týsdagur 3. desember 2019síða 6

Mikudagur 4. desember 2019 · Nr. 140 6 Sosialurin Hugskot og viðmerkingar – send sms til 225000 TÍÐINDI Frants Jensen Jógvan Ingvard Olsen, fyrrverandi løgtings­for­ maður, hevur nú fingið eitt skip uppkallað eftir sær. Tað er tó ikki vegna starvið sum løgtings­for­ maður, at hann er upp­ kallaður, men heldur vegna hansara virksemi í reiðarínum, har hann bæði hevur verið skipari og reiðari. – Tað eru í ár 50 ár síðani, at Jákup, Petur og pápi komu við sínum skipi, og tá vóru vit stolt, segði Anfinn Olsen í røðuni á Toftakai. Hann sipaði tá til fyrsta línuskipið Stapan, sum var bygdur í Vest­ manna. Anfinn Olsen nevndi eisini, at hann spurdi pápa sín, hvat navnið skuldi vera á nýggja skipinum. – Eg var ikki nøgdur við tað heitið, ið pápi kom við. Hann nevndi, at tað kundi eita Vektin, sum er eitt stað á vestarakanti á Tangafirði, sum vit sóu frá vindeyganum hjá okkum. Men tað helt eg ikki vera gott nokk. Vit hava tí tikið ta støðu, at skipið skal fáa navn eftir pápa og skal eita Jógvan I, segði Anfinn Olsen. Fyrsta línuskipið við flakalinju Við nýggja skipinum hev­ ur felagið trý línuskip. – Nú hava vit tann flot­an, ið skal til, fyri at útnýtta tann møguleikan, sum vit hava. Loyvini eru bæði undir Føroyum, á Føroya Banka, undir Ís­ landi og seinni árini á Flemish Cap og Eystur­ grøn­landi. Vit hava gott fólk, og teir fara heilt víst at gera sítt til, at vit fáa eitt gott úrslit, segði An­ finn Olsen. Jógvan I skal avloysa Sig­mund, ið er farið úr vinnu. Eitt annað skip hjá felagnum, Mascot, er seldur. Jógvan I er keyptur úr Ålesund í Norra fyri um­ leið 60 milliónir krónur. Skipið er bygt í 1998, og hevur higartil itið Atlan­tic. Skipið er 44,9 metr­ar langt og 10,5 metr­ar breitt. Høvuðs­ mot­or­urin og ljós­mot­ or­ar­nir eru Caterpillar og vórðu settir í skipið í 2018. Frystiútgerðin er frá 2012. Jógvan I er fyrsta Heri Henriksen hevur verið og siglt við skipinum í Norra fyri at royna tað. – Eg var við í 10 dagar í okto­ber fyri at venja meg við skipið. Ein maskinmaður frá okkum hevur eisini verið um­ borð nú í fimm vikur fyri at læra maskinuna at kenna. Nú havi eg verið við í nakrar dag­ ar aftur, og eg var eisini við at sigla skipið heim til Føroya, sigur Heri Henriksen. Og skiparin letur sera væl at skipinum. – Hetta er eitt ótrúliga gott skip, sum roynist væl í sjónum. Tá ið vit sigldu heim, fingu vit 20 metrar um sekundi inn á síðuna, og í mínum hugaheimi, visti eg nógv illa av tí. Eg mátti hyggja á telduskíggjan fyri at síggja, hvussu nógvur vindur var, sigur Heri Henriksen. Skipið sigldi við umleið 11 míla ferð heim til Føroya, men tá sigldi tað bara við 70 pro­sent orku. Manningin ikki sett enn Klassin hevur sett ymsar treyt­ir, áðrenn skipið kann fara í vinnu. Hetta vóna teir at fáa gjørt næstu 14 dagarnar. – 2. januar vóna vit at fara á Flemish Cap. Vit hava tó vón um at sleppa ein royndartúr fyri jól. Tað verður her við Før­oyar, sigur Heri Henriksen, sum seinastu trý árini verið skip­ari á Skøruni. Partur av manningini er settur. Ein føroyingur, ið sigldi við skipinum í Norra heldur fram. Restin av manningini verður sett í næstum. Ætlanin er bara at hava føroyingar við. – Vit fáa menn við, ið hava siglt í Norra og eru vanir við hetta lívið, sigur skiparin. Norsku eigararnir vóru við at sigla skipið til Føroya. Eitt av tí síðsta teir gjørdu, áðrenn teir fóru í land á Toftum, var at taka norska flaggið niður, og Heri Henriksen slapp at vinda Merkið í húnar hátt. FRYSTILÍNUSKIPIÐ UPP­ KALLAÐ EFTIR JÓGVANI INGVARD OLSEN Nýggja frystilíniskipið hjá P/f Eysturoy er uppkallað eftir pápa reiðaran og eigaran, Anfinn Olsen, og fekk navnið Jógvan I. Nógv fólk var til hátíðarhald á Toftum mánadagin at taka ímóti skipinum Sera gott skip – Hetta er eitt sera gott skip, sigur Heri Henriksen úr Klaksvík, sum verður skipari á Jógvan I. 16 mans vera við nýggja skipinum, og ætlanin er at hava tvær manningar Heri Henriksen, skipari á Jógvan I Mynd: Álvur Haraldsen Frystilínuskipið Jógvan I legði at á Toftum Mynd: Álvur Haraldsen