týsdagur 12. november 2019síða 30

Mikudagur 13. november 2019 · Nr. 131 30 Sosialurin Hugskot og viðmerkingar – send sms til 225000 SUÐUROY LÝSINGARTILFAR Vilmund Jacobsen Í Vági er fyritøkan Faroe­ knit, sum Randi Hjelm Debes eigur og rekur, og hon byrjaði fyritøkuna í februar 2017. - Eg havi bundið alt mítt lív – eitt sindur meira og eitt sindur minni. Bindimentanin er sterk í Føroyum, og her eru mong, sum binda síni egnu pløgg og binda til onnur. Selur uttanlands Tað, sum sermerkir fyri­ tøku­na hjá Randi Hjelm Debes, er, at hin stóri mark­naðurin hjá henni er ikki í Føroyum, men uttan­lands – ikki minst í USA, har tey serliga hava lagt til merkis hennara mynstur og snøggu pløgg. - Eg selji so at siga um allan heim, bæði hond­ bundnar troyggjur, húgv­ ur og mynstur, og eg vil siga, at amerikanarar eru garvillir eftir tí, eg geri. Sjálvandi bindi eg eisini, men tað eru serliga bindi­ konurnar, eg havi kring landið, sum binda fyri meg. Tað tekur jú eisini tíð at arbeiða við mynstr­ um og at sniðgeva. Randi Hjelm Debes hevur selt síni pløgg og mynstur í morgum ymiskum londum og um­framt at selja í USA, selur hon eisini eitt nú í Týsklandi, Bretland, Frak­landi, Íslandi og Grøn­landi. Hon hevur selt troyggjur í Noregi, og herfyri seldi hon eisini eina troyggju heilt til India. Hon hevur eisini við­ skiftafólk í Avstralia og Ný Sælandi. - Eitt viðskiftafólk úr USA hevur enntá verið á gátt hjá mær í Vági eftir einari troyggju. Tað var ein amerikumaður, sum setti seg í samband við meg, áðrenn hann kom til Føroya, og tað end­aði við, at hann stóð í túni­ num hjá mær og fekk troyggju­na. Hann hevði funn­ið meg á Instagram. Eftir at hann hevði fingið troyggju­na, og var komin heim aftur til USA, legði hann eina søgu út á Insta­gram við myndum av troyggjuni og seyði úr Føroyum, sigur Randi Hjelm Debes brosandi. Instagram gav útslag Men, hvussu ber tað so til, at hon hevur rokkið so langt út í heim við sínum pløgg­um og mynstrum? - Hetta hevur latið seg gera um netið, og eg havi eisini mína egnu heima­ síðu. Men, tað er serliga Insta­gram, sum hevur givið mær og mínari fyri­ tøku vind í seglin, tá eg havi lagt myndir út har, ásannar hon. Randi Hjelm Debes vísir á, at onkur kendur blogg­ari úti í heimi, sum skrivar um binding, eisini hevur lagt mína leinkju út á sín blogg, og tá hon gjørdi tað, eksploderaði áhugin, sum hon tekur til. - Tað er serliga, síðan eg gjørdi sonevndu Bo­ héme-troyggjuna, at mín fyritøka hevur havt vind­ in í seglunum, sigur hon. Selur mystrini Tað eru sjálvandi ikki øll úti í heimi, sum hava ráð at keypa sær eina dýra før­oyska troyggju, men so selur Randi Hjelm Debes eisini mynstrini, og tey eru lutfalsliga bílig at keypa. - Tey, sum keypa mínar upp­skriftir, kunnu brúka tær til egna nýtslu so leingi, tey hava hug. Eg eri ikki bundin at nøkrum veitara í so máta, og tískil eru mínar uppskriftir dýr­ari enn vanligt. Tó, eru hetta ikki nógvir peng­ ar at snakka um, tí ein van­lig bindiuppskrift hjá mær liggur um einar 40- 45 krónur at keypa. Hon sigur, at hon ongantíð hevði droymt um, at hon fór at røkka so langt út í heimin við sínum troyggjum, húgv­ um og uppskriftum. - Mynstrini, eg geri, hava gjarna sín íblástur úr gomlum føroyskum mynstrum og føroysku náttúruni. Síðan leggi eg mítt egna í mynstrini og lagi tey eftir mínum egna høvdi. Hon vísir á, at fleiri av mynd­unum, hon hevur av ymiskum troyggjum á sínari heimasíðu, hava vøkru føroysku náttúru­ na sum bakgrund. - Eg vil jú eisini fortelja eina søgu og lata fólk kring heimin vita, hvað­ ani eg eri, sigur hon. Jólini nærkast Randi Hjelm Debes sig­ ur, at nú jólini stunda til, hevur hon eisini nøk­ur mynstur av eitt nú jóla­ hosum og nissu­húgv­um, sum fólk kunnu keypa. - Eg havi valt at foku­ sera upp á tað før­oyska, og tá eg sigi so, er tað ofta tveir litir, eg brúki í mínum mynstrum. Hetta var eisini tað gamla og mest vanliga í før­oyskari bindimentan. Hon leggur aftrat, at tógvið, hon brúkar, verður keypt hjá før­ oysk­um veitarum, eitt nú Snælduni og Navia. Reyði tráðurin í øllum hjá henni er tað føroyska. - Viðskiftafólk kunnu bíleggja eftir máti og upp­skriftum, og tískil kunnu tey fáa júst tað, tey ynskja sær. Eg havi ikki stóra goymslu, og mær dámar væl at ar­ beiða hóvliga, sigur Randi Hjelm Debes. RANDI SELUR BUNDIN PLØGG OG MYNSTUR UM ALLAN HEIM - Herfyri seldi eg eina troyggju heilt til India. Eg havi eisini upplivað, at eitt viðskiftafólk úr USA kom á gátt hjá mær eftir einari troyggju. Tað var ein amerikumaður, sum setti seg í samband við meg, áðrenn hann kom til Føroya, og tað endaði við, at hann stóð í túninum hjá mær, sigur Randi Hjelm Debes, sum eigur fyritøkuna, Faroeknit