hósdagur 14. november 2019síða 35

FRÍGGJADAGUR 15. NOVEMBER 2019 SOSIALURIN 132 35 er føddur opti­mist­ur, leggur Atli afturat. Tað er sama søgan við ver­ móðr­ini. Hon skal eisini heilsa uppá. Ongan kjans uttan eitt gott bakland Tað ber ikki til at vera fót­bólts­ spælarin Atli Gregersen, um ikki bak­landið var so stuðlandi. Tað sigur miðverjin, ið tó heldur, at Jenny hevði ynskt, at hann var givin, tá børnini vóru lítil. – Eg havi havt ótrúliga góðan stuðul. Annars hevur tú ongan kjans. Í dag brúkar tú skjótt 20 tímar upp á fótbóltin, og tá tú kemur heim er klokkan farin av átta. Í løtuni eri eg við lands­lið­ num og Jenny er á skeið. Tá eru børnini hjá mammu og teim­um. Onkra aðru tíð hjá øðrum, for­ telur Atli og sendir eina heilsan tey, ið ætla sær ein maka, sum spæl­ir fótbólt. –– Tit skulu bara vita, at tað eru nógvir tímar í einsemi, men eg haldi tú fær tað aftur í upp­ liv­ingum. Latið tey bara liva hendan dreymin, tí tað endar eina­ferð, heldur Atli fyri. ”Atli kiks” Atli er upp­vaksin í Stoffa­lág í Havn. Sum hjá teimum flestu fót­bólts­ s p æ l a r u n u m fyll­ir fót­bólt­ urin nógv í barna­ár­un­um. Atli spælir fyri tað mesta við d r e i n g j u m , s u m e r u nakað eldri. Fótbóltsvøllurin er grús­vøllurin aftan fyri Eystur­ skúlan. Tað verður skipað fyri býar­ kapp­ingum, og steyp verða vunnin. – Jógvan Højgaard plagdi at keypa eitt steyp, sum vit so spældu um, fortelur Atli Greger­sen. Pápin, Árni, arbeiðir um hetta mundið í sjónvarpinum, og Atli er altíð við, tá ið ítróttarinnsløg skulu gerast. Hetta gevur hon­um møguleika at koma at kenna fleiri av spælarunum. Tað er bara íblástur til ein longu góðan hug til at sparka. Í B36 er Atli partur av einum gyltum árgangi, sum vinnur alt. Eina árið missa teir bara stig eina ferð. Tað er móti HB. – Vit vunnu alt. Tað eina árið var tað bara eitt skeivt skot frá Jón Róa Jacobsen, sum rakti Vagn Mohr Mortensen og snýtti málmannin, sum gjørdi, at vit ikki vunnu allar dystirnar, sigur Atli við eyðkendu argandi røddini. Gregersen-maðurin er tó ikki nøkur bjørt stjørna á ung­um árum. Hann fekk enntá eyk­ nevnið ”Atli kiks”, sum hann fekk fyri at kiksa ein málmøguleika. – Ragnar Poulsen var tann heilt stóri spælarin. Hann skor­ aði 137 mál í smápiltum, meðan eg bara skoraði 37, tí eg kiksaði so nógv. Eina venjing kallaði onkur meg ”Atli kiks”, og tað hekk bara við, sigur Atli og grínur. Millum spælararnar í 82 árgangi­num eru menn sum Niels Joen­sen, Bárður Johanne­sen, Ragnar Poulsen, Helgi Justinus­ sen, Fróði Baldvinsson og Levi Nybo. Millum venjararnar hjá Atla eru Ólavur Waag Høgnesen og Annfinn Danielsen. B36 er einaráðandi í árgangi­ num til 1996, tá Atli flytur til Dan­markar. Um tað skal leggjast meir í tað, skal verða ósagt. Atli kemur á landsliðið Um summarið 2009 eru lands­ liðs­boð eftir Atla Gregersen. Nýggj­ur landsliðsvenjari er írin Brian Kerr. Atli verður úttikin til dystin móti Serbia á Tórsvølli. – Brian Kerr lesur liðið upp og sigur, at ”Atli” skal spæla í mið­verju­ni. Eg helt tað verða løgið, at seta Atla Danielsen í mið­verju­na, men brádliga sig­ur hann; ”Big man, you take kon­ trol”. Tá skilti eg, at hann meinti við meg, og at eg skuldi stýra verjuni, greiðir Atli frá. Ongin tekur íran í skiftirúminum, tá spælarar skulu eggjast undan dystar­byrjan. – Hann er tann besti til at motivera spælarar við talum. Hann fekk okkum til at trúgva uppá, at vit kundu vinna á einum og hvørjum, greiður Atli frá. Hann hevur bara spælt tveir minuttir av landsliðsfótbólti, tá miðverjin fær eina heilsan frá tí tveir metrar høga Nicola Zigic. – Eg fór upp at stúta ein bólt, og hann sendi meg runt í luftini. Vælkomin á landsliðið hugsaði eg, sigur Atli, meðan hann við rørslum greiðir frá, hvussu tað hendi. Seinni fær serbiska stjørnan, Dejan Stankovic, av at vita – ella tað var ætlanin. – Eg bað hann skrubba av aftur á bonkin hjá Inter Milan. Í tí eg segði tað, so hugsaði eg, hvussu býtt tað ljóðaði. Men hann svaraði bara aftur, at hann ikki sat á bonkinum. Tá kundi hann gott havt sagt okkurt meiri niðrandi, sigur Atli við einum smíli. Pakkaði Anelka inn Í tíðini undir Brian Kerr er besta kenslan, tá Frakland er á vitjan á Tórsvølli í 2009. Atli spælir ein branddyst, og kendi áleyparin úr Premier League, Nicolas Anelka, er lítið sjónligur á vøllinum. – Minnist eg segði við konuna, at eg hevði pakkað Anelka inn, sigur Atli stoltur á málinum. Men løtan, tá hann veruliga kendi á sær, at hann var vorðin lands­liðsspælari, er tá ein før­ oying­ur liggur skaddur á vølli­ num. Fraklendingar drála við at sparka bóltin út. ”Put the fuck­ ing ball out!”, rópar Atli. – Tá William Gallas so sparkaði bóltin út, kendi eg á mær, at eg nú var ein landsliðsspælari, sum ikki var bangin fyri hinum heims­stjørnunum, fortelur Atli Greger­sen í samrøðu við Sosialin í 2012. Føroyar tapa dystin 1-0, men tað kundi verið øðrvísi. – Hevði Jákup á Borg bara dugað at skalla, so høvdu vit kanska eisini fingið stig, sigur mið­verjin flennandi. Ein annar landsdystur, sum Atli minnist væl, er dysturin móti Italia á Tórsvølli. Undan dysti­num tryggjar Brian Kerr, at allir trúgva upp á sigurin, hóast mót­støðan er sterk. Føroyar tapa 1-0, men raka stengurnar tvær ferðir. – Súni Olsen hevur oftani skotið hasar í stongina og inn. Bara óheppið, at akkurát hasin skuldi fara í stongina og út, sigur Atli um dundurskotið hjá Súna í fyrra hálvleiki í dystinum. Kerr tvingar Atla at spæla Atli vinnur sær fast pláss á lands­ liðnum, og hann er eisini millum teir útvaldu til landsdystin móti Litava á Svangaskarði. Men eftir sein­astu venjingina fyri dystin koma keðilig boð. – Eg sá, at Jenny hevði ringt fleiri ferðir, so eg visti, at klokk­ an hevði sligið. Verpápin er deyður og eg skundi mær til Havn­ar, greiður Atli frá. Ein maður skilur tó einki. Brian Kerr ringir í øðini til Atla og spyr, hvar hann er. – Eg greiði honum so frá, hvat er hent, og at eg nokk ikki spæli dag­in eftir, sigur Atli. Aftursvarið er hart og kontant. Hann er deyður, og tú kanst ikki gera nakað, er svarið í hinum endanum. Brian Kerr vil ikki hoyra talan um, at Atli ikki spælir. Nakað seinni roynir Atli at ringja til hjálparvenjaran, Jens Martin Kundsen, fyri at geva honum boð um, at hann ikki kann spæla. – Tá eg ringi, tekur Brian Kerr tele­fonina og spyr, hví eg ringi til Jens Martin. At enda sigi eg, at eg í minsta lagi sovi heima, men aftur er svarið nei, greiður Atli frá. Tað endar tó við, at Atli sleppur at sova heima og møtir til morgunmat dagin eftir. Før­ oyska liðið spælir ein góðan dyst og vinnur 2-1. Eftir dystin er veitsluhýrur, og allir fara til havnar við bussi uttan Atli, sum ætlar sær heim. Aftur er Brian Kerr ósamdur og vil hava Atla við til Havnar. – Tað spældi alt væl av, men tá sá Brian Kerr bara fótbólt, sigur Atli og leggur afturat, at tað var gott, at hann spældi handan dystin, tí Føroyar flugu upp eftir FIFA styrkilistanum, og allir spælar­arnir fingu áleið 200.000 krónur í bonus. Nakað seinni er venjingardystur í Skotlandi, og Føroyar tapa 3-0. Brian Kerr er bara við til sjálvan dystin, tí beiggin liggur fyri deyðanum. – Tá segði hann við meg, at hann var farin skeivur í sam­ band við dystin móti Litava, greiðir Atli frá. Vinnur á Lars og Grikkalandi Lars Olsen verður nýggjur lands­ liðs­venjari í 2011. Hann hevur ikki pláss fyri Atla Gregersen. Tað er ein málrættaður miðverji, sum ger samrøðu við Sosialin í desem­ber mánaði í 2012. Til sein­ ast í greinini stendur skrivað: ”Atli Gregersen er ikki bangin fyri at siga, hvørji mál hann hevur. Hann vil á landsliðið aftur, og hann vil hava eitt FM gull­heiðurs­merki um hálsin. Tað fjalir hann ongantíð í samrøðuni. Hann hevur sterkar meiningar, og tær torir hann at deila við fólkið. – Eg spæli best, tá eg havi nakað at prógva, sigur Atli at enda. So er spurningurin, um tað er nokk til eitt landsliðspláss og eitt gullheiðursmerki?” Í 2013 eru boð aftur eftir mið­verjanum. Hann vinnur sær pláss á liðnum, sum tapur -Nú ein dagin spurdi konan hvussu nógv kjøt vit skulu hava til konfirmatiónina hjá soninum, men akkurát tá hugsaði eg bara ”Ná, Martin Ødegaard ikki við hjá Norra, hvør fer so at spæla? Her er Atli avmyndaður á Argjum í 2016 saman Jenny, Árna og Evu, eftir at Víkingur vann sítt fyrsta FM-heitið Atli Gregersen og Klæmint A. Olsen hálvsfevnast eftir 1-0 sigurin móti Malta