hósdagur 28. november 2019síða 44

20 - Tætt samstarv millum okkum sum framleiðara og føroysku alivinnuna hevur stóran týdning í menningini av útgerð og tøkni til eina alivinnu í heimsflokki, sigur stjórin í KJ, Ólavur Asafsson Olsen K J byggir í løtuni størstu tvíkilju – ella størsta alibát – sum felagið nakrantíð hevur havt sáttmála um at byggja. Hetta verður nýbygningur nummar 54 hjá fyritøkuni, sum hevur sítt høvuðssæti á Kambsdali. Samstundis verður hetta annar alibáturin í røðini, sum KJ letur Bakkafrosti í heyst og í vetur. Týsdagin 5. november í ár fekk Bakkafrost nevniliga tví­kiljuna Lambanes, sum var nýbygningur nummar 53 hjá KJ. Lambanes, sum er 15,5 metrar long og sjey metrar breið, er heimahoyrandi í Lamba. Lambanes hevur tveir høvuðsmotorar á 420 HK hvør, og hon hevur eisini ein 115 KWA ljósmotor. Av deksútgerð hevur tvíkiljan ein Palfinger 50 TM (tons/metur) krana, eitt 15 tons deksspæl, ein kapstan á trý tons og tveir á 1,2 tons. Lambanes er útgjørd við messu, wc, arbeiðs-og klædna­ rúmi og allari vanligari nautiskari útgerð. Tvíkilja til Skotlands Men, KJ hevur ikki bara bygt alibátar til føroyska markn­ aðin í ár. Í endanum av september í ár varð alibáturin og tvíkiljan við navninum – Courageous – sum var nýbygningur numm­ar 52, latin Grieg Seafood í Skotlandi, og hetta er onn­ur tvíkiljan, sum KJ byggir fyri Grieg Seafood. Courageous er 16 metrar long og átta metrar breið. Hon hevur tveir høvuðsmotorar á 410 HK hvør og ein 115 KVA ljósmotor. Av deksútgerð hevur tvíkiljan eitt nú ein Palfinger 50 TM (tons/metur) krana, eitt deksspæl á 15 tons, ein kapst­an á trý tons og tveir á tvey tons. Tað serliga við tvíkiljuni Courageous er, at hon er út­ gjørd við koyggjum, messu, wc, arbeiðs-og klædnarúmi og annars allari vanligar nautiskari útgerð. Henda tvíkiljan til Skotlands fór av Fuglafirði leyg­ar­ dagin hin 28. September í ár, og hon stevndi inn á Ler­ wick í Hetlandi eitt lítið samdøgur seinni. Tey, sum vóru við tvíkiljuni á ferðini um opið hav, siga, at hóast veðrið ikki var av tí besta, kláraði Courageous seg væl í sjónum. Hin størsta nakrantíð Tá KJ nú er í holt við enn ein nýbygning, sum eisini hesa­ ferð er til Bakkafrost, er hetta samstundis størsta tvíkilj­ an, sum fyritøkan nakrantíð hevur havt sáttmála um at byggja. Hjá KJ rópa tey kendu tvíkiljurnar, Hydrocat. Tær síggj­ast á nógvum firðum og sundum kring landið, og hetta verður so nýbygningur hjá KJ nummar 54 síðan 1999. Higartil hevur KJ við tvíkiljuni Lambanes, sum varð latin Bakkafrost fyri sløkum mánaði síðan, bygt tilsamans 25 alibátar til stóru alifyritøkuna á Glyvrum. Á Kambsdali eru tey sera væl nøgd við tað góða samstarv, sum KJ hevur havt við Bakkafrost í fleiri ár, og í fyritøkuni meta tey eisini, at tætta samstarvið millum framleiðara og alivinnu hevur stóran týdning í menningini av útgerð og tøkni til eina alivinnu í heimsflokki. Nýggjasta tvíkiljan, sum KJ nú byggir til Bakkafrost og sum verður latin alifyritøkuni í januar komandi ár, verður heilar 18 metrar long og átta metrar breið. Størstu alibátarnir, sum KJ frammanundan hevur bygt, eru 16 metrar langir og átta metrar breiðir, og hesir eru báðir bygdir til Skotlands. Stjórin í KJ, Ólavur Asafsson Olsen, sigur, at nýggjasta tvíkiljan, sum liggur við bryggju í Fuglafirði, er ov stór til at taka inn í byggihøllina á Kambsdali, og hon er eisini ov tung til vegirnar í Fuglafirði, haðani vanligt er, at tvíkiljurnar verða koyrdar á vogni. - Í hesum førinum er sandblásing og mettalisering gjørd í Letlandi, har skrokkarnir verða bygdir eftir tekningum hjá okkum. Stóra tvíkiljan verður tískil gjørd liðug, meðan hon liggur á sjónum í Fuglafirði, og tá skrokkurin verður málaður, verður hon tikin upp á bedingina í Fugafirðri, sigur hann. TEKSTUR VILMUND JACOBSEN MYNDIR ÁLVUR HARALDSEN Samstarv merkir eisini menning í okkara alivinnu Umframt at byggja tvíkiljur, byggir KJ eisini nógvar aliringar til alivinnuna, og sum árini eru liðin, eru ringarnir vorðnir størri og størri