mánadagur 4. november 2019síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 4. november · Nr. 127 TÍÐINDI Stórur áhugi fyri grundstykkjum á Skála – Longu nú eru 23 av teimum 27 grundstykkjunum, sum skulu útstykkjast á Skála, umbiðin. Bústaðir hevur eisini ætlanir um at byggja fleiri íbúðir á Skála, sigur Hans Jákup Johannesen av Skála, sum eisini er limur í byggi- og býarskipanar­ nevndini í Runavíkar kommunu Frants Jensen frants@sosialurin.fo Runavíkar kommuna og Arti­ con skrivaðu fríggjadagin undir sáttmála um at stykkja út grundøkir suður frá Hór­ heiðum á Skála. Talan er um sáttmála um útstykking av 27 grundøkjum. Skrivað varð undir í hús­in­ um, har gamla Skála kommuna helt til, og sum nú er húsið hjá fornminnisfelagnum. Í Hús­in­ um eru millum annað fleiri av lut­unum, sum hava verið nýtt­ ir á Skála Skipasmiðju. Friðingarmyndugleikar uppí – Einki er stykkjað út á Skála síðani kommunurnar løgdu saman, og tí er tørvurin stórur at fáa nýggj grundstykki hjá skálafólk, sigur Hans Jákup Johannesen. Kommunurnar løgdu sam­ an 1. januar 2005, og tá var ein út­stykking júst gjørd. Seinnu árini hevur tó verið arbeitt við ætlanunum um at stykkja út á Hórheiðum. Steðgur kom tó í, tí at friðingarmyndugleikarnir komu inn í myndina. – Ætlanin steðgaði vegna eina kæru. Nakað sunnanfyri hetta økið var ein gomul bú­ seting og ein gomul neytagøta, sum er friðað. Alt steðgaði upp í meira enn eitt ár, men nið­ur­ støð­an hjá friðingar­myndug­ leik­unum var, at einki forn­ minni afturat var í hasum øk­inum, sigur Hans Jákup Jo­ hanne­sen. Vøkstur í fólkatali Sambært nýggjastu upp­gerð­ ini frá Hagstovuni búðu 728 fólk á Skála 1. september í ár. 1. sept­ember 2005 var fólkatalið 616. – Fólkatalið á Skála er vaksið nokk so fitt síðstu árini. Tað minkaði ikki so nógv í kreppu­árunum. Í drúgva tíð hevur næstan verið ómøguligt at fáa fatur á húsum á Skála, og tí er gott, at fleiri grund­ stykk­ir nú vera tøk aftur, sigur Hans Jákup Johannesen. Bústaðir ynskir at byggja á Skála Í framtíðini kann eisini vænt­ ast, at tað vera fleiri bústaðir at fáa á Skála, tí Bústaðir ynsk­ ir at gera fleiri íbúðir á Skála. – Bústaðir hevur søkt at byggja fleiri íbúðir. Komm­un­ an hevur givið tilsøgn, og skriv er sent út til jarðareigarar um at selja. Teir vilja hava stórt byggilendi, sigur Hans Jákup Jo­hannesen, sum er ein av tveim­um býráðslimum á Skála. Økið, ið Bústaðir ynskir at fáa fatur á, er frá skúlanum á Skála og suðureftir og oman­ fyri dagtilhaldið, ið er á Skála. Liðugt um eitt ár Arbeiðið, sum Articon skal gera í sambandi við út­stykk­ ing­ina, umfatar planering av grund­økjunum, kantsteinar, gongu­breytir, gøtuljós, asfalt­ er­ing og rottangar. Sátt­mála­ kostnaðurin er 17,67 milliónir krónur. Útstykkingin skal verða liðug í november 2020.  Grundstykkini fara at kosta 575 krónur fyri fermeturin, og tá er klárt hjá fólki at byggja. 140 grundstykkir í kommununi Runavíkar kommuna hevur út­stykkjað og er framvegis í gongd við fleiri útstykkingar. Á Hórheiðum á Skála vera 27 grundstykkir, í Leitinum í Runavík/Saltangará vera 84 grundstykkir, og í Rituvík, Æðuvík og í fleiri av minnu bygdunum í kommununi er eisini stykkjað út. Talan er um umleið 140 grund­stykkir tilsamans. – At tað verður koyrandi undir Skálafjørðinum um eitt ár, er við til at skapa áhuga hjá fólki at búseta seg í komm­un­ uni. Tá eru vit ein partur av miðstaðnum í Føroyum, sigur Torbjørn Jacobsen, borgar­ stjór­in í Runavíkar kommunu. Umframt borgarstjóran, vóru tríggir av býráðslimunum við, tá ið avtalan við Articon varð undirskrivað á Skála fríggjadagin. Frá vinstru: Etly Nord Højgaard, Jonnhild Reynholdsdóttir, Hans Jákup Johannesen, Torbjørn Jacobsen, borgarstjóri, og Jón Sigurdsson, stjóri í Articon 27 grundstykki skulu nú útstykkjast suður frá Hórheiðum á Skála