hósdagur 19. desember 2019síða 24

FRÍGGJADAGUR 20. DESEMBER 2019 SOSIALURIN 147 24 Samgongan fær sínar broytingar ígjøgnum Lógin um fyrisiting av sjófeingi verður broytt munandi, tá ið hon verður endaliga samtykt leygardagin ÁRNI GREGERSEN S itandi samgonga boðaði frá tí undan valinum, at hom fór at gera stórar broytingar í lógini um fyrisiting av sjófeingi. Tað er eisini tað, sum hendir í hesum døgum, nú tingið viðgerð, hvør skal hava atgongd til fiska­ tilfeingið, sum Føroyar eiga. Jacob Vestergaard, landsstýris­ maður við fiskivinnumálum, legði eitt uppskot fram um, hvussu lóg­ in skal broytast. Beinagrindin í broytingunum er, at nú verður ongin uppboðssøla av fiskirættindum og at loyvini, sum eftir gomlu lógini vóru átta ára loyvi, nú verða sett til 12 ára loyvir. Samgongan sigur, at hetta verð­ur gjørt fyri at geva vinnuni tryggar karmar, meðan andstøðan sigur, at hetta í veruleikanum er at geva privatum ognarrætt til fiski­ ríkidømi, Uppboðssølan At ongin uppboðssøla verður aft­ur, hevur við sær, at tey sum hava keypt trý og átta ára loyvir, fáa hesi loyvir gjørd um til 12 ára loyv­ir. Hetta rakar sjálvandi í vinnuni, tí at summi hava keypt hesi loyvir – serliga tey, sum frammanundan hildu at tey høvdu ov lítið at fiska – og fáa tey nú sum 12 ára loyvir. Onnur sum ikki vistu at hetta fór at henda og ikki keyptu, sita nú eftir við ongum og fáa so heldur ikki keypt og tryggja sær langar kvotur. Tað ger, at eitt sindur av ósemju er í fiskivinnuni, tí summi fáa stórar fyrimunir av umleggingini, meðan onnur sita eftir við ongum. Útlendskur ogarpartur Ein spurningur, sum hevur fingið stóra tíð í kjakinum er, um útlendingar framvegis skulu sleppa at eiga part í føroysku fiski­ vinn­uni. Galdandi lóg um fyrisiting av sjófeingi sigur, at útlendingar, sum eiga part í føroysku fiskivinnuni skulu fara úr vinnuni í seinast lagi um fimm ár. Hetta verður broytt, so teir út­lendingar sum eru í føroysku fiskivinnuni, sleppa at halda fram, men teir sleppa ikki at økja um virk­semi. Hetta er eitt broytingaruppskot, sum samgongan væntandi kemur við á tingfundi leygardagin, tá ið uppskotið fær 3. viðgerð. Men í álitinum frá samgongu umboðunum í vinnunevndini stendur: - Samgongan leggur dent á, at ræðisrætturin á fiskivinnuni til eina og hvørja tíð verður á før­oyskum hondum. Mikið kjak hev­ur verið um útlendskan ogn­ ar­skap, men við nýggju lógini um sjófeingi slær samgongan fast, at fiskurin í sjónum er ogn Før­oya fólks. Verandi útlendskur ogn­ ar­skapur verður óbroyttur, og nýggir aktørar kunnu í mesta lagi eiga 25 prosent Men sum sagt, so verður helst eitt broytingaruppskot um júst hetta lagt fram millum 2.og 3. viðgerð. Skatting Í galdandi lóg er tað soleiðis, at regl­urnar sig, at tað ikki ber til at selja loyvir millum vinnurekandi privat. Skulu loyvini avhendast, so skulu tey latast landinum aftur, men í uppskotinum, sum verður samtykt í morgin, stendur, at vinnu­rekandi kunnu handla rætt­ ind­ini sínamillum og avhenda loyv­ir endaliga. Hetta er broytt, soleiðis, at tað skulu gerast serliga skattareglur fyri hesi viðurskifti. Tað krevur broytingar í skatttareglunum og tað er ikki stundir at gera tað beint nú. Tí stendur nú, at tað ber ikki til at avhenda loyvir endaligt fyrr enn skattalógin er broytt. Eitt annað, sum er broytt er, at anti trust reglurnar eru broyttar. Tær eru broyttar fyri einstøku fiskasløgini, so einasta reiðarí, sum nú verður rakt av antitrust reglunum, er Varðin í Gøtu. Hetta er skrivað áðrenn broyt­ ing­arnar eru endaligar og áðrenn tær eru samtyktar í løgtinginum. Høgni Hoydal er formaður í Tjóðveldi. Jacob Vestergaard, landsstýrismaður við fiskivinnumálum, hevur lagt uppskotið fram um at gera broytingar í lógini um sjófeingi. Alt bendir á, at tingið skal saman leygardagin at avgreiða lógina um sjófeingi og uppskotið til samtyktar um Hoyvíks-sáttmálan. POLITIKKUR