hósdagur 12. desember 2019síða 15

FRÍGGJADAGUR 13. DESEMBER 2019 SOSIALURIN 144 15 part­ur av game'inum. Tað vita vit av. Tað er bara umráðandi, at vit hava gjørt upp við okkum sjálvi, at soleiðis er tað, og vit kunnu ikki pakka saman. Tað eru vit ella eing­in. Tað skal nógv til, áðrenn skotið verður Tað skal heilt nógv til, áðrenn eitt løgreglufólk kann trekkja pistól­ina og skjóta, sigur Absalon Áargarð. Danska politilógin er ikki galdandi í Føroyum, men skjóti­reglugerðin hjá løgregluni í Før­oyum, sum lýsir umstøðurnar, har pistólin kann trekkjast, er sera lík tí, ið verður lýst í politilógini. Í reglugerðini stendur millum annað, at skotvápn kunnu einans nýtast til at "afværge et påbegyndt eller overhængende" álop á fólk ella týðandi samfelagsstovnar. Absalon Áargarð vísir til orðingina í reglugerðini og ger greitt, at har eru serlig krøv, ið skulu vera upp­ fylt, áðrenn pistólin kann nýtast. - Tað eru tvey ting í reglugerðini, ið eru umráðandi at leggja til merk­is. Tað er ikki so, at okkurt kann henda um eina løtu. Tað skal vera okkurt, sum hendir beint nú, tá tú stendur í støðuni. Hitt er, at tal­an skal vera um eitt vandamikið álop. Tað er komið fyri, at føroysk løg­reglufólk hava staðið í teirri støðuni, at skjótireglementið er upp­fylt. - Eingil vil brúka eitt skotvápn móti onkrum øðrum, uttan at tað er absolutt neyðugt. Tað vil eingin, heldur ikki politistar. So tá tað einaferð verður valt at skjóta, so er tað ikki bara tí, at reglurnar eru uppfyltar - tær eru ordiliga upp­ fyltar. Venjingin er umráðandi Tað er heilt sjáldsamt, at løg­reglu­ fólk verða noydd at nýta pistól í Før­oyum, og tí er venjingin tað, ið løgreglufólk hava at fyrihalda seg til. Venjingin er góð, tí at hon fyri­ byrgir, at løgreglufólk taka skeiv­ar avgerðir, tá tey eru í einari kroyst­ ari støðu, sigur Absalon Áargarð. - Øll løgreglufólk fáa ta frá­ læru og skjótivenjing hvørt ár, sum er galdandi fyri øll løg­reglu­ fólk. Haraftrat eru nøkur, ið fáa eykaundirvísing í at brúka skot­ vápn, fáa oftari venjingar og aðrar taktiskar venjingar. Skjótivenjing er bara ein partur av venjingini. Hvussu flytir tú á einum tílíkum staði, hvussu arbeiða fólk, tá fleiri arbeiða saman, hvør hevur hvørja upp­gávu og so framvegis. Absalon Áargarð vísir á, at sum løgreglufólk vónar tú, at tú ongantíð fært brúk fyri venj­ ing­ini. - Tá tørvur hinvegin er á henni, so er gott, at venjingin situr í merg­inum. Skeivt inntrykk av miðlaumrøðu Absalon Áargarð vil ikki leggja aftr­at málinum sjálvum, nú kann­ ing­ararbeiðið er farið í gongd. Men umboðandi starvsfólk hjá løg­regluni vil hann gera vart við, at fleiri løgreglufólk sita eftir við kensl­uni, at tann boðskapurin, sum fyrst varð miðlaður út, var, at ein løgreglumaður fekk eitt lítið prus, og síðani varð valt at svara aftur við einum skotriðili móti mann­inum, ið skjeyt. - Tað, sum hevur verið sagt, er, at ein løgreglumaður fekk ein lítlan skaða í kjálkan. So sita fólk kanska og halda, at tað, sum hevur verið brúkt móti løgreglu­mann­ inum, hevur verið eitt pinkalítið vápn, ein luftbyrsa ella líknandi. Tað er ikki tilfeldið, sigur Absalon Áargarð. Vísandi til, at tað kom undan kavi til grundlógaravhoyrið týs­ dagin, at løgreglumaðurin hevði fingið tvey høgl í andlitið, men í minsta lagið 30 høgl høvdu rakt hjálmin, sigur Absalon Áargarð, at talan var altso um álvara. - Orsøkin til, at løgreglumaðurin fær eitt prus, er ikki, at hesin persónurin ikki hevur gjørt tað nóg álvarsamt. Tað er, tí at út­ gerð­in - hjálmar og onnur útgerð - hevur vart teir so væl. Støðan kundi verið nógv verri, um hatta rakti aðrastaðni. - Skjótireglementið er ikki bara uppfylt, tað er væl og virðiliga uppfylt, sigur Absalon Áargarð. Tí fór løgreglan at bera skotvápn STEINAR PATURSSON Í dag halda vit tað kanska vera sjálvsagt, at hvørt løg­reglufólk gongur við pistól. Tað hevur ikki altíð verið so, men tað ber ikki til at siga, júst nær pistólin er vorðin fastur partur av løg­ reglu­búnanum. Steen Nørskov, chef­ pol­iti­inspektørur, vísir á, at Hjartvard E. Skálagarð skrivar í Politi í Føroyum fyrr og nú, at løgreglan í Føroyum hevur altíð havt atgongd til skotvápn. Danska løgreglan hevur eisini altíð havt atgongd til skotvápn, men tað er ikki fyrr enn í 1965, at danska løgreglan fór at ganga við tænastupistól sum fastur partur av løg­reglu­ út­búnaðinum. Orsøkin handan broytingina er at finna náttina millum 17. og 18. september í 1965 í Keyp­ mannahavn. Palle Sørensen og ein vin­ maður hansara høvdu framt eina røð av innbrotum, og ein løg­reglubilur steðgar teimum í stolnum bili á Amager Strand­vej. Palle Sørensen hevði eina pistól í bilinum, sum hann brúkti móti báðum løg­reglumonnunum og drap báðar. Vinmaðurin stakk av, men Palle Sørensen koyrdi víðari inn móti býnum, har hann enn einaferð varð steðgaður av einum løgreglubili, hesa­ ferð á Vermlandsgade. Eins og á Amager Strandvej skjeyt Palle Sørensen báðar løg­reglu­ menn­inar. Palle Sørensen hevði til­sam­ ans skotið 15 skot hesa náttina, og 12 teirra høvdu rakt teir fýra løgreglumenninar. Eftir hetta gjørdist krav, at løgreglufólk skuldu hava pistól uppi á sær, hvørja fer tey fóru út á patrulju. Tað er tó nógv, ið bendir á, at kravið um pistól hevur ikki verið fylgt heilt og fult. Jón Klein Olsen, vara­politi­in­spekt­ ørur, held­ur, at tað var einaferð fyrst í 80'unum, at løgreglan í Før­oyum hevði sum fastan tátt at krøkja pistólina í beltið, áðrenn farið varð útum. Hetta elvdi til bæði øsing og kjak í Føroyum, men hetta hevði hóast alt verið krav í konga­ríkinum í nógv ár. Tað var bert eitt úrslit av áhaldandi áminningum frá ríkis­politichefinum um at stramma upp, at pistólin at enda hevði sítt fasta pláss við mjadnarnar heldur enn í við­ føris­rúminum í løgreglu­bil­in­ um ella í skápinum á løg­reglu­ støðini. Saman við pistólini eru eisini piparspray, løgreglustavur og hondjørn fastur partur av løg­ reglubúnanum. tað er alneyðugt Absalon Áargarð, formaður í Føroya Polistafelag Tað absolutt ulti­mativa er so hent nú, har vit máttu skjóta eftir fólki