hósdagur 28. november 2019síða 43

19 Føroysk framleiðsla umborð á nýggjum havrannsóknarskipi - El-skipanin umborð á havrannsóknarskipinum verður í heimsflokki, og hon verður proppað við teknikki, sigur veitarin í Norðragøtu, sum stendur fyri hesum partinum av arbeiðnum T að er El-talvuvirkið í Norðragøtu, stytt ETV, sum er størsti undirveitari hjá Mest í samband við byggingina av nýggja havrannsóknarskipinum á Skála. Vit hava spurt stjóran, Eyðun Hansen, hvat tað merkir fyri fyritøkuna at hava fingið henda partin av arbeiðnum at gera umborð á einum framkomnum nýbygningi til havrannsóknir. - Havrannsóknarskipið verður sera væl útgjørt tekniskt, og hetta er avgjørt tað mest framkomna skipið, sum fyritøkan hevur verið við til at projekterað, sigur hann. Stjórin vísir á, at øll el-projektering og framleiðsla av talvum, eitt nú høvuðstalvum, neyðtalvum og undir­ talvum, er gjørt frá botni av á ETV í Norðragøtu. - Umframt at vit framleiða alt hetta og nógv aftrat á virk­inum hjá okkum, verða tað eisini okkara starvsfólk, sum skulu installera og annars seta upp alla ta útgerð, sum verð­ur umborð á havrannsóknarskipinum. Umfatandi arbeiði Eyðun Hansen sigur, at ETV eisini hevur sum sína upp­ gávu at framleiða el-skipanina og automatikkin til verk­ smiðjuna. Sama er við ávaringarskipan og PMS-skipan, sum eru ógvuliga umfatandi skipanir. - Vit skulu eisini framleiða tilhoyrandi skermyndir – ella mimikk, sum tað verður rópt á fakmáli – av skip­ anum, sum verða installeraðar umborð. Stjórin í ETV sigur, at tað eisini er uppgávan hjá virkinum í Norðragøtu at installera øll navigatiónstól og samskiftistól umborð. - Tað hevur eisini verið partur av okkara arbeiði sum und­irveitari at designa pultar og staðseta øll tól í stýr­hús­ in­um, sigur Eyðun Hansen. Hann vísir á, at framdriftin hjá skipinum er ein diesel- elektrisk skipan, sum hevur tveir diesel-motorar á 1500 kW. - Hesir dríva ein 2400 kW stóran el-motor, ið er serbygdur, sum so aftur drívur skrúvuna á skipinum, leggur hann aftrat. El-drivin trolspøl Umborð á nýggja havrannsóknarskipinum verða øll trolspøl el-drivin, og skipið er útgjørt við síðuskrúvu, ið eisini kann brúkast sum azimuttur. - Bæði azimutturin og kjølurin kunnu lorast niður úr skipinum - kjølurin fyri at fáa reinari signal til leiti­út­ gerðina umborð. Eyðun Hansen vísir á, at havrannsóknarskipið er ein sera spennandi, krevjandi og mennandi uppgáva hjá ETV, men fyritøkan hevur nógvar royndir við at arbeiða umborð á skipum. - Líknandi skip, sum verða bygd í útlondum, eru vanliga størri enn hetta. Tó verður nýggja føroyska hav­ rann­sóknarskipið júst líka so framkomið, sum onnur hav­ rann­sóknarskip, og skipið verður bygt við allar nýggjastu tøkn­ini á marknaðinum, sigur hann. Fyrimyndarligt samstarv Eyðun Hansen sigur, at samstarvið, sum ETV hevur havt við skipasmiðuna Mest í hesi verkætlan, hevur verið sera gott. - Vit halda, at henda verkætlan vísir, at vit í Føroyum megna væl at byggja skip, sum eru á altjóða støði. Stjórin í ETV sigur seg tískil vóna, at føroyskir reiðarar í framtíðini fara at lata síni skip byggja í Føroyum. - Hetta eigur saktans at lata seg gera í góðum samstarvi mill­um partar, og tað hevði verið fantastiskt fyri at varðveitt førleikarnar í Føroyum, sigur Eyðun Hansen. 15 fólk arbeiða umborð Í løtuni starvast umleið 25 fólk hjá El-talvuvirkinum í Norðragøtu, harav 15 starvast umborð á nýggja havrannsóknarskipinum. - Vit arbeiða mest umborð á skipum og á virkjum, og vit leggja stóran dent á at vera væl við í nýggjastu tøknini á øk­inum. Tað merkir eisini, at vit javnan fara á skeið at menna okkara starvsfólk innan ávísar skipanir og í teimum forritum, vit brúka. Eyðun Hansen vísir á, at ETV seinastu árini hevur installerað fleiri orkusparandi loysnir umborð á skipum í føroyska flotanum. - Vit hugsa “grønt”, bæði tá ræður um ljóskeldur og bæði smáar og stórar skipanir, leggur hann aftrat. Drúgvu royndirnar El-talvuvirkið varð stovnað í 1982 við tí endamáli at fram­leiða el-talvur til føroyska marknaðin. Eyðun Hansen vísir á, at hóast ETV enn er eitt talvu­framleiðandi virki og helst er fremst á sínum øki í Føroyum við sínum drúgvu royndum á føroyska marknaðinum, so er ETV eisini eitt virki, sum nógvu sein­astu árini hevur lagt stóran dent á automatión, projekt­ering og at veita orkusparandi loysnir. Brosandi tekur stjórin til, at nú eru eisini fleiri úr hans­ ara húsi – ella familju – partur av virkseminum, sum hann í sínari tíð legði lunnar undir saman við góðum fólki. - Í løtuni eru tað bert konan, Torgerð og hundurin Mjús í familjuni, sum ikki arbeiða á El-talvuvirkinum. Hann vísir á, at eldri sonurin, Hans Kristian, arbeiðir við at tekna skipið í 3D design, yngri sonurin Bogi arbeiðir sum elektrikaralærlingur og dóttirin, Katrina, er í starvi sum skrivstovufólk. - Aftrat okkum hava vit nógv dugnalig fólk, sum gera tað møguligt hjá fyritøkuni at røkka teimum málum, vit seta okkum, sigur Eyðun Hansen, stjóri í El- talvuvirkinum í Norðragøtu. Samrøða