týsdagur 7. januar 2020síða 8

Mikudagur 7. januar 2020 · Nr. 3 8 Sosialurin Hugskot og viðmerkingar – send sms til 225000 TÍÐINDI Vilmund Jacobsen Rock Trawldoors í Vági varð stovnað hin 4. oktober í 2004, og á virki­num hava teir gjørt lemm­ar, rulluvektir, ali­ dregg og ymiskt annað. Upp­gávurnar aftrat høvuðs­fram­leiðsluni hava verið ymiskar, og eitt nú hava teir eisini klætt lastir á lastbilum við har­dox-stáli. Felagið aftan fyri Rock Trawldoors verður stýrt av einari trímannanevnd og stjóra. - Vit eru ikki eitt av teimum størstu feløg­ unum í Føroyum, men tað hevur eydnast okk­ um at hava eitt avlop í rakstri­num á hvørjum ári, undantikið í 2011, tá vit høvdu eitt lítið hall. Tað sigur Hans í Líðini, stjóri í felagnum, sum vísir á, at eginpeningurin í Rock Trawldoors er vaksin nakað á hvørjum ári, og nú um ársskiftið var samlaða skuldin nið­an fyri hálva miljón krón­ur. - Rock Trawldoors eigur stóran vinnu­bygn­ ing, og vit eiga eisini lutfalsliga nýggj og stási­ lig skrivstovuhøli við høvuðsvegin mitt í býn­ um í Vági, sigur hann. Stjórin vísir á, at upp í 21 fólk hava verið knýtt at virkseminum øll árini, og teir hava í løtuni fimm lærlingar. - So, hetta er hóast alt eitt hampiliga stórt arbeiðspláss í útjaðara­ num í Føroyum, sum Hans í Líðini tekur til. Um allan knøttin Á Rock Trawldoors gera teir trollemmar til trolar­ ar kring megin­partin av knøttinum. - Vit hava soleiðis gjørt lemmar til trolar­ar í Kamchatka, Vladi­vos­tok, Walvis Bay, Cape Town, Marokko, Russ­landi, Noregi, Íslandi, Grøn­ landi, Kanada, Týsklandi, Spania og til skip í øðrum londum við. Hans í Líðini vísir á, at Grønland hevur fingið nógvar nýggjar trolarar seinastu árini, og flestu teirra eru kundar hjá Rock Trawldoors. - Onkrir av trolarunum hava bara rulluvektir frá okkum, og aðrir hava bæði lemmar og rullu­ vektir. Stjórin sigur, at síðan Rock Trawldoors byrjaði sítt virksemi í 2004, hava russar keypt nógv í Vági. - Men, seinastu tíðina er mest farið til Íslands. Hann sigur, at allir teir smáu trolbátarnir á land­ leiðini hava lemmar úr Vági og onnur størri skip, sum eisini eru kund­ar hjá felagnum, eru eitt nú Gadus, Akraberg, Enni­ berg, Arctic Viking og djúpvatnstrolarin, Stein­ tór. - Men, vit fáast ikki bara við lemmar til botntrol. Tað eru eisini russar og aðrir, sum brúka lemmar til flótitrol, sum Rock Trawldoors sjálvsagt eisini framleiðir, leggur hann aftrat. Spildurnýtt modell Fyri hálvum triðja ári síðan koyrdi Rock Trawl­ doors eitt spildur­nýtt modell av lemmum til flótitrol - nevndir Sea- Eagle - umborð á upp­ sjóvar­skipið Finn Fríða, og har hevur gingist sera væl. - Hetta hevði við sær, at bæði Fram og grøn­ lendsku skipini Svend C og Tuugaliq fingu sær lemmar av hesum slag, og eisini hjá teimum hava lemmarnir roynst sera væl. Hans í Líðini vísir á, at í heyst fór so eisini eitt sett av hesum Sea-Eagle lemmunum umborð á Norð­borg, og higartil hava teir bara fingið góð­ ar afturmeldingar frá teim­um. Saman við maskin­ monn­unum umborð á Finni Fríða arbeiða Rock Trawldoors nú eisini við einari sera áhugaverdari verkætlan, har skiparin skal kunna stýra lemm­ un­um av brúnni. - Henda verkætlan er komin nakað ávegis, og tað er hetta, vit fingu nøkur tons av menn­ ingar­kvotu til. Hans í Líðini leggur dent á, at uttan stuðul av einum ella øðrum slag ber illa til at fara undir slíkar umfatandi og ný­ mennandi verkætlanir og royndir. Eisini orkusparandi Nú so nógv verður gjørt burtur úr Co2-útláti, og hvussu trupult tað er at minka um útlátið í skipa­ flotanum, hava teir hjá Rock Trawldoors ikki sovið í tímanum. - Vit hava nevniliga í tøttum samstarvi við skip­arar og útgerðar­ mann í reiðarínum, Faroe Origin í Saltangará, funn­ ið út av, at um partrolarar hava ein minni trollemm í part, so kunnu teir minka um frástøðuna millum skipini við einari helvt – og síðan spíla lemmarnir restina. - Eftir einar 6-7 túrar við hesum lemmum kann tað prógvast, at skipini í minsta lagi spara 20 prosent av oljuni, sum tey annars vildu havt brúkt, samstundis sum nógv minni stendur á róður­ maskinuni og róður­búsn­ ingum, sigur stjórin. Tað ber til Hans í Líðini vísir á, at um allir partrolarar í Føroyum fóru yvir til hesa skipan, kundi par­ trolaraflotin spart somu nøgd av olju, sum fimm bygdir á stødd við Sumba brúka um árið, og hetta hevði givið eina munandi mink­ing í útláti av Co2. - Sum nú er, verður bara snakkað um sparing av olju uppi á landi, og tað eru tey, sum siga, at einki kann sparast í trolaraflotanum. Men, hetta er ikki rætt, og tað er nú prógvað, at her kann í veruleikanum nógv olja sparast. Stjórin í Rock Trawl­ doors ásannar, at tað kost­ar nakað at leggja um frá ketuvektum til lemmar fyri at spara olju. - Men, fáa partrolarar nú lut í makrel-kvot­un­ um, so kunnu teir fáa ráð at keypa sær smáar Á Rock Trawldoors í Vági arbeiða teir við orkusparandi projekti til partrolaraflotan, og teir arbeiða eisini við fjarstýrdum lemmum til flótitrol. – Einki kemur av ongum, sigur stjórin, Hans í Líðini, samstundis sum hann ásannar, at øll nýmenning kostar pengar ROCK TRAWLDOORS ROCK TRAWLDOORS ARBEIÐIR VIÐ ARBEIÐIR VIÐ SLÓÐBRÓT- SLÓÐBRÓT- ANDI VERKÆTLANUM ANDI VERKÆTLANUM - Tað er ikki rætt, at partrolarar ikki kunnu spara olju. Tað er nú prógvað, at tað saktans ber til – og her kann nógv olja sparast