týsdagur 19. november 2019síða 36

Mikudagur 20. november 2019 12 Sosialurin Bókajól DRÚGVA FERÐIN 2 Rithøvundur: Johannes V. Jensen umsett hevur Edvard S. Olsen Forlag: Sprotin PRÍSUR: 298,- Tá ið fyrri veraldarbardagi brast á, og høvundurin varnaðist alla týningina og sá, hvussu vesturlendska siðmenningin syndraðist, gjørdi hann av at skriva sína egnu útgávu av skapanarsøguni, og hvussu siðmenningin hevur tikið seg fram. Hvør partur lýsir tann virkisfúsa einstaklingin og seiggið í honum. Hann verður rikin fram av einihvørjari úttrá og stremban eftir onkrum meira og øðrvísi, og soleiðis setur hann ferð á menningina. Hesin einstaklingurin er altíð mannfólk. TAKRENNUTÓNAR Rithøvundur: Tóroddur Poulsen Forlag: Sprotin PRÍSUR: 148,- Sama hugfangandi lag, skemt og raffineraðar snaringar í hvørji einastu yrking. Tú mást ikki vera latur, tá ið tú lesur Tórodd, men tú mást spenna tulkingarevnini út á mørk. Tú mást ikki vera líkasælur, tí tá seyrar einki inn. Hav hug og sansir opin, so verður hetta ein framúr lesiuppliving. FJØTRAÐ Á FLOGI Rithøvundur: Ymiskir rithøvundar umsett hevur Alexandur Kristiansen Forlag: Sprotin PRÍSUR: 348,- Orðið at týða er skilt við orðið tjóð. Við týðingum bregda vit hugsanir og orðingar hjá øðrum inn í okkara mál – gera hesar tankar livandi á okkara máli. At gera tað er ein ógviliga týðandi táttur í allari tjóðarbygging. Árliga verða milliardir brúkar at týða góðar hugsanir, góðar tekstir millum mál. Tann heilt einfalda orsøkin er, at fólk flest skilja betur móðurmálið enn onnur mál. SÓL SKEIN SUNNAN Rithøvundur: Alexandur Kristiansen Forlag: Sprotin PRÍSUR: 148,- Vit sigla í myndum um ókend høv, har dreymarnir rísa úr kavi, og ljósglottar umskara stavirnar, ið skrivast á villini havi. DNA Rithøvundur: Yrsa Sigurðardóttir umsett hevur Jákup Sørensen Forlag: Sprotin PRÍSUR: 298,- Dóttirin vekir hana: ”Onkur er í húsunum.” Elísa setst upp undir seg. Hjartað dukar í bringuni … Tað er ísakalt í Íslandi. Tað er ikki bara veðrið, tí ein kavráur mordari gongur leysur í myrkrinum. Hevur tú dirvi, og ert tú drigin at grimd og ísakøldu óndskapi, so er hetta ein bók fyri teg. TÁ ÓKUNNUFÓLK KOM Á LEIÐ – HEIMABLÍDNI Forlag: Sprotin PRÍSUR: 348,- Anna og Óli, ið hava garðin undir hond, eru 9. ættarlið. Tey hava røkt garð og fenað á siðbundnan hátt í mong ár.  Við rákinum um norðurlendska matmentan búnaðist tankin um at seta serføroyskan mat eftir føroyskum uppskriftum á borðið fyri gestum. Tey settu sær fyri at bjóða gestum inn at smakka ein góðan bita av Føroyum Bókin fæst á føroyskum, enskum og týskum LEITANIN EFTIR AT VERA Rithøvundur: Katarina Nolsøe Forlag: Sprotin PRÍSUR: 148,- Katarina Nolsøe er fødd í 1964 og er útbúgvin sjónleikari á sjónleikaraskúlanum í Reykjavík. Hon fekk depressión í 2006 og var fleiri ferðir innløgd á psykiatriska deplinum. ‘Leitanin eftir at vera’ er ein ferð gjøgnum depressión, ótta og angist. Ein ferð, har tú spakuliga kemur fyri teg aftur og mást læra teg at liva við sárinum. NAKRIR TÆTTIR ÚR LÍVI V. U. HAMMERSHAIMBS Forlag: Sprotin PRÍSUR: 298,- Tað er áhugavert at lesa um lív Hammershaimbs, tá ið hann sum gamal maður kveitir aftur um seg og lýsir ta leið, hann hevur gingið. Lív hansara hevur verið fjølbroytt og forvitnisligt. Hann hevur havt gott áræði, havt eitt áhugavert lív og mangan havt tað stríggið í embætunum.Sum ungur gjørdi hann eitt bragd, sum eingin hevur gjørt honum eftir.Hann læt sær ikki lynda, at hansara egna móðurmál skuldi verða fyri vanbýti í einari danskari skúlaskipan, ið smoygd varð niður yvir fólk.Hann skrivaði í danskt blað um støðuna, og hvussu órættvíst tað var, at so lítil virðing var fyri føroyska málinum í danska ríkinum. HEIMURIN, IÐ HVARV Rithøvundur: Knút Háberg Eysturstein Forlag: Sprotin PRÍSUR: 348,- Regin Dahl endar í útlegd orsakað av seinna heimsbardaga. Útlegdin hevur formað hann sum menniskja og listafólk. Henda bók er ein ferð niður í søguna um okkum, tjóðskapartilgongdina og samleikamenning- ina, seinna veraldarbardaga og útlegdina sum grundleggjandi lívstreyt í modernitetinum. Úr hesi útlegdini syngur Regin Dahl til okkara. Hann er sum rødd, ið rópar úr oyðimørkini.Úr útlegdini. ÚRVALSSAVN Rithøvundur: Oddfríður M. Rasmussen Forlag: Sprotin PRÍSUR: 198,- Hetta úrvalsrit er gjørt burtur úr 17 verkum, ið Oddfríður hevur latið úr hondum seinastu 25 árini. IKKI FYRR ENN TÁ Rithøvundur: Oddfríður M. Rasmussen Forlag: Sprotin PRÍSUR: 298,- Tey eru eydnurík saman, men sum tíðin gongur, varnast hann, at hon broytir atburð og verður fremmand og øðrvísi. Hon megnar ikki arbeiðsuppgávurnar, og á arbeiðsplássinum eru tey ørkymlað. Hon verður kannað, og staðfest verður, at hon hevur illkynjaðan knykil í heilanum.Hvussu livir tú við tí, at kvinnan, tú elskar, hvørvur frá tær í smáum? Hvussu bert tú teg at, tá ið tann, tú elskar og livir saman við, broytir persónsmensku? VÁÐAFÚSIR FØROYINGAR Rithøvundur: Erich Wustmann umsett hevur Anja Tell Forlag: Sprotin PRÍSUR: 198,- Jógvan er fjúrtan ára gamla hetjan í hesi spennandi søguni, sum týski fólkalívsfrøðingurin Erich Wustmann skrivaði, tá ið hann vitjaði í Mykinesi á sumri í 1938. Við Jógvani lýsir hann, hvussu hart og eirindaleyst lívið hjá mykinesfólki í tríatiárunum kundi vera. Samstundis lýsir hann sterka tilknýtið hjá menniskjunum til oynna og alsk teirra til náttúruna. SPROTIN