mikudagur 15. desember 2004síða 18

18 Nr. 240 - 15. desember 2004 Grønt samstarv Rektarin á Kambsdali ynskir, at studentaskúlin verður grønari, og at sam- starvið millum næmingarnir verður styrkt. Í hesum døgum hava næmingarnir á Studenta- skúlanum og HF-skeiðnum í Eysturoynni evnisviku, har evnið er Agenda 21. Skúlin hevur áður skipað fyri evnisviku, og hevur tað eydnast teimum so væl, at hetta er vorðið eitt aftur- vendandi tiltak. – Tað er sera týdningar- mikið, at duga at samstarva í gerandisdegnum. Tað er ikki minst førleikan at sam- starva, tú lærir við at hava evnisviku. Útbúgvingar- skipanin eggjar ikki so nógv til samstarv, tí talan er fyrst og fremst um faklig krøv til hin einstaka. Hetta kendu næmingarnir í síðstu viku, tá ið teir skrivaðu høvuðs- uppgávu, søguritgerð og støðisritgerð. Evnisvikan er ein øðrvísi avbjóðing, sum leggur upp til samstarv og ítøkiligar loysnir á við- komandi trupulleikar. Tað er mín fatan, at næmingarnir trívast væl í hesum, sigur Sámal í Skorini, rektari á Studentaskúlanum og HF- skeiðnum á Kambsdali. Tað grøna er ókent Ein partur av upplegginum hjá Agnari Jensen mána- morgunin snúði seg um hugtakið "grønur skúli". Spurdur um hetta var enda- málið við evnisvikuni, svaraði Sámal í Skorini, at tað var avgjørt nakað, sum tey á skúlanum hava hugs- að um. – Hetta er ein spennandi avbjóðing. Tað fylgja iva- leyst krøv við, sum vit enn ikki eru greið yvir. Nú fara vit at kanna hetta, og so fara vit at arbeiða víðari við tí orku, sum vit hava. Talan kann verða um krøv, sum bera meiri kostnað við sær. Eitt nú, um allar ljósperur- nar, vaskievnini og rútarnir skulu skiftast út í senn. Men hendan vikan er so ein byrjan - nú hava vit sett sjøtul á. Skrivað og tikið myndir: Hanna Ólavsdóttir Ottar í Hjøllum Ovi Magnussen Rólant Waag Dam Rúni Weihe Maria í Brekkunum Frá at hava verið talsmaður hjá ráfiskakeyparunum, er hann nú vorðin Agenda 21- samskipari fyri Føroya kommunufelag Hann hevur arbeitt hjá Eimskip í nøkur ár, og sum fiskakeypari hevur hann eisini roynt seg. Eisini hevur hann arbeitt í Vinnuhúsinum sum tals- maður hjá ráfiskakeypar- unum. Ja, vinnuroyndirnar hevur hann nógvar. Maðurin er Agnar Jensen sum síðani august 2004 hevur starvast hjá Komm- unufelagnum sum Agenda 21-samskipari. Agnar Jensen er settur í starv hjá Kommunufelagn- um við tí fyri eyga at kanna og kunna um møgu- leikarnar við Agenda 21- ætlanini. Hann hevur ferðast kring landið og havt fyrilestrar í bý- og bygdaráðum. Úrslitið hevur verið gott, tí bý- og bygdaráð tykjast at taka undir við hesi ætlan, sigur Agnar Jensen. Tað eru uttan iva mong, ið meta at starv sum vinnu- lívsmaður og starv sum Agenda 21-samskipari at vera í andsøgn við hvørt annað. Innan vinnulívið er týdningarmikið at hava yvirskot, og tískil tykist tað ofta kostnaðarmikið at fara undir umhvørvisvinarliga framleiðslu. Agnar Jensen er ikki samdur í, at vinnulív og umhvørvi eru mótsetning- ar. Hinvegin heldur hann, at umhvørvis-, búskapar- og samfelagsmenning eru øll fortreytir fyri hvørjum øðrum. Um menning innan eitt av hesum økjunum ikki tekur fyrilit fyri hinum báð- um, verður hetta fyrr ella seinni drigið niður við hin- um báðum, sigur hann. Agenda 21-ætlanin sær umhvørvis-, búskapar- og samfelagsmenning sum eina ringrás, ið annaðhvørt kann ganga væl ella ikki. Gongur ringrásin væl, er talan um burðardygga menning. Spurdur, um tað er áhugi fyri Agenda 21-ætlanini millum politisku myndugleikarnar, sigur Agnar Jensen, at Agenda 21 fyri fyrstu ferð varð tikið við í eitt samgongu- skjal, var hjá núverandi samgongu. Hetta er eitt stig rætta vegin, ið vónandi fer at stuðla undir størri atliti til umhvørvi, tá hugsað verður um búskapar- og samfelagsmenning, sigur Agnar Jensen. Næmingar úr Leirvík vitja hjá IRF, har Ingvard Fjallstein greiddi frá Evnisvika á Studentaskúlanum á Kambsdali Týsmorgunin vóru ikki nógv fólk at síggja á Studentaskúlanum á Kambsdali. Orsøkin var ikki illveðrið, men eitt heldur øðrvísi tiltak, ið lærararáðið hevur tikið stig til. Tiltakið, talan er um, er ein evnisviku, sum byrjaði mánamorgunin. Í hesum døgum er øll vanlig undirvísing tikin av skránni, og ístaðin ar- beiða allir næmingarnir við einum og sama evni, sum í ár er Agenda 21. Eitt av slagorðunum í Agenda 21 er, at tú skalt hugsa globalt og handla lokalt. Tí skulu næming- arnir út at arbeiða við einstøku kommununum, kanna hvat er gjørt, hvat ikki er gjørt og hvat kann gerast í Agenda 21 høpi. Næmingarnir eru bólkaðir geografiskt, so- leiðis, at næmingar, sum t.d. búgva í Sundalagnum arbeiða við Sunda Kommunu, og fuglfirð- ingarnir arbeiða við Fuglafjarðar Kommunu. Í alt er talan um 23 bólkar, harav ein bólkur arbeiðir við eini heimasíðu, og ein tekur sær av PR-arbeiði. Mánadagin vórðu næm- ingarnir kunnaðir um Agenda 21. Týsdagin og í dag arbeiða næmingarnir úti í einstøku kommunun- um. Evnisvikan endar hósdagin við almennari framsýning. Úr vinnuni og í Agenda 21 Agenda = ætlan 21 = 21. øld Agenda 21 er ein sáttmáli, sum tryggjar burðar- dyggari menning. Burðardygg menning merkir, at tørvirnir hjá fólkinum í heiminum nú og í framtíð- ini kunnu nøktast. Samstundis skulu umstøðurnar fyri at tørvirnir hjá okkara eftirkomarum heldur ikki verrast. Á umhvørvisráðstevnuni í Stokkhólmi í 1972 fóru politikarar at hugsa nógv meira um umhvørvið. Semja varð um, at umhvørvi og menning hanga saman. Sum úrslit av ráðstevnuni varð UNEP, umhvørvis- skráin hjá ST, sett á stovn. Heimsnevndin, við norsku Gro Harlem Brundtland á odda, gav í 1987 út frágreiðingina Felags framtíð okkara. Í frágreið- ingini varð fyri fyrstu ferð talan um burðardygga menning. Ì 1992 varð tiltikni toppfundurin í Rio hildin. Á fundinum luttóku ríkisleiðarar og stjórnarumboð úr 181 londum. Á fundinum vórðu 5 skjøl undirskriv- að. Agenda 21, sum tryggjar burðardygga menning samfelagsliga, búskaparliga og umhvørvisliga, Rio frágreiðingin um umhvørvi og menning, kunngerð- in um skógarvinnu, altjóða veðurlagssáttmálin og sáttmálin um lívfjølbroytni. 10 ár seinni varð í Johannesburg hildin ein onnur ráðstevna, har fleiri tíggjutúsund menniskju savn- aðust úr øllum heiminum. Har varð lítið gjørt fyri aftur á úrslitini seinastu 10 árini, og har varð avrátt hvat skal gerast fyri betur at fremja tað, sum av fyrstan tíð var sett fyri. Ein máti at styrkja Agenda 21 uppá, ella at seta Agenda 21 í verk umaftur. FAKTA