hósdagur 19. desember 2019síða 17

FRÍGGJADAGUR 20. DESEMBER 2019 SOSIALURIN 147 17 Rani í tí púra óvanligu støðu, at fimm av heimsins størstu plátu­ feløg­um bjóðaðu honum plátu­ sátt­mála, hóast hann ongan sang hevur útgivið. Valið fall á Atlantic Records í USA, tí tey vóru mest engagerað og góvu besta tilboðið. Atlantic Records er plátufelagið hjá eitt nú Bruno Mars, Ed Sheeran og Cardi B. Hart arbeiði Nógvir sangarar fáa plátu­sátt­ mála, men tað merkir ikki, at veruliga gjøgnumbrotið sum tónleikari er tryggjað. Nógv ar­beiðið er eftir at gera, og tað arbeiðið skal Rani nú í holtur við nú. Í januar mánaði flytur hann til Los Angeles at búgva, og har skal hann í gongd við at skriva sang­ir og gera innspælingar til út­gávuna, sum vónandi kemur út næsta ár. – Eg havi arbeitt hart fyri at koma hertil, og tað kennist sum ein lætti at fáa slíkan plátu­sáttmála. Eg eri tó eisini greiður yvir, at hetta er fyrsta stóra stigið hjá mær, og at tað er langur vegur fyri framman. Nú kann eg liva av at spæla tón­ leik, og nú fái eg møguleikan at arbeiða meira miðvíst saman við dugnaligum framleiðarum, sigur Rani Petersen. Hann fær eisini møguleikan at hava stóra ávirkan á sítt kon­sept. Plátufelagið sigur seg hava gjørt avtalu við Rana, tí teimum dámar hansara konsept og hugskot, og tí verður tað ikki so­leiðis, at plátufelagið skal broyta alt og fáa han at passa inn í teirra konsept. Plátufelagið stuðlar tí konsepti, sum Rani hevur bygt upp seinastu árini. Sera miðvísur Ein av teimum, sum hevur stuðlað og arbeitt saman við Rana Petersen øll hesi árini, er Cecilia Jacobsen, og hon er imponerað av miðvísa arbeið­ num hjá Rana. – Rani er ótrúliga miðvísur og arbeiðssamur. Hann hevur ikki bara eitt talent at gera tónleik og at syngja, hann hevur eisini nakað, sum dregur fólk at sær. Rani hevur offrað nógv fyri tón­leikin, men skalt tú koma so langt, skalt tú hava nakað serligt yvir tær, sigur Cecilia. – Tá ið Rani fyri fimm árum síðani byrjaði at gera tónleik og video, var hann sera tilvitaður um at betra seg allatíðina. Hann vildi hava kritikk, sum hann kundi brúka til at menna seg. Tað hevur uttan iva verið hart hjá honum at hoyra, at okkurt ikki er nóg gott, men hann stremb­ar altíð eftir at verða betri og betri, og tað hevur ført hann allan hendan vegin. Nú fyrsta stóra frambrotið er gjørt við plátusáttmála í USA, kann Rani fegnast, men á leiðini hevur hann eisini upp­ livað ivasemi og neiligar við­ merk­ingar. – Tá ið tú gert nakað, sum er øðrvísi, skilja fólk ikki altíð, hvat tað er, og tey hugsa sítt. Nógv veður mett at vera láturligt, til tað lukkast. Men Rani dugir at venda øllum til nakað, sum kann brúkast, og hann dugir sera væl at halda fokus og arbeiða mið­ víst, sigur Cecilia Jacobsen. Fyrst í nýggja árinum pakkar Rani Petersen kuffertið og flytur til USA at búgva. Nú byrjar eitt nýtt tíðarskeið í hansara lívi, og komandi árið fer alt at snúgva seg um at skriva sangir, at fram­ leiða tónleik og at vinna longur fram á tónleikaleiðini. Stóri dagurin, tá ið Rani Petersen skrivaði undir sáttmála við Atlantic Records í New York – Nú kann eg liva av at spæla tónleik, og nú fái eg møguleikan at arbeiða meira miðvíst saman við dugnaligum framleiðarum, sigur Rani Petersen