mánadagur 6. januar 2020síða 14

Mánadagur 6. januar 2020 · Nr. 2 14 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Camp Nou, Barcelona Brádliga síggjast fleiri tíggju­ túsund skelti, sum annars blivu skrætt okkum av hond­ um á veg inn á leikvøllin. Her­ rópini hegla oman á vøllin og katalansk fløgg eru á lofti. Politiska støðan í Katalonia er so spent, at dysturin er longu útsettur einaferð. Boð­skap­ur­ in er, at Spaina skal lata polit­ isku fangarnar leysar og virða rættin hjá katalanska fólki­ num. Tað eru bara 17 minuttir far­ nir av El Clasico, men tað er longu greitt at hetta er meiri enn ein fótbóltsdystur. “El Clasico” “El Clasico” er uppgerðin mill­ um FC Barcelona og Real Mad­ rid, og verður mangan rópt sum tann størsta uppgerðin, ið fótbólturin eigur. Real Madrid er kongafelagið úr høvðus­ staðnum, ið heilar 13 ferðir er kosið til besta liðið í Evropa. Teir hvítu umboðað eitt samlað Spania, har Madrid er stóri býurin við politiska- og her­ naðar­liga valdinum. Avbjóðarin er FC Barcelona úr katalanska landspartinum fyri eystan. Ein landspartur, ið ikki vil leggja seg undir spanska kongahúsið, eftir at eina­ræðisharrin Francisco Franco ráddi fyri borgum frá 1939 til 1975. FC Barcelona er ímyndin av politiskum frælsi fyri katalanar. Glæsiligi leikvøllurin, Camp Nou, var einasta staðið, har katalanar kundu tosa kata­ lanskt og flagga við kata­ lanskum fløggum, og við tíðini er tekniski fótbólturin blivin víðagitin. Reyðu og bláu strípurnar hava verið ein ímynd av nýmótans fótbólti, síðani Johan Cruyff skifti frá Ajax í 1973. “El Clasico” útsett Upprunaliga skuldi uppgerðin millum arvafíggindarnar í sponsku landskappingini verða spældur 26. oktobur, men tað er so nógvur politiskur ófriður, at dysturin verður útsettur til 18. desembur. Níggju leiðandi limir frá loysingarrørsluni, sum skipaðu fyri fólkaatkvøðuni í Katalonia í oktobur 2017, fáa harðar revs­ ingar. Tað øsir fólkið í Kata­ lonia. Ófriður er í gøtunum hesar dagarnar. 80 fólk koma til skaða og 33 verða handdtikin í sambandi við ófriðin. Spanska fót­bóltssambandið velur av trygdarávum at útseta dystin. Tað er aftur boðað frá mótmælistiltøkum til dystin 18. desembur, men katalanska frælsisrørslan, Democratic Tsunami, boðar frá at ætlanin er ikki at órógva sjálvan dystin. Messi í París Tað vísur seg at besti møgu­ leikin at ferðast til Barcelona á hesum sinni er umvegis París. Á flogvøllinum ber til at keypa franska tíðarritið, France Foot­ ball, sum skipar fyri Ballon d’Or atkvøðugreiðsluni. Sosial­ur­in hevur atkvøðurætt til Ballon d’Or og tað sæst aftur í blað­num. Á forsíðuni er Lionel Messi, sum júst hevur vunnið gull­ bóltin fyri sættu ferð. Eina ferð fleiri enn Cristiano Ronaldo, sum í fleir ár var hansara størsti kappingarneyti, meðan hann spældi í Real Madrid. Sosialurin a t k v ø d d i eisini fyri Lionel Messi hesa ferð, men tað var í harðari kapping við mið­verjan hjá Liverpool, Virgil van Dijk. Síðani kom Cristiano Ronaldo á triðja plássi. 1.700 krónur fyri gylta atgongumerkið Sermerkt við Barcelona er at tað er ein býur, sum sveimar millum ta siðbundna og lokala, og so pengamaskinuna, sum ferðavinnan hevur gjørt býin til. Tað verður gjørt nógv burtur­ úr ferðavinnuni og tað merkist eisini á stóra fót­ bólts­felagnum í býnum. Í mun til eitt nú teir stóru dyst­ir­nar í Premier League, so er lut­ falsliga lætt at fáa at­gongu­ merki til El Clasico, men prís­ urin stendur ikki heilt í mát við prísstøðið í Spania. Til júst hendan dystin kostar eitt atgongumerki á triðju rekkju handan annað málið góðar 1.700 krónur. Hinvegin, so er eisini bíligari atgongumerki og heimasíðan hjá FC Barcelona er greið og løtt finna runt á. Tú fær eina teldugjørda mynd, sum vit kenna frá G o o g l e view, av tínum sitiplássum og hvørji pláss eru tøk. Endamálið við júst hesum atgongumerkinum er, at tað er tætt upp á sjálvan vøllin. Tað er eisini sermerkt, at dysturin ikki er útseldur á dystardegnum. Á høvðus­ gongu­gøtuni, sum eitur La Rambla, standa tvey fólk við einum skelti, har tað stend­ur at nú eru bara heilt fá atgongu­merki eftir. Camp Nou tekur næstan hundrað túsund áskoðarar, og tað er sjáldan at tað er fullsett. Tað merkist heldur ikki á sama hátt, sum í eitt nú Liverpool, at stórdystur er hetta kvøldið. Gamaní gongur onkur í FC Barcelona troyggju, men tað er einki at síggja til politiskan ófrið ella “El Clasico” á høvðusgongugøtuni. Tó eru fleiri katalansk fløgg at síggja í vindeygunum og á altanunum á fleiri av síðu­ Dysturin millum FC Barcelona og Real Madrid er meiri enn bara ein fótbóltsdystur. Tað er sjón fyri søgn, tá Sosialurin var til “El Clasico” uppgerðina. Dramatikkurin var uttanfyri vøllin, har politisk ónøgd elvdi til mótmæli Ferðafrásøgn: EL CLASICO EL CLASICO – MEIRI ENN EIN – MEIRI ENN EIN FÓTBÓLTSDYSTUR FÓTBÓLTSDYSTUR