hósdagur 9. januar 2020síða 6

FRÍGGJADAGUR 10. JANUAR 2020 SOSIALURIN 4 6 ANNIKA KUNOY IM ANNIKA@SOSIALURIN.FO Á pinkubarnadeildini á sjúkrahúsinum í Aal­ borg hoyrist nýføddur barnagrátur. 30 ára gamla Barbara Tausen hevur fyri stuttum átt tvíeggjaðu tvíburar sínar – ein lítlan drong og eina lítla gentu. Í sjálvum sær er eitt tvíburapar einki eindømi. Í Danmark vóru 932 av 60.742 barnsburðum fleirburar – tað er tví-, trí- ella fjórburar – í 2018. Teir allarflestu av hesum vóru sjálvsagt tvíburar. Hálvtannað prosent av øllum føðingum í Danmark eru tvíburar. Hetta er á leið ein út av 65. Ein týðilig afturgongd frá 2008, tá prosentalið lá á 2,2 ella á leið ein út av 45, skrivar Danmarks Stat­ist­ik. Men Barbara hevur ligið her fyrr, tí í 2015 átti hon tvíbura­ gent­urnar Rúnu og Rósu. Hetta er tí annað tvíburaparið hjá ungu familjuni, sum 3. januar vaks frá fýra til seks. – Hov, nú trúði eg eina lítla løtu, at her vóru tvey sett av tví­burum! Segði barnalæknin í gjár, tá hon kom inn at hyggja til nýføðingarnar hjá okkum, meðan fýra ára gomlu tvíburasystrarnar eisini vóru og vitjaðu. Tað kom óvart á hana, tá eg svaraði, at hon hevði rætt, sigur Barbara Tausen lættliga. Ikki ein støða, ið hon hevði ímyndað sær, tá hon og sjeikurin, 29 ára gamli Gunnar í Dali, av­ gjørdu, at tey fegin vildu hava eitt barn aftrat. Tey hildu, at trý børn var passandi, greiða tey frá. – Vit hava í longri tíð ikki vitað, um vit vildu hava fleiri børn. Men sum Rúna og Rósa vuksu til, vórðu sjálvbjargnari og løgdu bæði blæ­ una og suttuna av, fóru vit at spæla okkum við tankan um eitt barn aftrat, sigur Barbara Tausen. – Tað sá so hugnaligt út at hava bert ein nýføðing, flennir hon. Tey liggja nú á pinku­barna­ deildini í nakrar dagar, tí lítla diddan var nakað lítil. Nýføð­ing­ ar­nir fáa mjólk gjøgnum sondu, og Barb­ara skal vera innløgd saman við teimum, til tey sjálvi duga at súgva og taka fløskuna. Tvíburaparið varð borið í heim við keisaraskurði í viku 36, tí lækn­arnir sóu, at diddan tyktist stressað, og tí var best fyri hana at koma út. Tá tey vórðu borin í heim 3. januar, vigaði diddan 1900 gram og beiggin 2700 gram. Sermerkt við tveimum tvíburapørum – Tá eg varð við barn fyri aðru ferð, vaks búkurin sera skjótt. Og inni í mær sjálvari hevði eg eina kenslu av, at eg gekk við tveimum, hóast eg eisini visti, at tað ikki var sannlíkt, sigur Barbara Tausen. Ivin fylti nógv hjá Barbaru, sum als ikki kláraði at fáa frið í kroppin fyrr enn hon við vissu visti, um tað var eitt ella tvey lítil hjarta­ljóð í lívmóðurini. – Vit valdu tí at bóka tíð til eina privata skanning í viku níggju, og eg var so ómetaliga nervøs. Læknin spurdi, um vit høvdu roynt hetta fyrr, og eg greiddi frá, at eg átti tvíburar, og eg vildi bara vita, um eg gekk við einum ella tveimum hesuferð, sigur hon. Lækin vissaði bæði Barbaru og Gunnar um, at sannlíkindini fyri, at tey nú aftur fingu tvíburar vóru so lítil, at tað var hon vís í ikki var tilfeldið. Hon segði Barbaru, at hon skuldi als ikki vera nervøs, tí hon fór ikki at fáa tvíburar aftur. Síðani fór læknin at skanna búkin hjá Barbaru, sum longu tá var farin at vaksa. – Tá sóu vit við tað sama, at har vóru tvey fostur á skerminum, flenna tey bæði. – Læknin varð so bilsin og segði, at hetta var ótrúligt og fyrstu ferð øll tey 15 árini, hon hevði arbeitt sum lækni, at hon hevði upplivað hetta, sigur Barbara Tausen. – Nú hugsi eg ikki so nógv um, at tað eru tvíburar, eg havi gingið við – tí eg havi í veruleikanum ikki roynt annað enn at átt tvíburar. Tað var meir tað, at fara frá tveim­ um børnum til fýra børn í einum, sum virkaði nokkso ógvusligt í mínum høvdi, sigur Barbara Taus­ en. Tá Barbara og Gunnar síðani fóru til kommunulækna, sum man jú ger, tá man er við barn, vildi kommunulæknin heldur ikki trúgva tí. – Tvíburar er hetta so ikki, segði kommunulæknin okkum tá, og hann vildi ikki trúgva mær, tá eg TVÍBURAFORELDU TVÆR FERÐIR Á R Læknarnir trúðu ikki sínum egnu eygum, tá ið teir kannaðu Barbaru, sum var við barn. Hetta var nevniliga aðru ferð í fýra ár, at hon skuldi hava tvíburar og tað høvdu teir ikki sæð fyrr. Barbara var skelkað, men tíbetur var papin róligur og errin og nú gleða tey seg til at flyta aftur til Føroya Læknin varð so bilsin og segði, at hetta var ótrúligt og fyrstu ferð øll tey 15 árini, hon hevði arbeitt sum lækni, at hon hevði upplivað hetta PERSÓNSØGA Læknarnir bilsnir: Rósa og Rúna vísa, hvussu nógv børn eru í búkinum hja mammuni Tvíburar eru tveir einstaklingar, ið mennast í sama barnsburði, og sum síðani verða fødd beint eftir hvønn annan. Tað eru tvey sløg av tvíburum; nevniliga eineggjaðir og tvíeggjaðir tvíburar.