mánadagur 6. januar 2020síða 20

Mánadagur 6. januar 2020 · Nr. 2 20 Sosialurin Hugskot og viðmerkingar – send sms til 225000 Sjúrður Hildarson Hoydal SMS-DEILDIN: Málverji: Maja Dragoljubovic – Neistin Har er ovurstór kapping um plássið sum málmaður á hesum liði. Øll liðini í deildini tykjast meira enn nøgd við sínar málverjar – ikki minst tey fýra fremstu liðini. Lættliga kundu Jovana Stranjanac, Fríða Petersen ella Annika Fríðheim Petersen verið valdar her, men tað gjørdist Maja Dragolju­ bovic. Royndirnar hjá Maju hava gagnað Neistanum væl aft­ur í ár, og ørgrynnan av stór­ bjarg­ingum hevur givið liðnum rógv at byggja eina sterka verju upp frammanfyri málverjan. Vinstri vongur: Turið Arge Samuelsen - Kyndil Tað lætta valið til hesi lið sein­ astu árini hevur verið Turið Arge Samuelsen. Kortini verður fasti vinstri vongurin á ársins liði seinastu árini neyvan á lista­num, tá ið kappingarárið er liðugt, tí hon er við við barn, og spælir í fyrsta lagi aftur næsta kappingarár. Hon var millum annað toppskjútti í SMS-deildini, tá ið hon takkaði fyri seg í ár. Vinstri bakkur: Marita Mortensen – H71 Toppskjúttin í SMS-deildini er í løtuni ársins sjørnuskot frá sein­asta kappingarári, Marita Mortensen. Marita byrjaði kappingarárið við at skora seks mál í sigri á Neistanum, og so heili 13 mál í sigri á VÍF. 18 ára gamli leikarin er longu vorðin sera von við at hava mansverju á sær í longum løtum av dyst­ unum, og lykilin hjá H71 í álopinum er aloftast at fáa Maritu Mortensen í skotstøðu av vinstra bakki. Miðja: Súna Krossteig Hansen – Kyndil Tá ið Sosialurin spurdi lands­ liðs­venj­aran hjá Rumenia hvat hann helt um føroyska liðið, var hann skjótur at svara: -“Numm­ ar fimm, Hansen, er góð”. 19 ára gamla Súna Krossteig Hansen hevur eisini verið sera góð í SMS-deildini aftur í ár, har gjøgnum­brotini eru í serflokki og stundum tykjast ógjørlig at verja seg ímóti. Hon verður mansvard oftari og oftari. Sterkt í minninum stendur sein­asti sigurin á VÍF, har hon var mansvard frá fyrsta til seinasta bríksl. Eftir eitt kort­er hevði hon havt bóltin í hondunum tvær ferðir eftir fríkast, og báðar ferðir fintaði hon seg leysa og skoraði – og end­aði dystin við tíggju málum eftir nógv brotskøst. Høgri bakkur: Durita Christophersen Jojic – VÍF Durita C. Jojic var darvað av skaðum fyrstu dystirnar av kappingarárinum, og tað var eisini freistandi hjá Ítrottar­ sosiali­num at fáa pláss til høgra­hentar leikarar sum Haruku Gima ella Ingunna Pers­son á høgra bakki. Men tað kundi kortini ikki koma upp á tal. Tá ið Durita er frísk – sum hon tykist at vera nú – er hon rætt og slætt tann leik­arin, sum øll hini liðini kundu ynskt sær at havt á høgra bakki. Har eru tíverri ov fáir lámir skjúttar í føroyskum kvinnu­ hondbólti, og landsliðið kann fegnast um, at vinstri arm­ urin á Duritu eisini er farin at lyfta hana longur og longur upp á toppskjúttalistanum, har hon hoyrir heima. VÍF hevur fingið nýggjan venjara í jóla­steðginum, og tað verður spenn­andi at síggja hvussu hetta fer at gagna roynda bakki­num. Høgri vongur: Ásleyg Súnadóttir - Kyndil Tað eru ikki bara lámir skjútt­ar, sum vanta í Føroyum. Sein­ast vit settu ársins lið í Ítrottar­ sosialinum var avgjørt at bara umhugsa lámar høgru veingir, men hesaferð hava vit valt eina høgru hond. Og tað er uppi­ borið. Ásleyg Súnadóttir heldur í Kyndli tríggjar lámar veing­ir á bonkinum vegna sína stóru lopsstyrki, sum ger, at hon altíð kann fáa eitt líkinda skot – hóast hon loypur úr skeiv­ ari síðu. Ásleyg er eisini tann høgri vongurin, sum hevur skotið flest mál í SMS-deild­ ini higartil, og er helst sterk­ asta skjótálopsvápnið, nú tá ið Turið Arge Samuelsen ikki er við longur. Hevði verið áhuga­ vert at sæð um Ásleyg kundi tikið yvir á vinstra vongi, ella um hon hevur vant seg ov nógv við at loypa inn úr høgru. Strika: Durita Toftum Joensen – H71 Vit síggja alsamt fleiri stór talentir á strikunum í før­oysk­ um kvinnuhondbólti. Síðani H71 meldaði seg inn millum tey fýra fremstu í fjør, hevur serliga Durita Toftum Joensen verið eyð­sýnd á liðnum. Samstarvið við Mariu Halsdóttir Weyhe á H71-miðjuni er í serflokki, og tær báðar tykjast at finna hvørja aðra, um so ljósið í høll­ini var sløkt. H71 hevur eisini bygt álopið nógv upp um strikuleikaran við tryggu hond­unum, sum aloftast bindir minst tveir leikarar til sín. Tá skulu bakkarnir bert taka av eyka plássinum. OKKARADEILDIN Málverji: Nicholas Satchwell – Neistin Tað er sjáldan, at ársins leikari er ein málverji. Men skuldu vit valt beint nú um ársins leikara yvirhøvur, kundi tað væl hent seg at valið fall á Nicholas Satch­well. Síðani hann kom til Før­oya, hevur hann avgjørt ein dyst fyri og ein eftir, og í ár spælir hann kanska sín besta hond­bólt nakrantíð. Avrikini hjá Neistanum hava verið nak­ að óstøðug, men líka mikið hvussu stórar trupulleikar liðið kemur sær í, vita liðfelagarnir, at Nicholas fer at geva teimum møgu­leikan at vinna dystin. Øll liðini í mansdeildini hava framúr málverjar í ár, og hóast ovurstóru avrikini hjá HONDBÓLTUR Tveir triðingar av grundspælinum í landskappingunum eru farnir afturum, og Ítrottarsosialurin setur ársins lið fyri kappingarárið higartil ÁRSINS LIÐ ÁRSINS LIÐ HIGARTIL HIGARTIL Súna Krossteig Hansen er stóri leikarin í Kyndilsálopinum