mánadagur 4. november 2019síða 8

Mánadagur 4. november 2019 · Nr. 127 8 Sosialurin Hugskot og viðmerkingar – send sms til 225000 Steinar Patursson – Hetta er mín fyrsta kon­sert­ ferð fyri mítt soloprojekt. Eg havi verið á konsertferðum í nógv, nógv ár, men hetta er fyrstu ferð, at eg eri á kon­ sert­ferð við einum solo­pro­ jekti, sigur Janus Rasmussen, sum eisini er væl nøgdur við framførslurnar og mót­tøk­u­ na, sum hann hevur fingið. – Tað hava verið nøkur góð støð, og bookarin hjá mær er góður. Móttøkan hev­ur eisini verið øgiliga góð. Eg spældi í Turkalandi leyg­ar­kvøldið - sama stað, sum eg spældi við Kiasmos fyri nøkr­um árum síðani - tað var øgi­liga gott. Gott ljós, gott ljóð, gott fólk. Alt var kul, sigur Janus Rasmussen. Tónleikurin hjá Janusi Ras­mus­sen hoyrir fyri tað mesta heima á náttklubbum, og tað hevur í ávísan mun eis­ini sett dám á, hvat tað er fyri støð, ið hava verið á skrá til konsertferðina. Tó, so hava "vanlig" spælistøð eis­ini verið á skrá. – Har, sum eg spældi leyg­ ar­kvøldið, var ikki ein nátt­ klubbur. Tað var eitt spæli­ stað. Har vóru um 500 fólk ella so. Í Prag og í Varsjava spældi eg eisini á kon­sert­ støð­um. Tað er kanska helvt um helvt konsertstøð og nátt­klubb­ar. Janus Rasmussen er eisini part­ur av íslendskum bólki, sum eitur Kiasmos. Sjálvur hev­ur hann sama booking- ag­ent sum Kiasmos, sum hann eisini hevur tournera við í fleiri ár. Tað er eisini hag­ani, at konsertferðin er fing­in í lag. – Aftaná at hava verið á kon­sert­ferð við Kiasmos í fleiri ár, so er samstarvið við book­ing-agentin rættiliga gott, so tá eg vildi gera mítt egna, so arbeiddi eg víðari við teim­um somu. Fleiri DJ-gigs í Evropa Tá vit fingu orð á Janus Ras­mus­sen, var hann á veg heim til Íslands, har hann hev­ur búð seinastu 11 árini. Tað verð­ur tó ikki ein langur steðg­ur við hús. Komandi viku­skifti er frívikuskifti, men eftir hetta er so at siga hvørt viku­skiftið lagt av til fram­førsl­ur ymsastaðni í Ev­r­opa. – Eg havi fleiri fram­førsl­ ur eft­ir í ár, eg skal til Lond­ on, Berlin, Hetland, Barc­e­ lona, Beograd. Okkurt er í Hol­landi og Fraklandi eisini. Talan er ikki um fram­ førsl­ur í sambandi við kon­ ser­ferð­ina, men einstakar DJ fram­førslur við bólkinum Ki­as­mos. Asia á nýggjárinum Konserferðin í Evropa er av á hesum sinni, men stutt eftir nýggjar skal Jan­us Rasmussen aftur á kon­sertferð fyri nýggju útgávuna, hesaferð í Asia. Alt er ikki komið upp á pláss enn. Allar bókingarnar eru ikki avgreiddar, og alt gong­ur eitt sindur seinri fyri seg í Asia, sigur Janus Ras­ mussen, sum tó kann siga, at hann skal framføra í Tokyo fyrst í januar. Væntað verður eis­ini, at Suðurkorea kemur á skránna, men bíðað verður fram­vegis eftir endaligu skránni. Eftir ætlan verður kon­sert­ferð­in um tvær vikur til longdar. Ferðin til Asia byrjar tó longu júst eftir jól, tí saman við Kia­smos skal hann eisini fram­føra í Vietnam áðrenn nýggj­ár. Onnur projekt Janus Rasmussen hevur mill­ um ár og dag verið partur av rætt­i­liga nógvum ymiskum pro­jekt­um og bólkum. Tey flestu her heima kenna hann kanska best sum onnur helvtin av Byrtu, men tað pro­jektið liggur stilt í løtuni. – Eg havi mítt egna, og Kias­mos koyrir jú enn, men eg mátti leggja alt annað til síðis ímeðan, tí tað ber ikki til at hava ov nógv projekt koyr­andi í senn, sigur Janus Ras­mussen. Týskland til Turkalands – konsertferð við Janusi Rasmussen Í sambandi við útgávuna Vín hevur Janus Rasmussen júst verið á konsertferð í Evropa. Týskland, Sveis, Kekkia, Poland, Holland og Turkaland stóðu á skrá hesaferð, og konsertferðin eydnaðist væl, sigur Janus Rasmussen Spæli­støðini á ferðini Insel der Jugend 2 Okt. 2019 Magdeburg, Týskland L’Amalgame 4 Okt. 2019 Yverdon-Les-Bains, Sveis Cross Club 5 Okt. 2019 Prag, Kekkia Ritter Butzke 10 Okt. 2019 Berlin, Týskland Milosc 11 Okt. 2019 Varsjava, Poland Ruigoord 19 Okt. 2019 Amsterdam, Holland Salon İKSV 26 Okt. 2019 Istanbul, Turkaland AVLÝSING AV TVINGSILS SØLU YVIR FISKI SKIPIÐ KARLA MAGNUS, KALLIBÓK STAVIR XPLV Tvingsilssølan, sum varð ásett at verða týsdagin tann 26. november 2019, kl. 9:30, í Føroya Rætti , rættarsali VI, C. Pløyensgøta 1, 100 Tórshavn, yvir fiskiskipið Karlamagnus, kallibókstavur XPLV, AS.nr. 2-20012/2019, er avlýst og verður sostatt ikki. Harvið er fyrireikandi tvingsilssølu- fundurin týsdagin 12. november 2019, kl. 13:00 eisini avlýstur. Føroya Fútarættur, tann 4. november 2019. PROKLAMA Øll, sum hava krøv í búnum eftir Henny Helma Agna Amanda Jarnskor, Sjúrðargøta 37, 512 Norðragøta, fødd tann 30. juli 1938, deyð tann 24. juli 2019, og eftirsitandi hjúnarfelaga Martin Juul Jógvanson Jarnskor, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Páll Nielsen, Skansavegur 1, 100 Tórshavn, vísandi til sks.nr. 262/2019, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 24. oktober 2019.