týsdagur 7. januar 2020síða 7

7 Sosialurin Hugskot og viðmerkingar – send sms til 225000 Mikudagur 7. januar 2020 · Nr. 3 TÍÐINDI Frants Jensen IRF og Tórshavnar kom­ muna eru í samráðingum um at byggja eina felags brennistøð. Ætlanin er, at hon skal staðsetast á Hjalla í Havn, og sostatt kann hon vera grundarlag undir útbyggingini av fjarhitaskipanina í Havn­ ini. Men semja er ikki í býráðnum í Havn, um Kommunala Brennistøðin skal leggja saman við IRF, ella um tað skulu vera tvær ymisk­ar brennistøðir í landi­num. Nakrir bý­ráðs­ limir hava sagt seg ikki taka undir við ætlanini, og teir ynskja ístaðin, at Havnin eisini í framtíðini skal hava sína egnu brenni­støð. – Eg haldi ikki, at vit skulu gera dupultar íløg­ur, tá ið tað ikki er neyðugt. Um Havnin skal gera sína egnu brennistøð, fer tað at kosta skattgjaldaranum í Havn hálva milliard. Eg haldi, at tað er skeivt at skuldarbinda okkum fyri hálva milliard. Hetta er ein so stór íløga, at pláss verður ikki fyri so nógvum øðrum íløgum, sum vit eisini kundu ynskt vórðu framdar, sigur Annika Olsen. Skulu hava ávirkan Borgarstjórin er jalig til ætlanirnar um eina brenni­støð, men tó ikki fyri einhvønn prís. – Vit hava gott sam­ starv við IRF, og her­fyri samdust vit um felags tyrvingarøki í Kví­víks­ haganum. Um vit skulu leggja saman, hevur tað nógv at siga, hvussu nevndin verður saman­ sett, og hvørja ávirkan vit fáa, sigur Annika Olsen. Fyri Havnar kommunu heldur hon, at tað er týðandi at tryggja, at tænastustøði verður minst eins gott sum tað er í dag, og at Havnar kom­ muna eisini fær neyðugu ávirkanina. Ein av stóru knútunum er júst, hvussu nógv umboð Tórshavnar kommuna skal hava í nevndini í mun til tær 28 kommunurnar í IRF. Uppskotið er at hava eina sjeymannanevnd, har verandi IRF-kommunur fáa seks umboð, meðan Tórshavnar kommuna fær eitt umboð. – Vit eru ikki komin á mál enn, og spurningurin um meirilutan er nakað, sum vit mugu fáa semju um. Vit mugu ansa eftir, hvat vit gera her. Skipan­in hjá SEV liggur í bakhøvdinum, og hon hevur ikki altíð verið so heppin fyri Tórshavnar kom­munu, sigur Annika Olsen. Sjey limir eru í nevnd­ ini í SEV. Vága, Streym­ oyar, Eysturoyar, Norð­ oya og Sandoyar sýslur eiga ein lim í part, og Suðuroyggin og Tórs­ havnar Kommuna hava hvør sín nevndarlim. Taka ta røttu og skilabestu avgerðina Borgarstjórin heldur, at avgerð um brennistøðina má takast rímiliga skjótt. Tað kemur so nógv rusk inn, at trupult er at brenna undan. Í síðstuni hevur Kommunala Brenni­støðin balla rusk og sent til Danmarkar at brenna, og tað verður neyðugt aftur seinni í ár, tá ið viðlíkahald skal gerast. – Brennistøðin er niður­s­litin og ekur á knøun­um. Tí má ein av­ gerð takast skjótt. Men tað er eisini týðandi at taka ta røttu og skilabestu avgerðina fyri Havnar kommunu, har vit ikki detta burturímillum, sig­ ur Annika Olsen. Møguliga á komandi býráðsfund Turið Horn, forkvinna í Náttúru- og um­hvørvis­ nevnd­in í Tórshavnar bý­ráð, vónar at fáa málið um brennistøðina fyri á kom­andi býráðsfundi 31. januar. – Eg veit ikki enn, um hatta málið verður við á skránni til býráðsfundin 31. januar. Eg vóni tað, sig­ ur Annika Olsen. Hon hevði tó ynskt at fingið eina breiða semju um málið, men spurn­ingurin er, um tað eydnast. – Eg hevði ynskt at fingið breiða semju mill­ um allar býráðslimir. Men eg má ásanna, at tað er ein avbjóðing, sigur borgar­stjórin. Í eina tíð hava IRF og Kommunala Brenni­ støðin í Tórshavnar kom­ munu tosað saman um at fáa eina felags brennistøð fyri alt landið. – Afturhaldskreftirnar eru sera sterkar. Vit hava viðgjørt málið í Náttúru- og umhvørvisnevndin fleiri ferðir, og vit hava eisini tosað við IRF, men málið hevur ikki verið búgvið at lagt fyri bý­ ráð­ið enn. Væntandi verð­ur tað lagt fram nú á býráðsfundinum síðst í januar, segði Turið Horn millum annað við Sosialin mánadagin. Heðin Mortensen, býráðslimur í Havn, tekur ikki undir við loysnini – Eg gangi aldrin við uppá, at vit skulu gjalda mest, men einki hava at siga, segði Heðin Morten­ sen millum annað við mánadagsblaðið.  Kristina Roest, forkvinna í IRF, sær stórar møguleikar í eini felags brennistøð. – Ætlanin er at byggja eina felags brennistøð á Hjalla, har pláss er fyri tveimum ovnum. Brenni­ støðin og fyrsti ovnurin skulu eftir ætlan takast í nýtslu í 2025, og síðan skal verandi brennistøð á Hjalla niðurleggjast. Sein­ni ovnurin skal so takast í nýtslu í 2035, tá ið brennistøðin hjá IRF á Hagaleiti í Leirvík skal niðurleggjast, segði hon millum annað við Sosial­ in mánadagin. PÚRA ØRT AT BYGGJA TVÆR BRENNISTØÐIR – Tað er púra ørt at byggja tvær nýggjar brennistøðir í landinum fyri eina milliard tilsamans, ístaðin fyri at byggja eina fyri alt landið, sum bara kostar hálva milliard, sigur Annika Olsen, borgarstjóri í Havn Annika Olsen, borgarstjóri í Havnar kommunu Kjak um eina ella tvær brennistøðir – Vit mugu síggja alt Føroyar sum eitt land. Eg vil stríðast fyri eini felags brennistøð, sigur Turið Horn, forkvinna í Náttúru- og umhvørvisnevndin í Tórshavnar býráð. Heðin Mortensen, býráðslimur, er ikki samdur