnus­sen. Stórmøtini savna vanliga nógv fólk, og aðalskrivarin vónar, at aftur í ár fara nógv fólk at koma. – Havnin er ikki júst háborgin fyri okkara arbeiði. Tá ið vit vóru í Klaksvík í fjør, møttu nógv fólk, og vit fyltu høllina. Vit vóna tó, at nógv havnarfólk fara at koma, og vit vita eisini, at avbygdarfólk stuðla væl undir okkara arbeiði, og tey eru vanliga eisini røsk at koma til Havnar. So eg vóni, at vit vera nógv fólk, sigur Andrias Magnussen. Stórmøti á Hálsi: Frá stórmøtinum í Klaksvík í fjør. Mynd: trubodin.fo Andrias Magnussen, aðalskrivari í Heimamissiónini Mynd: trubodin.fo