hósdagur 24. oktober 2019síða 35

11 Reportasja Tilboð um hita­pumpur fyri sama prís sum oljufýr­ingin Magn sær fyri sær, at ferð kemur á orkuskiftið, tá ið húseigarin kann skifta oljufýringina út við hitapumpu og útreiðslan verður tann sama, sum við oljufýring T að stendur øllum greitt, sum fáast við orkuskifti, at skal ferð setast á, so má vanligi húseigarin fáa eitt tilboð, sum ger, at tað ikki verður dýrari fyri viðkomandi at skifta frá olju til grøna orku. -Vit hava eina ætlan, sum sigur, at skifta kundar okkara oljufýringina út við hitapumpu, so koma vit við einari loysn, har vit gera arbeiðið, leiga tær eina hitapumpu og veit tær streymin fyri ein prís, sum ger, at tú skalt betala tað sama, sum tú betalir fyri olju frá okkum í dag, sigur Finn Jacobsen. Hetta tilboðið skal fáa fólk, sum sita í húsum at velja at skifta til grøna orku. Stóra takið verður neyvan at fáa tey, sum byggja nýggj hús at skifta, men tey sum sita í húsum, sum í dag verða hitað við olju. -Magn sigur tó, at fortreytin fyri at hetta kann lata seg gera erm, at tey sleppa at selja streymin beinleiðis til brúkaran og ikki gjøgnum SEV. Orkufelagið sær tað tí sum eitt stig á vegnum, at tað stendur í samgonguskjalinum, at netfelagið hjá SEV skal loysast frá framleiðslupartinum og verða eitt felag fyri seg. Hendir nógv Á tøkniliga økinum hendir nógv, sigur Finn Jacobsen, sum eisini hevur eina fortíð í elfelagnum SEV. -Vit síggja nógvar tekniskar loysnir ymsa staðni, men tær krevja allar, at fortreytirnar fyri at tær skulu eydnast eru uppfyltar, sigur hann. Tá ið tað snýr seg um jarðhita, eru fleiri forðingar, sum almennu Føroyar mugu taka sær av at loysa. Ein trupulleiki er, at borar eitt hús í einum tøttum grannalag sær eitt hol til jarðhita, so ávirkar hetta holið eisini undir øðrum húsum í grannalagnum. -Tí má ein skipan gerast, so eitt hús ikki forðar fyri at onnur velja somu loysn. Hetta kann til dømis gerast við at meira enn eitt hís verður knýtt at einari boring, men tað krevur nakrar broytingar í lógini um tinglýsing millum annað, sigur hann. Fyrr enn slíkar forðingar eru beindar burtur, er torført at fáa ferð á. Hetta er í flestu førum mál, sum mugu loysast av almennu Føroyum. Longu nú ber til at tvey hús eru um eitt hol. Tað ger sjálvandi íløguna munandi bíligari enn tá ið eitt hol skal brúkast til hvørt hús. -Men talan er um, at vit skulu konvertera 16.000 hús til elupphiting og tað tekur tíð. Hevði politiska skipanin sett sær fyri at fingið umlagt eini 3000 hús í hesum valskeiðnum, so haldi eg tað hevði verið eitt stórt stig fram á leið, sigur Finn Jacobsen frá Magn, TEKSTUR ÁRNI GREGERSEN MYNDIR ÁLVUR HARALDSEN