mánadagur 9. desember 2019síða 8

8 Sosialurin Hugskot og viðmerkingar – send sms til 225000 Mánadagur 9. desember · Nr. 142 Óarbeiðsførir fiskimenn, sum ætla sær at søkja um stuðul úr Hjálpargrunninum til jóla, hava freist fram til hósdagin hin 12. desember at fáa hetta frá hondini. Fleiri enn 300 forrita hesa vikuna - Higartil hava fleiri enn 300 næmingar úr níggju ymiskum skúlum teknað seg til tiltakið #Rita1tíma, siga tey í Vinnuhúsinum Vilmund Jacobsen Hetta er vikan, tá forritað verð­ur. Tað er altjóða tiltakið Hour of Code, sum KT-felagið hevur tikið til sín og føroyskað til #Rita1tíma. - Endamálið við tiltakinum er, at børn og ung fáa høvi at forrita í ein tíma á ein stutt­lig­ an og læruríkan hátt, vita tey í Vinnuhúsinum í dag at siga. Tað, sum er serligt í ár, er, at hetta fyrigongur á føroyskum. - Tað er blokkaspælið, sum KT-fel­agið hevur umsett. Blokka­ spøl eru ein røð av náms­frøði­ ligum spølum, ið læra ein at forrita. Tey eru ætlað børnum, sum ikki hava nakr­ar royndir innan forritan. Hvussu luttaka næmingarnir? Í Vinnuhúsinum verður víst á, at tað ber framvegis til at melda til við at fara inn á https://rita. fo/ og klikkja á "blokka­spælið". Blokkaspælið er býtt upp í átta ymisk evni, og í hvørjum evni eru fleiri upp­gávur. - Tað byrjar lætt og verður alt meira avbjóðandi. Eisini er ein yvirskipað vegleiðing til lærarar at finna á hourofcode. com/us/how-to. Í Vinnuhúsinum vísa tey á, at forritað verður millum 9.-13. desember 2019, og næming­ar­ nir, sum eru við, mugu hava atgongd til teldu ella teldil við internetsambandi. Kapping millum skúlaflokkar Í sambandi við #rita1tíma til­ takið skipar KT-felagið fyri kapp­ing millum allar luttak­ andi skúlaflokkar. Tað einasta, sum flokkurin skal gera fyri at lut­taka, siga tey í Vinnu­hús­in­ um, er at skráseta seg á www. rita.fo Vinningurin er ein túrur í biograf fyri allan flokkin, og ein­asta freist at forrita er fríggja­dagin 13. desember. - Lutakastið verður í Vinnu­ hús­inum mánadagin hin 16. des­ember, verður lagt aftrat. Jólasøla fer til gott endamál Vilmund Jacobsen Sunnudagin hin 15. des­ emb­er verður eitt hugna­ ligt jólatiltak á Strondum, rópt Jól á Sjóvarhøvda. Henda dagin verður opið á Sjóvarhøvda frá klokk­an 16 til 19. Her fara tey at selja ný­ bakaðar vaflur við róma og súltutoyi, rísalamande við kirsubersós, heitt kakao við róma, brendar mandl­ ur, kleynir og ym­iskt jóla­ pýði. Sagt verður av Strond­ um, at allir ágóði, sum kem­ur inn frá jóla­til­tak­in­ um á Sjóvarhøvda, fer til Alz­heimerfelagið. KLAKSVÍK: Skoytubreytin á Biskupstorgi er opin frá mánadegi til og við fríggjadag frá klokkan 12-21, leygardag frá 10-21 og sunnudag frá 14-21. Skoytubreytin kann eisini leigast gerandisdagar millum klokkan 10 og 12. Avtala við Russland Føroyar og Russland hava skrivað undir sínámillum fiskiveiðiavtalu fyri 2020 Vilmund Jacobsen Samráðingarnar vóru í Havn í døgunum, 5. og 6. desember og bert smávegis broytingar eru í avtaluni fyri 2020 í mun verandi avtalu. Føroysku botnfiskakvot­ ur­nar í russiskum sjógvi vera óbroyttar í 2020. Okkara toska­ kvota verður 15.690 tons, og hýsukvotan verður 1.569 tons. Kvotan av flatfiski verð­ ur 900 tons. - Samráðingarnar vóru merkt­ar av einum ynski frá Russ­landi um, at føroyska rækjukvotan í russiskum sjógvi skal lækka munandi. Fiski­ skap­urin eftir rækjum í Bar­ ents­havinum er vaksin sein­ astu árini, og alsamt fleiri skip undir russiskum flaggi eru virkin í hesum fiskiskapi. Úrslitið er, siga tey í Fiski­ mála­ráðnum, at kvotan av rækjum til føroysk skip fyri 2020 verður 4.500 tons, sum er ein lækking á 500 tons í mun til 2019. Russiska kvotan av svart­ kjafti í føroyskum sjógvi verð­ur 82.000 tons í 2020. Tal­ an er um eina øking á 1.000 tons í mun til 2019. - Aðrar kvotur til russisk skip í føroyskum sjógvi vera óbroyttar í mun til 2019, verð­ ur lagt aftrat. Tað vóru samráðing­arleið­ ar­arnir, Andras Kristiansen og Sergey V. Simakov, sum skriv­aðu undir avtaluna mill­ um Føroyar og Russland.