hósdagur 14. november 2019síða 36

FRÍGGJADAGUR 15. NOVEMBER 2019 SOSIALURIN 132 36 rími­liga tepurt móti Írlandi og Svøríki á útivølli. Han verður út­ vistur í 3-0 ósigrinum móti Týsk­ landi, men tað er ikki reitt spæl frá týsku stjørnuni, Thomas Müller. Hann setur ferðina niður og tveitur seg, tá Atli nærkast hon­um. Føroyski landsliðsmiðverjin hevur tó sannført Lars Olsen og fyri­myndina, Jóannes Jakobsen, um at hann eigur eitt pláss á lands­liðnum. Tað er eisini við Atla Greger­ sen í miðverjuni, at føroyska lands­liðið vinnur tvær ferðir á Grikka­landi. Eftir ein 2-0 ósigur í Bel­fast í Norðurírlandi, spælir lands­liðið ein framúr dyst móti Ungarn á heimavølli. Brandur Hendriksson og Sølvi Vatn­ hamar byrja á fyrsta sinni. – Tað var dysturin, sum broytti alt. Vit taptu 1-0, men vit spældu væl. Sigurin í Grikka­ landi er tann størsti fyri meg. Vit høvdu bíðað so leingi eftir einum sigri. Vit spældu væl og høvdu møguleikar til fleiri mál, sigur miðverjin, sum ikki orkaði at feira sigurin. – Vit komu heim við flog­ farinum, og har var ein móttøka. Kapp­ingarárið var liðugt, og vit kundu farið út at feira tað, men eg haldi, eg sovnaði klokkan níggju, fortelur Atli. Summarið eftir, í 2015, er Grikka­land gestur á Tórsvølli. Tað er summarveður, og grikkar eru ávaraðir, men tað hjálpir einki. Føroyar vinna 2-1 eftir at hava verið á odda 2-0. – Tað er tann dysturin, har áskoðararnir hava borið okkum mest fram. Tað var einki eftir seinasta korterið, og tíbetur skoraðu teir ikki, fyrr enn tað var ov seint. Eg gloymi ongantíð mynd­ina av Gunnari Nielsen, sum rennur runt á vøllinum og fegnast við einum føroyskum flaggi á rygginum, sigur Atli Greger­sen. Liðskiparabandið og metið Í 2016 verður Atli Gregersen lið­ skipari á landsliðnum, tí Fróði Benja­minsen gevst. Tofta­ maður­in kemur tó aftur á lands­ lið­ið, men liðskiparabandið eig­ ur Atli. Landsliðið setur nýtt met við níggju stigum í eini undankapping. Øll avrikini eru ikki sannførandi, og onkur heldur, at vit kundu havt fingið fleiri stig. Metið stendur tó við. – Eg eri ótrúliga stoltur av at vera liðskipari. Tað er nakað serligt fyri okkum, sum kanska eru av gamla skúlanum. Sjálvur hevði eg fyrimyndir sum Jóan­ nes Jakobsen, Steve Bruce og Roy Keane, sum allir vóru lið­ skipar­ar. Ongin kann taka frá mær, at eg var liðskipari, tá vit settu met. Hartil hildu vit málið reint í fimm dystum. Tað haldi eg er flott, sigur Atli Gregersen. Hann er um hetta mundið eisini liðskipari hjá Víkingi. Tá eru uppgávnur millum annað at taka í hondina á Klæminti A. Olsen og øðrum, meðan hann á lands­liðnum skal heilsa upp á heims­stjørnur sum Cristiano Ronaldo úr Portugal og Sergio Ramos úr Spania. – Einasti munurin er, at ein maður sum Ronaldo luktar av­ bera væl, meðan Klæmint helst hevur sveittað ígjøgnum til upp­ hit­ingina. Sjálvur eri eg kanska fegnast um at hava heilsað upp á Sergio Ramos. Hann er eisini mið­verji og ein ímynd av Real Madrid, sigur føroyski liðskipari. Hann leggur afturat, at við tíð­ini eru mót­støðu­spæl­ar­arnir farn­ir at vísa størri og størri virð­ ing fyri før­oyska lands­lið­num. Stóra virðing fyri Lars Tá Atli Gregersen fær lið­skipara­bandið, er tað somuleiðis ein stað­festing av, at hann hevur vunn­ið ”dystin” móti Lars Olsen. Men tak ikki feil, Atli hevur stóra virðing fyri Lars Olsen. – Eg havi ótrúliga stóra virð­ing fyri Lars Olsen. Hann hevur flutt føroyskan fótbólt nógv fram. Í dag taka vit fyri givið, at vit skulu spæla bóltin. Tað hava hann og Jóannes Jakobsen stóra æru av. Lars Ol­sen er ein, sum be­ stemmar, og eg havi virðing fyri, at hann er maðurin á brún­ni, sigur Atli Gregersen. Teir hava ikki altíð verið samdir um alt, men tað kemur ikki at skilja teir. – Sum oftast hevur Lars Olsen havt rætt. Hann hevur livað eitt langt lív í fótbólti, har hann eisini var liðskipari hjá danska EM- landsliðnum. Nú vóni eg, at hann klárar seg væl í Esbjerg. Eg eri bara bilsin av, at hann ikki hevur tikið Jóannes Jakob­sen við sær, leggur Atli bros­andi afturat. Hvat so nú? Eftir tíggju ár á landsliðnum eru nýggjar tíðir fyri framman. Hann heldur fram at spæla í Víkingi, men eisini tað fær ein enda einaferð. Atli hevur B-venjara­prógv og ætlar sær at taka A-venjaraprógv. Hann hevur eitt ymski um at blíva venjari, men enn er hann ikki kom­in so langt við tí ætlanini. – Eg haldi ikki tað er gingið upp fyri mær enn, at eg gevist. Tað ger tað nokk ikki, fyrr enn eg siti sum áskoðari á Tórsvølli. ÍTRÓTTUR: Atli Gregersen -Hetta hevur verið bæði mín barna­dreymur og vaksna­manna­ dreymur. Tí má eg liva hann so leingi sum eg kann Atli Gregersen heilsar upp á Crristiano Ronaldo, tá Portugal kom á vitjan í 2016. Portugal vann 6-0