fríggjadagur 17. desember 2004síða 5

Nr. 242 - 17. desember 2004 5 Bókadeild Føroya Lærara- felags hevur givið út fýra nýggjar bøkur. Talan er um smábarnabøkurnar Glitr- andi, skróvandi talbókin hjá Malju eftir L. Cousins, og Jólini hjá Flekk eftir Eric Hill. Ein barnabók, ið eitur Ein hundur, ein ketta og ein mús eftir Bárð Jákupsson, og kenda ævin- týrið Aladdin og ganda- lampan, ið Philip Pullman hevur endursagt. Hetta er tíðin, tá ið nógv- ar nýggjar bøkur koma á marknaðin. Heldur ikki í ár er nakað undantak í so máta, og nú hevur Bóka- deild Føroya Lærarafelags útgivið ikki minni enn fýra barnabøkur. Aladdin á fyrsta sinni á føroyskum Bókin um glitrandi, skróv- andi talbólkina hjá Malju er ein upplivingarbók til tey smáu. Øll børn, sum eru góð við Malju, fara at gleð- ast um hesa litføgru talbók- ina. Bókin er best egnað til tey 2-3 ára gomlu, hon kostar 80 krónur í bókabúð- unum. Tað er Niels Jákup Thomsen, sum hevur týtt úr enskum. Jólini hjá Flekk er fitt bók til tey heilt smáu. Hon hevur litfagrar myndir og er prentað á haldgott papp. Hon kostar 50 krónur í bókabúðunum, og tað er Eyðna Magnussen, ið hev- ur týtt úr enskum. Bókin ein hundur, ein ketta og ein mús er fyrsta royndin hjá Bárði Jákups- syni sum barnabókahøv- undur. Bárður hevur í mong ár teknað til barnabøkur, men hesaferð eigur hann so eisini orðini. Bókin er væl egnað til tey 4-7 ára gomlu og kostar 95 krónur í bóka- búðunum. Fyri fyrstu ferð nakrantíð er klassiska ævintýrið um Aladdin og gandalampuna týtt til føroyskt. Tað er Gunnar Hoydal, ið hevur týtt. Bókin er í serstakliga vakrari útgávu. Hon er 68 síður til støddar, sera vakurt innbundin og kostar 150 krónur í bókabúðunum. tn Fýra nýggjar barnabøkur Um vikuskiftið skipar Fornminnissavnið fyri jólahugna heima á Garði í Hoyvík Tíðindaskriv frá Føroya Fornminnissavni Í hesum myrku døgum upp undir jól er skundur á fólki. Runnið verður úr einum handli aftur í annan. Tað er so mangt, ein skal náa undan jólum. Tí kann tað hugnaliga umhvørvið kring útisavnið hjá Fornminnissavninum við Hoyvíkina hava eina øðrvísi meira friðsæla upp- living at bjóða foreldrum og børnum, ommum og abbum og øðrum við, nú vit fjórða árið á rað skipa fyri jólahugna heima á Garði í Hoyvík hetta seinasta viku- skiftið fyri jól. Inni í roykstovuni í Hoy- víksgarði er kynt við torvi í komfýrinum, bakaður verð- ur onkur forkunnugur jóla- bakstur, borðreitt er við sið- bundnum føroyskum mati, og blíðar konur stákast inn- andura. Ávísar tíðir hoyrist ser- merktur tónleikur úr stov- uni. Hetta eru 6 tónleikarar, sum spæla nakað av tí, sum Jens Christian Svabo skriv- aði í nótabók sína einaferð síðst í 1700-talinum. Henda nótabók varð í 1928 funnin á loftinum í Pætursastovu í Havn. Nú royna vit at fanga og endurskapa eitt sindur av tí dámi, sum valdaði á døgum Svabos í eini stovu í Havn fyri umleið 200 árum síðani. Úti í stovu verða jólabrøv skrivað, sjálvandi við fjøð- urpenni og blekki. Aðrar tíðir hoyrast onnur ljóð úr stovuni. Nú eru tað tvær, sum syngja gomul skjaldur úr Funningi. Uttandura hava børnini úr at gera. Summi tuska runt á granskingarferð at leita eftir vættrum ella royna at gera bond og tog í hoyggjhúsinum. Onnur standa í bíðirøð fyri at royna nakað so spennandi sum at sleppa at ríða á teimum sermerktu og fittu føroyskum rossunum. Kiwanis selur jólatrø í túninum og skapar á tann hátt aftur í ár jólahugna í útisavninum. Roykur kemur úr skorsteinum á smiðjuni, tí smiðurin hevur kynt í ess- uni og er farin at smíða tað gløðandi jarnið til ein- hvønn prýðiligan lut. Um kalt er úti, er gott at koma innum í turkihúsinum og keypa sær ein kaffi- ella temunn ella saft og okkurt jólaligt og gott afturvið. Heimavirkaðir lutir eru eisini at fáa í turkihúsinum. Fornminnissavnið loyvir sær at taka 20 kr frá teim- um vaksnu til alt tiltakið. Atgongumerkið inniheldur samstundis skránna, kort- mynd yvir útisavnið og upplýsingar um føroysk ross og um Svabotónleikin. Jólahugni sum í gomlum døgum Talan verður um »gamaldags« jólahugna á Hoyíksgarði um vikuskiftið