hósdagur 14. november 2019síða 11

FRÍGGJADAGUR 15. NOVEMBER 2019 SOSIALURIN 132 11 Skipanin við listastuðli verður endurmett Arbeiðið við at endurmeta skipanirnar við listastuðli er farið í gongd, men enn ov tíðliga í tilgongdini til at siga, hvørjar broytingar ella tillagingar verða gjørdar STEINAR PATURSSON T á nýggja samgongu­ skjalið varð undir­ skrivað 14. september í ár, stóð at lesa undir brot­inum um mentan, at skipanin við mentanar- og listastuðli skal end­urmetast. Jenis av Rana, landsstýrismaður í uttanríkis- og mentamálum, sigur, at hann hevur biðið avvarandi embætis­ fólk um eina frágreiðing um skip­anirnar við listastuðli, men at frá­greiðingin er ikki klár enn, og tí er lítið ítøkiligt at siga um, hvørj­ar broytingar og dagføringar skulu gerast. - Eg vil fyrst og fremst hava eina frágreiðing um, hvussu tað gongur fyri seg, og hvørjar royndir tey hava av starvslønunum. Hatta er ein øgiliga stór skipan, og har her nógv ymiskt í henni. Summi fáa í trý ár og so aftur í trý ár, með­an onnur fáa arbeiðsløn í eitt ár. Eg vil hava alt økið lýst, allar skip­anirnar. - Har eru so nógvar skipanir, og eg vil gjarna hava innlit í allar skipanirnar. At fáa lýst, um tær virka eftir ætlan og um vit fáa tað burturúr, sum vit eiga at fáa burturúr, so at siga, sigur Jenis av Rana, og leggur aftrat, tá frá­ greiðingin fyriliggur verður av­ gjørt, um grundarlag er fyri at gera dagføringar. Avrikskrav er ein møguleiki Jenis av Rana vísir á, at pen­ing­ ur til mentanarstuðul er sum allir aðrir pengar, sum fara úr landskassanum, og skulu tí umsitast á rættan hátt. Í løtuni er ikki nágreiniligt avriks­krav til starvslønirnar ella lista­fólka­løn­ irnar, hóast mót­tak­ararnir skulu lata inn frá­greiðing ella ávegis­frá­ greiðing. Men hesum verð­ur hugt eftir, tá frágreiðingin frá av­var­ andi embætisfólkum fyri­ligg­ur, sigur Jenis av Rana. - Tað er so ein partur av eftir­ metingini. Um tað vísir seg, at vit geva bara pengar út, men ikki fylgir tí upp, tað er ikki nøktandi. Hatta er eitt arbeiði sum alt annað. Tey fáa eina løn, sum svarar til eina løn hjá einum fakfólki. Tað merk­ir, at tað er eitt arbeiði, og vit mugu krevja eitt produkt. - Ta skyldina havi eg sum lands­ stýris­maður yvir fyri teimum, ið vit taka pengar frá, sigur Jenis av Rana. KUNNGERÐ UM MENTANARGRUNN LANDSINS Brot úr kunngerð Nr. 109, 21. september 2000 um Mentanargrunn Landsins. Endamál § 1. 1) Mentanargrunnur Landsins veitir stuðul til tey í § 1 í løgtingslógini nevndu endamál, undir hesum starvslønir, listafólkalønir, íverksetanarstuðul, styttri skeið hjá listafólkum og stuðul til ymiskar verkætlanir. Nevndin § 2. 1) Mentanargrunnur Landsins verður stjórnaður av nevnd við 5 limum, sum landsstýrismaðurin tilnevnir. Landsstýrismaðurin tilnevnir 5 varalimir. Tveir av nevndarlimunum og tveir av varalimunum skulu tilnevnast eftir tilmæli frá Listafólkasambandi Føroya. Stk. 2. Nevndin umsitur sjálvstøðugt játtanina á fíggjarløgtingslógini og aðrar inntøkur. Starvsløn § 4. Endamálið við starvslønunum er at geva listafólkum og øðrum, ið takast við mentanarligt virksemi arbeiðsnáðir í eitt ávíst tíðarskeið at starvast burturav við listarligum ella øðrum mentanarligum arbeiði. Stk. 2. 1) Starvsløn verður latin umsøkjara við støði í verkevni ella verkætlan, sum lýkur krøvini í § 1 í løgtingslógini og eftir nevndarinnar meting av listarligum ella fakligum dygdareyðkennum. Stk. 3. 1) Starvslønir kunnu verða latnar soleiðis: 1) Ein starvsløn galdandi í 3 ár. 2) Tvær starvslønir galdandi í 1 ár. 3) Starvslønir galdandi í 1 til 6 mánaðir. Stk. 4. Starvslønin um mánaðin svarar í upphædd til læraraløn á fólkaskúlans lønarstigi 21, stig 1. Stk. 5. Nevndin ger sjálv av, hvussu nógvar starvslønir verða latnar, tó skal samlaða útreiðslan til starvslønir fyri eitt játtanarár ikki verða meira enn helmingurin av samlaðu játtanini til Mentanargrunn Landsins. Listafólkaløn 1) § 4 a. 1) Endamálið við listafólkalønunum er at bøta um korini hjá yrkislistafólkum, sum í játtanarskeiðnum burturav arbeiða við list. Útgangsstøðið er, at listafólkini skulu arbeiða í minsta lagi í 3 ár. Møguleiki er fyri, at hesar listafólkalønir kunnu latast tríggjar ferðir, t.e. at eitt setanarskeið varir í mesta lagi 9 ár. Stk. 2. Listafólkalønir verða veittar umsøkjara við støði í verkevni ella verkætlan, sum lýkur krøvini í § 1 í løgtingslógini og eftir nevndarinnar meting av listaligum ella fakligum dygdareyðkennum. Tó kunnu listafólkalønir verða veittar við støði í listaligari fakligheit ella royndum hjá umsøkjara. Stk. 3. Nevndin fyri Mentanargrunn Landsins setir faknevndir, sum viðgera umsóknirnar um listafólkalønir og gera tilmæli til nevndina fyri Mentanargrunn Landsins. Faknevndirnar skulu verða mannaðar við útbúnum fakfólkum innan ávísu listaøkini. Stk. 4. Yrkislistafólk eru tey, sum hava lokið viðurkenda yrkisfakliga útbúgving ella hava samsvarandi royndir innan listaliga økið. Stk. 5. Listafólkalønin um mánaðin svarar í upphædd til læraraløn á fólkaskúlans lønarstigi 21, stig 1.