týsdagur 19. november 2019síða 34

Mikudagur 20. november 2019 10 Sosialurin Bókajól SVIK Rithøvundur: Jan Lamhauge Forlag: Sprotin PRÍSUR: 348,- 21. september 2017 bleiv Betri Banki meldaður til fútan undir illgruna fyri brot á grein 139 í skattalógini, sum snýr seg um skattasvik, í sambandi við sonevnda Skattamálið. Tveir mánaðir seinni kunngjørdi Politiið í Føroyum, at áheitan var send til Bakmanspolitiið um at vera við í kanningunum av Betri Banka. Tvær vikur seinni fekk tíðindaleiðarin í KvF, sum hevði havt ábyrgd av avdúkingunum, uppsagnarskriv.  HØLL SUMMARLANDSINS Rithøvundur: Halldór Laxness umsett hevur Þóra Þóroddsdóttir Forlag: Sprotin PRÍSUR: 248,- Í hesum bindinum fylgja vit víðari við tí fátæka, einsamalla barninum, Ólavi Kárasyni ljósvíkingi, ið hevur sterkan alsk til náttúruna, fuglarnar, blómurnar á bønum og aldututlið á sandinum. Eitt barn, ið er við sviðusoð og mest sum ongan góðan eigur Foreldur eigur hann onkustaðni, men hann kennir tey ikki, hann droymir um tey, og honum leingist eftir teimum. Myndin er kám og fjar. HÚS SKALDSINS Rithøvundur: Halldór Laxness umsett hevur Þóra Þóroddsdóttir Forlag: Sprotin PRÍSUR: 248,- Tann fátæki og einsamalli Ólavur Kárason ljósvíkingur er vorðin vaksin og skald. Hann býr saman við unnustuni í eini træsmáttu uppi í brekkuni. Hon arbeiðir á fiskastykkinum, og hann vakir yvir sjúkum barni. Stríð er í bygdini millum felagið hjá arbeiðsfólkinum við Jens Føroyingi á odda og teir, ið ráða fyri borgum. Eisini skaldið verður drigið inn í ósemjuna, hóast Ólavur Kárason vil vera partleysur og bara vil yrkja og skriva. DÝRD HIMINSINS Rithøvundur: Halldór Laxness umsett hevur Þóra Þóroddsdóttir Forlag: Sprotin PRÍSUR: 248,- Dýrd himinsins fylgir skaldinum Ólavi Kárasyni ljósvíkingi longur fram á leið. Hann er nú vaksin maður, nýkomin úr fangatippi, har hann hevur sitið í samfull seks ár, tí hann hevur gjørt seg kynsliga, men óavvitað, inn á eina av skúlagentunum í bygdini, har hann eitt skifti var vikarur.  STORMFUGLAR Rithøvundur: Einar Kárason umsett hevur Carl Jóhan Jensen Forlag: Sprotin PRÍSUR: 198,- "Stormfuglar" er skakandi søga um ein bardaga, sum íslendskir sjómenn høvdu við himmalsins ódnarveður í tríggjar dagar á Nýfundnalandsleiðunum í februar mánaði 1956. Hetta er skaldsøga, ið byggir á veruligar tilburðir. EIN TÁTTUR ER SILVUR Rithøvundur: Sólrún Michelsen Forlag: Sprotin PRÍSUR: 298,- Ein syrgiligur tilburður setur gongd á skaldsøguna. Ein mamma doyr í barnferð frá 10 børnum. Ikki óvanligt fyri stórt hundrað árum síðan.  Sorgin verður tagd burtur. Pápin giftist uppaftur. Børnini spjaðast, og lagnan lagar seg ógviliga ymist hjá teimum.  Hetta er seinast í 19. øld, og allar rembingarnar í átrúnaði, politikki, fakfelagspolitikki og mentan, ið vóru um aldarskiftið, verða flættaðar inn í hesar lagnulýsingar – m.a. tann harðrendi Axel Fr. Moe, sum Dansk Indre Mission sendi til Føroya. VIRUS Rithøvundur: Sámal Soll Forlag: Sprotin PRÍSUR: 198,- VIRUS eitur stuttsøgusavn við 13 søgum eftir Sámal Soll. Søgurnar í savninum venda sær til ung og vaksin og søgurnar fevna víða í innihaldi – frá tí spennandi til tað óhugnaliga – og flestu teirra viðgera lívið á sosialu miðlunum í Føroyum í dag.  JARÐARFERÐIN Rithøvundur: Jóanes Nielsen Forlag: Sprotin PRÍSUR: 348,- Hetta er bókin um eina jarðarferð, sum byrjar í Shanghai, og sum endar í Sumba. Hetta er eisini søgan um eina forvitnisliga dagbók og um felagsskapin International Dwarfs Association og tað, sum kann henda, tá ið leitað verður eftir avvarðandi hjá nøkrum deyðum kinesiskum fiskimonnum. Men fyrst og fremst er Jarðarferðin ein lýsing av vinalagnum millum Symfor Thomsen og Eigil Tvibur. TERNINGAR – SØGUR AV TILVILD Rithøvundur: Carl Jóhan Jensen Forlag: Sprotin PRÍSUR: 348,- Terningar eru ímyndin av tilvild, og tilvild miðjan í hvørji søgu – í hennara samansettu og í senn einføldu eftirgerð av tí sansaða.  MARKIÐ Rithøvundur: Erika Fatland umsett hevur Pauli Nielsen Forlag: Sprotin PRÍSUR: 298,- Hetta er bók um at vera granni hjá tí ómátaliga heimsveldinum Russlandi. Um teir stóru mentanarligu munirnar millum londini, høvundurin vitjar, sum liva í skugganum av tí eina stóra felagsnevnaranum, sum á ymsan hátt hevur merkt tey øll: at liva undir liðini á Russlandi, heimsins størsta landi. Hon ger ferð ígjøgnum 14 lond og leggur alt markið - 20.000 kilometrar - aftur um seg.  GLOYMDUR Rithøvundur: Solby A. Christiansdóttir Forlag: Sprotin PRÍSUR: 248,- Ein maður liggur til at doyggja á Landssjúkrahúsinum, tí eitt mistak er hent. Men hví er tað komið so langt? Og hvør hevur ábyrgdina? Samstundis er politisk kapprenning um, hvussu Føroya Sjúkrahúsverk skal skipast í hæddini.  Deyðasjúki maðurin og sjúkrahúsverkið eru høvuðspersónarnir í skaldsøguni, Gloymdur, sum byggir á veruligar hendingar. GÓÐA SYSTIR – EIN DAGBÓK TIL ARNVØR Rithøvundur: Margit M. Baadsager Forlag: Sprotin PRÍSUR: 298,- Góða systir er ein hjartanemandi dagbók frá einari systir til aðra. Bókin er persónlig og nemur á ein jarðbundnan hátt við evni sum familja, sjúka, viðgerð, trúgv, lívsinnihald, skemt, sorg, endurvenjing og vón, ið bæði sjúklingar og avvarðandi kunnu kenna seg aftur í.  SPROTIN