mánadagur 13. januar 2020síða 21

21 Mánadagur 6. januar 2014 · Nr. 2 Sosialurin Mánadagur 13. januar 2020 · Nr. 5 Hugskot og viðmerkingar – send sms til 225000 Luksemborg búði á øðrum gist­ ingar­húsið. Leikararnir róptu hart og lurtaðu eftir tónleiki í bussi­ num á veg í høllina, har bólka­ finalan ímillum Slovakia og Lita­va var um at enda. Litava vann við einum máli í einum sera teprum dysti. Eftir at litavar høvdu fegnast um sín sigur, fóru før­oy­ing­arnir til upphiting í fantast­iskum umstøðum. Tí fólk høvdu givið hesum dysti­ num ans. Føroyskur rómur, Sea Shepherd og framúr føroyskt spæl Mykines lá í Rotterdam, og mann­ingin gjørdi av at koyra teir fýra tímarnar til Luksem­borg at stuðla. Og tað var góður stuðul, tá ið før­oyska áskoðaratalið nær­um tvífaldaðist. Hond­bólts­ sam­bandi í Luksemborg vísti seg frá síni bestu síðu, og spældi før­oyskan tónleik í upp­hit­ingini. So gjørdi tað einki at eitt mótmæli frá Sea Shepherd setti dám á dystarbyrjanina. Før­oy­ingarnir spældu hond­ bólt, og tað var vorðið sum hond­bóltur. Við áræsnari og ágang­andi verju, var ein bóltur fyri og annar eftir vunnin, og málini skolaðu inn aftanfyri málverjan hjá Luksemborg. Vend í, men vit hildu fast Men so fekk Luksemborg vend í. Løtu eftir at Sea Shepherd fólk­ini vóru ripaði á dyr, skifti Luksemborg málverja. Og hann gav føroysku skjúttunum høvuð­brýggj. Dysturin javnaði seg, og enn einaferð skuldu Før­ oyar inn í ein avgerandi dystar­ enda, har serliga spælskiparin hjá Luksemborg gjørdi júst sum hann hevði hug til í eina góða løtu. Men so eydnaðist tað. Verjan fekk fatur og Nicholas Satch­well trakkaði til við stór­ bjargingum seinastu løtuna, Før­oyar revsaðu í hinum enda­ num, og tá ið støðan gjørd­ist 24-21 við færri enn tveim­um minuttum eftir vistu leikar­ar­ nir at dysturin var avgjørdur. Kenslan at vinna Tann lættin, sum valdaði í hópi­ num kundi eingin fara skeivur av, tá ið hallarlúðurin ljóðaði við støðuni 24-22 til Føroya. Kenslan at vinna skolaði um leikararnar, sum alt fyri eitt løgdu leiðina framvið før­oysku fjepparafjøldini, har fagn­ að­urin fór oman á vøllin og niðanaftur á áskoðara­beink­ irnar. Tankarnir leitaðu til orðini hjá Tróndi Kragesteen. Nú høvdu Føroyar vunnið ein undan­kappingardyst. Nú kunnu vit fara undir næsta stigið. sjurdur@sosialurin.fo HONDBÓLTUR At røkka HM-undan­kapp­ ingini hesaferð var helst ov stórur gloypubiti. Bert 13 lond úr Evropa sleppa við til HM-endaspælið í 2021, men til EM fara Føroyar at stríðast fyri einum av 24 plássum. Tað er næsta málið, og avrikini – ikki úrslitini – seinasta hálvt­ annað árið, síðani javn­leik­in í Montenegro, siga okkum at tað er gjørligt. Men tað fer at krevja, at liðið røkkur næsta stignum. Og tað fer at krevja enn fleiri dystir. Krevja fleiri dystir - Vit raktu ikki altjóða støð­ið, segði Rókur Akralíð fríggja­ kvøldið. - Teir vóru ikki betri enn Ukraina ella Montenegro, legði Rógvi Dal Christiansen aftur­at. Tá ið føroyingarnir fingu oyr­ini í litavsku maskinuna fríggjadagin, var tað fyrstu ferð síðani junimánað, at Føroyar spældu ímóti einum øðrum landsliðið. Í summar spældu Føroyar ein vinardyst ímóti danska felagnum, BSV og í oktober ímóti einum liðið, mannað við leikarum úr føroysku deildini, sum ikki var ført fyri at geva stóru mót­støðuna. Nú eru tíggju mánaðir at finna so nógv mótstøðulið sum gjørligt, fyri at fyri­ reika liðið upp á EM-undan­ kapp­ingina, sum byrjar næsta heyst. Áðrenn teir seks dystirnir, sum tá skulu spælast er kravið frá lands­ lið­num greitt: Fleiri dystir. Stóru úrslitini koma ikki av tilvild Størsta føroyska úrslitið í nýggjari tíð er javnleikurin í Montenegro á heysti 2018. Tað úrslitið kom ikki av til­vild. Áðrenn ferðina til Monte­ negro hevði landsliðið verið tríggjar dagar í Finnlandi, og spælt tveir venjingardystir. - Tað gav okkum ófatiliga nógv, minnist Dejan Lacok, sum er málverjuvenjari á lands­lið­num. Dejan Lacok leggur sum vera man dent á mál­ verju­spælið, og sigur at ná­ greiniliga fyri málverjarnar gav tað stórar royndir ímóti skjúttum á altjóða støði, og fyri føroysku áleypararnar gav tað royndir at skjóta ímóti øðrvísi málverjum. Føroyar taptu báðar dystir­ nar í Finnlandi, men batin frá fyrsta til næsta dystin var stórur, og úrslitið kom so tá ið liðið var fult til reiðar at spæla ímóti Montenegro tvær vikur seinni, tá ið Føroyar vunnu sær fyrsta undan­kappingarstigið hjá Før­oyum síðani 2003 – og næsta stigið í søguni. Til samanberingar vann Montenegro á Serbia í EM- enda­spælinum, samstundis sum Føroyar vunnu á Luksem­borg sunnudagin. Eitt EM-endaspæl, sum Monte­negro hevur fyri­reik­að seg til við nógvum venj­ingar­ dyst­um. Litava var okkara venjingardystur Batin í føroyska spælinum var eisini ovurstórur frá fríggja­degnum ímóti Litava til leygardagin ímóti Slovakia. Tað kendist sum at dyst­urin ímóti Litava var venjing­ar­ dyst­urin, har leitað var eftir støðinum, sum liðið so fann tá ið komið var nakað inn í dystin ímóti Slovakia. Næstu ferð má landsliðið fáa møguleikan at finna støð­ ið áðrenn kappingina. Hugskotini eru har tíbetur. Sonni Larsen, lands­liðs­ venjari, greiðir eisini frá, at arbeitt verður millum annað við, at skipa fyri dystum ímóti eitt nú U21-landsliðnum hjá Danmark í summar. Men landsdystir kosta pengar, og til EM-undankappingina mugu Føroyar aftur finna sær ein heimavøll uttanlands. sjurdur@sosialurin.fo Enn einaferð hava avrikini ímóti Slovakia og Luksemborg prógvað, at føroyska liðið er á rættari leið, og vónin er at dystir sum tann ímóti Slovakia koppa til føroyskan fyrimun oftari og oftari. Men tað kemur ikki av tilvild Næsta stigið krevur fleiri dystir