hósdagur 9. januar 2020síða 5

FRÍGGJADAGUR 10. JANUAR 2020 SOSIALURIN 4 5 BÚNAÐARGRUNNURIN R. C. Effersøesgøta 4 Postrúm 50 110 Tórshavn STJÓRI TIL BÚNAÐARGRUNNIN Í sambandi við at verandi stjórin í Búnaðargrunninum hevur sagt seg úr starvi, verður søkt eftir stjóra at byrja skjótast til ber. Um Búnaðargrunnin Endamálið við Búnaðargrunninum er at veita fígging til menning av føroyskum landbúnaði og fíggja kostnaðin av at reka jarðarumsitingina. Harumframt umsitur grunnurin fígging av festikontu og felags festipulju. Búnaðargrunnurin verður umsitin av einum av landsstýrisfólkinum í Umhvørvis- og Vinnumálum valdum stýri við 5 limum. Meiri fæst at vita um Búnaðargrunnin á www.bg.fo Starvið Stjórin hevur dagligu leiðsluna av Búnaðargrunninum um hendi við tilvísing til stýrið, og skal tryggja eina dygdargóða, dagliga fyrisiting av grunninum. Stjórin hevur ábyrgdina av dagliga samskiftinum við lántakarar, almennar myndugleikar og onnur viðskiftafólk og skal koma við tilráðingum til stýrið í sambandi við lántøkur, umleggingar av lánum, fígging av festikontum og felags festipulju og í sambandi við umsóknir um saneringar. Stjórin hevur somuleiðis ábyrgdina av ognarumsitingini hjá grunninum undir teimum fyritreytum, sum stýrið setur. Løn Lønin verður ásett eftir nærri avtalu. Umsøkjarin Dentur verður lagdur á, at umsøkjarin • hevur royndir innan fíggjarviðurskifti, roknskap, leiðslu og fyrisiting • hevur góð samstarvsevni og leiðsluførleikar • hevur innlit í føroyskan landbúnað og landbúnaðarviðurskiftir Umsóknir Umsókn saman við prógvum, viðmælum v.m. skal sendast til SPEKT løggildir grannskoðarar Sp/f, Staravegur 17, Postsmoga 3258, 110 Tórshavn, att. Beinta Jensen, skrivari, ella umvegis teldupost til bj@spekt.fo Umsóknarfreistin er 15. januar 2020. Eru spurningar til starvið, ber til at venda sær til til Símun Gullaksen, stýrisformann, á telefon 217055. Allar upplýsingar og umsóknin verða viðgjørd í trúnaði. Klakkur skal fiska fyri 50 milliónir Í gjár kom nýggi Klakkur, KG 9, inn á Klaksvík. Fyrst í komandi viku ætla teir til Flemish Cap. Ætlandi skulu teir fiska fyri 50 milliónir krónur um árið fyri at klára tað FRANTS JENSEN FRANTS@SOSIALURIN.FO – Vit eru sera glaðir fyri skipið. Vegna ill­ veður sigldu vit ikki so skjótt, nú vilt sigldu heim, men skipið roynast sera væl, sigur Líggjas Johannesen. Skipið er keypt úr Ålesund í Norra. Frysti­línuskipið at áður Geir II, og er bygt í 2010. Brøðurnir Líggjas og Bethuel Johanne­ sen í Klaksvík hava saman við øðrum keypt skipið. Skipið hevur tað, tey rópa moon pool, tað er, at línan verður drigin upp gjøgnum botnin, mitt inni í skipinum. Hetta er fyrsta skipið í Føroyum við tílíkum dragiholi. Skipið hevur eisini flakaverksmiðju og kann frysta fiskin umborð. Flemish Cap Nú, skipið er komið, eru ymisk smáting, ið skulu gerast, áðrenn skipið fer til fiskiskap. – Eg vænti, at vit fara avstað fyrst í kom­ andi viku. Tá fara vit til Flemish Cap at fiska kvotuna har, sigur Líggjas Johannesen. Enn er tað formliga ikki komið upp á pláss við fiskiloyvi til Flemish Cap, men eig­arin heldur ikki, at tað verður nakar trupul­leiki. Annars er ætlanin, at skipið fer at royna við Føroyar og undir Íslandi. Fiska fyri 50 milliónir um árið Men hvussu nógv skal til, fyri at tað skal mala runt. – Vit skulu fiska fyri 50 milliónir krón­ur um árið fyri at tað skal mala runt. Norð­ menn­inir fiskaðu fyri 99 milliónir norskar krónur í fjør og tað var met hjá teimum. Við gamla Klakki fiskaðu vit fyri umleið 49 milliónir krónur í fjør. Tá høvdu vit bara eina manning, men nú verður hálvonnur, og tí fer skipið at liggja minni við kai, sigur Líggjas Johannesen, sum ikki vil upplýsa keypsprísin. 17 mans vera við Smápartafelagið undir Klakki tók við skip­ in­um 2. januar. Klakkur er 51,3 metrar langur, 12,4 metrar breiður og tekur 370 tons.  Brøðurnir Líggjas og Bethuel Johanne­ sen fara at skiftast at vera skiparar. 17 mans vera við skipinum. Fyrsta túrin vera eisini nakrir norðmenn við fyri at læra nýggju manningina upp. Teir, sum vóru við gamla Klakki, fara yvir á nýggj Klakk. Gamli Klakkur eitur nú Jákup B. Nýggi Klakkur, tá hann kom at bryggju í Klaksvík í gjár Mynd: Dávur Winther Eigararnir Líggjas Johannesen, Bethuel Johannesen og Hanus Hansen Mynd: Dávur Winther