hósdagur 28. november 2019síða 45

21 Samrøða Framhaldandi menning Orsøkin til, at KJ nú byggir størstu tvíkilju í søgu felagssins nakrantíð, sigur Ólavur Asafsson Olsen er, at tað er menning í alivinnuni alla tíðina. - Nýbygningur nummar 54 kemur at hava ein 65 TM (tons/metur) krana, og hetta verður samstundis størsti krani, sum vit seta í eina tvíkilju til alivinnuna. Stjórin vísir á, at skalt tú hava ein so stóran krana í einum alibáti, noyðist tú eisini at hava ein størri bát. - Tað skulu stórir kranar og stórir bátar til at lyfta stóran reiðskap og tungar vektir, sigur Ólavur Asafsson Olsen. Tað er væl størri arbeiði av einum so stórum alibáti sum hesum, ið KJ nú byggir, og umframt at kranin er størri, verða eisini høvuðsmotorarnir størri enn í øðrum tvíkiljum. - Hesin alibáturin verður hægri á sjónum enn aðrir bátar av Hydrocat-slagnum, og tí hevur hesin eisini trappur niður av dekkinum, soleiðis at tað verður gott at ganga úr bátinum og út á aliringarnar. Nýggi alibáturin verður eisini partvís innrættaður í stýrisborðskjøli við einum arbeiðsrúmi. Harumframt er stýrhús, lítil messa við eitt nú kuldaskápi og borði og annars vanliga apteringin, sum ein slíkur alibátur hevur. Stjórin í KJ vísir á, at alingin kemur longur og longur út á firðir og sund, og samstundis gerast bæði aliringar, nótir og akker størri og tyngri. - Um menningin í alivinnuni heldur fram sum higartil, og alt fer at ganga, soleiðis sum vit ynskja og vóna, at tað fer, er eisini hugsandi, at vit koma at byggja fleiri størri alibátar, sum tíðin gongur, sigur hann. Fuglar á takinum Sáttmálin, sum KJ hevur við Bakkafrost um størstu tvíkiljuna nakrantíð, er eisini hin seinasti, sum fyritøkan á Kambsdali hevur í løtuni. Stjórin sigur, at tað eru fuglar á takinum, sum hann tekur til, men enn er ov tíðliga at siga nakað ítøkiligt um, hvat er fyri stavn. - Nú vit bygdu koyggjur í seinasta alibátin til Skotlands, er hetta eisini ein spennandi gongd. Kjalirnir á bátunum eru stórir, og her er væl av plássi – eisini til koyggjur ella arbeiðsrúm, um tað skal vera. Ólavur Asafsson Olsen vísir á, at kjalirnir eru út við tríggjar metrar – ella 2,80 metrar – í tvørmát. - Maskinrúm er í aftasta triðingi í hvørjum kjøli, og hjálpimotorar eru í bakborðskjøli, beint frammanfyri høvuðsmotorin. Hetta merkir, at rættiliga nógv pláss er til avlops í stýriborðskjøli, sum kann brúkast til arbeiðsrúm ella koyggjur. Stjórin sigur, at orsøkin til, at hin nýggjasti skotski alibáturin vildi hava koyggjur í stýriborðskjøli er, at teir ofta arbeiða úti á oyggjum og støðum, har fasilitetirnir í landi kanska ikki eru so góðir. - Tí kunnu alararnir, sum røkja sítt starv við hesum bátum, sova og búgva umborð, tá arbeiðsdagurin er lokin, sigur Ólavur Asafsson Olsen. Níggju bátar til Luna Tíðliga í august í fjør fekk alifyritøkan Luna tvíkiljuna, Ritunøvu, sum var nýbygningur nummar 50 hjá KJ og hin níggjunda í røðini, sum fyritøkan á Kambsdali hevur bygt til alifyritøkuna, ið hevur stóran part av sínum virksemi í Vágum. Ritunøva er 15,5 metrar long og sjey metrar breið. Hon hevur tveir høvuðsmotorar á 425 HK hvør og ein 100 KVA ljósmotor. Av deksútgerð hevur alibáturin eitt nú ein Palfinger 50 TM (tons/metur) krana, eitt 10 tons deksspæl, ein kapstan á seks tons og tríggjar á eitt tons. Tvíkiljan hevur eitt nú messu, wc, arbeiðs-og klædnarúm og er annars útgjørd við allari vanligar nautiskari útgerð. Stjórin í KJ sigur, at Ritunøva varð bygd í tøttum samstarvi millum KJ og Luna, og her varð serligur dentur lagdur á gott arbeiðsumhvørvi. - Ritunøva skuldi vera góð og trygg at arbeiða við í øllum líkindum, og nógv varð eisini gjørt fyri at fáa ljóðviðurskiftini umborð so góð sum til ber, sigur Ólavur Asafsson Olsen, stjóri í KJ. KJ Hydraulik P/f (allar upphæddir í 1.000) 2018 2017 2016 2015 2014 2013 2012 2011 2010 2009 Bruttovinningur 54,704 60,442 54,805 50,146 41,572 38,325 31,919 30,433 23,320 20,636 Starvsfólkakostnaður 44,543 45,115 38,151 35,471 31,625 26,317 22,578 21,497 19,628 19,111 Annar rakstrarkostnaður 0 0 0 0 0 0 0 0 0 0 EBITDA 10,161 15,327 16,654 14,675 9,947 12,008 - - - - Avskrivingar 2,870 3,174 2,793 2,115 1,772 1,273 1,469 1,551 1,806 1,286 Úrslit áðrenn rentur 7,291 12,153 13,861 12,560 8,175 10,735 7,872 7,385 1,886 239 Úrslit av kapitalpørtum 222 358 -120 483 387 179 - - - - Fíggjarligar inntøkur 763 266 781 225 42 514 130 95 223 84 Fíggjarligar útreiðslur 1,522 1,834 1,354 1,606 1,457 1,523 2,399 2,468 2,709 2,779 Úrslit áðrenn óvanligir postar 6,754 10,943 13,168 11,662 7,147 9,905 5,603 5,012 -600 -2,456 Óvanligir postar 0 0 0 0 0 0 0 0 0 0 Úrslit áðrenn skatt 6,754 10,943 13,168 11,662 7,147 9,905 5,603 5,012 -600 -2,456 Skattur 1,213 1,971 2,459 1,989 1,394 1,764 1,048 1,181 28 -442 Ársúrslit 5,541 8,972 10,709 9,673 5,753 8,141 4,555 3,831 -628 -2,014 Úrslit uttan kapitalpartar 5,319 8,614 10,829 9,190 5,366 7,962 - - - - Ogn Støðisogn 40,775 29,520 21,865 29,013 20,841 20,743 15,175 14,986 16,176 15,723 Ogn í umferð 93,531 87,522 97,552 68,788 65,094 59,864 46,776 41,667 37,913 33,120 Ogn tilsamans 134,306 117,042 119,417 97,801 85,935 80,607 61,951 56,653 54,089 48,843 Eginpeningur 56,336 52,796 45,825 37,116 29,442 25,689 20,498 16,363 12,532 13,159 Skuld tilsamans 75,966 62,142 69,441 59,778 55,877 53,974 41,206 39,881 41,557 35,684 Skyldur tilsamans 134,306 117,042 119,417 97,801 85,935 80,607 61,951 56,653 54,089 48,843 Rentuberandi skuld 28,623 18,268 28,703 30,433 27,584 20,578 - - - - Tøkur peningur 3,955 1,491 656 1,243 841 8,185 840 292 1,127 635 Rentuberandi skuld/EBITDA 2.8 1.2 1.7 2.1 2.8 1.7 - - - - al á starvsfólki 105 105 95 90 80 75 58 58 28 55 Vinningsbýti 2,000 2,000 2,000 2,000 2,000 2,000 950 420 0 0 - Nýggjasta tvíkiljan, sum her liggur við bryggju í Fuglafirði, er ov stór til at taka inn í byggihøllina á Kambsdali, og hon er eisini ov tung til vegirnar í Fuglafirði, sigur stjórin í KJ, Ólavur Asafsson Olsen