mánadagur 13. januar 2020síða 8

8 Sosialurin Hugskot og viðmerkingar – send sms til 225000 Mánadagur 13. januar 2020 · Nr. 5 Í síðstu viku vórðu boraðir 84 metrar av Sandoyartunlinum - 73 metrar á Gomlurætt og 11 metrar í Traðardali. Í Traðardali eru nú boraðir 1.322 metrar og á Gomlurætt 921 metrar. Tavan fytir seg eftir vertíðini Virkið í Leirvík er rættiliga fleksibult, og hetta merkir, at tey, sum arbeiða á virkinum, eru partur av nógvum ymiskum framleiðslum gjøgnum eitt ár, har føroyskar fiskavørur verða meirvirkaðar til ein krevjandi útlendskan marknað Vilmund Jacobsen Í sildavertíðini í heyst hevur Tavan í Leirvík arbeitt sild, og í vertíðini hesaferð tók virkið ímóti 1000 tonsum, umframt brislingi og nakað av makreli. Sigast kann, at framleiðslan á Tavuni fylgir vertíðini og gongd­ini í náttúruni og hav­ um­hvørvinum. Gulllaksafars Í summarhálvuni arbeiða tey gulllaks til fars, soleiðis sum virkið hevur gjørt í nógv ár. Um veturin arbeiða tey upsa, men seinnu árini hevur virkið í sildavertíðini um heyst­arnar eisini arbeitt sild, sum verður skorin í bitar og laka­saltað á virkinum. Sildabitarnir fara í tunnur, har høvuðsmarknaður er í Svø­ríki. Men, virkið í Leirvík fevnir breitt, tá ræður um at gang­ nýta og meirvirka okkara til­ feingi. Nú standa so rognini fyri. Virkið hevur nevniliga í nógv ár tikið ímóti rognum, og soleiðis verður eisini í vertíðini í vár. Eins og við sildini, er Svøríki høvuðsmarknaður fyri toska- og upsarognini. Rogn í tunnum Á Tavuni í Leirvík verða rogn­ ini sukursaltað í tunnur, og síðan fara tey til høvuðs­kund­ an, ABBA. Har verða tunn­ur­ nar lagraðar í tunlum í berg­in­ um í Kungshamn. Rognini verða lagraði í 12 mán­aðar, áðrenn svenska fyritøkan fer undir at fram­ leiða tær so vælkendu Kalles Kaviar tupurnar. Kalles Kaviar er eitt sera kent brand í Svøriki, og hjá mongum svium, vaksnum sum børnum,  byrjar dagurin við eitt sindur av Kalles Kaviar. Kaviarurin verður sagdur at vera heilsugóður og stimbr­ andi, og framleiddar verða um­ leið 10 miljónir tupur um árið. Umframt svenska markn­ að­in, verður Kalles Kaviar selt kring heimin. Keypa øll rogn Joen Magnus Rasmussen, stjóri í Tavuni, er sera fegin um, at Tavan í mong ár hevur verið góðkendur veitari av rogn­um til hesa framleiðslu sum setir sera stór krøv til við­ gerð og góðsku. Hann heldur, at bæði fiski­ menn og framleiðarar í Før­oy­ um eiga at gera tað, sum gerast kann fyri at gagnnýta alt úr fiskinum, og hann sigur seg vóna, at skip og bátar fara at leggja seg eftir at taka rogn í ver­tíðini í vár. - Vit á Tavuni eru áhugaði í øllum rognum, leggur Joen Magn­us Rasmussen aftrat. Ikki so galið Vilmund Jacobsen Karl Johann Hansen ringdi av Norðskála í gekka-spæl­ inum fríggjakvøldið. Hann valdi at deila tær 1,2 miljónirnar, sum høvuðs­ vinn­ingurin var, í teir tríggj­ ar leyparnar við 400.000 krónum í hvørjum leypi. Í fyrsta drátti steðgaði gekka-hjólið á 12.500 krón­ um, sum faldað við fimm hevði givið honum 62.500 krónur. Karl Johann Han­ sen helt fyri, at hann vildi royna einaferð aftrat. Í øðr­um drátti steðgaði hjólið á 10.000 krónum, sum faldað við trý hevði givið honum 30.000 krón­ur. - Nú eri eg komin so langt, at eg royni einaferð aftrat, segði hann. Í triðja og seinasta drátti kom gekka-hjólið rættiliga upp í umdreiningar og hevði slett ongan hug at steðga aftur. Hjólið steðgaði at enda á 10.000 krónum, sum eis­ ini gjørdist vinningurin hjá honum, men Karl Jo­ hann Hansen tóktist ikki vónbrotin. - Tað er heldur ikki so galið, segði hann og takk­ aði fyri vinningin. KELDA: Leygarkvøldið 18. januar verður stórt trettandakvøld- tiltak á Keldu í Skálavík – við borðhaldi, føroyskum dansi og gamlamannadansi. Skipað verður eisini fyri busskoyring í samband við tiltakið. Fleiri velja bussleiðina Tað var við ársbyrjan í 2017, at Sunda kommuna fór í holt við regluliga busskoyring í kommununi Vilmund Jacobsen Talan er um tvær bussleiðir, harav leið 1 fevnir um syðra partin av kommununi og leið 2 fevnir um hin norðara part­ in. Nú bussleiðin hevur koyrt í trý ár, siga hagtølini, at áhug­in fyri hesi koyring hev­ ur verið veksandi. Í 2017 koyrdu 5.614 fólk við bussunum, í 2018 var talið 6.195 – og í 2019 koyrdu heili 9.213 fólk tilsamans við buss­ un­um í Sunda kommunu. Hagtølini yvir hesi trý ár­ ini vísa eisini, at tað serliga er leið 1, sum hevur áhuga mill­ um fólk í Sunda kommunu.